Herken jy daardie liedjie?

WATTER liedjie? ’n Gewilde ou liedjie? Ja, ou, ou liedjies, miskien die oudste liedjies wat al ooit op die aarde gehoor is. Wat is dit? Voëlgesang.

Baie mense identifiseer voëls aan hulle kleure, hulle vorm, hulle vliegpatroon en hulle nesmaakgewoontes. Maar het jy al ooit probeer om voëls te identifiseer deur aandagtig na hulle sang te luister?

Met party voëls is dit nie te moeilik nie, want daar is nie veel afwisseling in hulle roepe nie. Neem byvoorbeeld die ondeunde kraai. Hoewel hy een van die slimste voëls is, identifiseer sy krassende “kwa-a-ak, kwa-a-ak” hom onmiddellik. Roeke is ook bekend vir hulle lawaaierige gekras. Nog ’n voël wie se droewige geroep jou snags tot raserny kan dryf, is die bokmelker. Sy Engelse naam, whippoorwill, is afgelei van sy geroep, wat nie tot ’n end wil kom nie, veral as jy probeer slaap.

Daarteenoor “het die vleiwinterkoninkies dikwels repertoires van meer as 100 liedjies; spotlysters van 100 tot 200. Een bruin krombekspotlyster het meer as 2 000 liedjies gesing”!—Audubon, Maart-April 1999.

Dit is gewoonlik die mannetjies wat sing om hulle gebied af te baken en wyfies te lok. Maar soms sluit party wyfies by die voëlkoor aan. Dit is waar van die Baltimore-, of Noordelike, wielewale, kardinaalvoëls in Noord-Amerika en rooiborsappelvinke.

Ken jy die voëls in jou deel van die wêreld? In baie lande is opnames van voëlgesang beskikbaar wat jou kan help om voëls deur middel van hulle roepe te identifiseer. Jy kan selfs horlosies koop wat die begin van elke uur met die lied van ’n ander voël aankondig. Jy sal ten minste 12 roepe redelik vinnig leer!

[Prent op bladsy 31]

Vleiwinterkoninkie

[Prent op bladsy 31]

Rooiborsappelvink

[Prent op bladsy 31]

Kardinaal-voël