Watter land kan dit wees?

Mense in die ontwikkelde lande beskou gewoonlik omkopery, korrupsie en armoede as eie aan Afrika- en Latyns-Amerikaanse lande. Op watter land is die volgende aanhaling dus van toepassing?

“Regeringsministers lieg, sakemanne word weens korrupsie in die tronk gesit, staatsamptenare word betrap waar hulle omkoopgeld aanvaar, die politiek raak in onguns en [politici] word beskou as berug, besope en seksbehep. . . . Dwarsoor die land is struikrowery weer aan die orde van die dag. . . . Algemene misdaad gaan gepaard met ’n vlaag van korrupsie in die nywerheid, in finansies en in die staatsdiens. . . . Elfmiljoen mense kom nou drie of meer van die basiese lewensbenodigdhede kort, . . . en die getal wat in volslae armoede leef—wat sewe of meer van die noodsaaklikhede kortkom—het van 2,5 miljoen tot 3,5 miljoen gestyg.”—Phillip Knightley, The Australian Magazine.

Het jy reg geraai? Die antwoord is Brittanje. Maar die droewige feit omtrent ons tye is dat die voorgaande op tientalle lande van toepassing kan wees. Ons almal het ’n goeie, eerlike, regskape heerskappy tog só dringend nodig! Ja, ons het God se heerskappy nodig deur middel van daardie Koninkryk waarvoor Jesus sy volgelinge leer bid het: “Laat u koninkryk kom.”—Matteus 6:10.