Onthou jy?

Het jy dit geniet om die onlangse nommers van Die Wagtoring te lees? Kyk of jy die volgende vrae kan beantwoord:

• Voor watter groot uitdaging kom party Christene te staan nadat hulle getrou het, en wat moet hulle probeer doen?

Party Christene besef miskien dat hulle min in gemeen het met hulle maat. Omdat hulle weet dat ’n onskriftuurlike egskeiding nie ’n aanvaarbare oplossing is nie, moet hulle hulle daarop toelê om ’n sukses van hulle huwelik te maak.—4/15, bladsy 17.

• Voor watter uitdagings kan ’n Christen in ’n ouetehuis te staan kom?

Hy ken dalk nie die gemeente in die gebied waar die ouetehuis geleë is nie. Die opvattings van die meeste persone in die ouetehuis verskil moontlik van syne, en hulle sal hom miskien by godsdiensbedrywighede probeer betrek. Christenfamilielede en lede van die plaaslike gemeente moet bewus wees van hierdie probleme en ondersteuning en versorging voorsien.—4/15, bladsye 25-27.

• Watter vier stappe kan huweliksmaats help om probleme op te los?

Stel ’n tyd vas om die kwessies te bespreek (Pred. 3:1, 7). Spreek jou mening eerlik en respekvol uit (Ef. 4:25). Luister na en erken jou maat se gevoelens (Matt. 7:12). Besluit saam op ’n oplossing en werk saam daaraan (Pred. 4:9, 10).—5/1, bladsye 10-12.

• Na watter skulde het Jesus verwys toe hy ons aangespoor het om te bid dat ons skulde vergewe word?

Wanneer Matteus 6:12 met Lukas 11:4 vergelyk word, is dit duidelik dat Jesus nie na finansiële skulde verwys het nie. Hy het sondes in gedagte gehad. Ons moet God navolg deur gewillig te wees om ander te vergewe.—5/15, bladsy 9.

• Op watter komitees dien die lede van die Bestuursliggaam?

Koördineerderskomitee; Personeelkomitee; Uitgewerskomitee; Dienskomitee; Onderrigtingskomitee; Skryfkomitee.—5/15, bladsy 29.

• Hoe kan ons daarvan seker wees dat die Vloed van Noag se dag ’n wêreldwye vloed was?

Jesus het geglo dat die Vloed plaasgevind het en dat dit ’n wêreldwye vloed was. Bybelse waarskuwings is gegrond op die werklikheid van ’n wêreldwye vloed.—6/1, bladsy 8.

• Het die gedrag wat in Romeine 1:24-32 beskryf word, verwys na die Jode of die nie-Jode?

Die beskrywing kan op albei groepe van toepassing wees, maar die apostel Paulus het spesifiek verwys na die Israeliete van ouds wat eeue lank versuim het om die Wet te volg. Hulle het God se regverdige verordeninge geken, maar hulle het nie in ooreenstemming daarmee gelewe nie.—6/15, bladsy 29.

• Waar is Tel Arad, en waarom is dit betekenisvol?

Hierdie puinheuwel in Israel wat aandui waar die eertydse stad Arad was, is wes van die Dooie See geleë. Opgrawers het ’n versameling potskerwe wat as skryftablette gebruik is, by hierdie puinheuwel gevind. Party bevat name wat in die Bybel gevind word en toon ook dat God se persoonlike naam in sekulêre dokumente gebruik is.—7/1, bladsye 23-24.

• Waarom kan dit ons vreugde vergroot as ons redelik is in ons verwagtinge?

As ons onredelike doelwitte probeer bereik ongeag die koste, onderwerp ons ons aan onnodige druk. Aan die ander kant moet ons nie te toegeeflik wees en die beperkings wat ons meen ons het, as ’n verskoning gebruik om minder in die Christelike bediening te doen nie.—7/15, bladsy 29.

• Wat kan ouers se kommunikasie met adolessente belemmer?

’n Jongmens se skugterheid, sy strewe na onafhanklikheid en sy begeerte na privaatheid kan hindernisse wees. Ouers kan probeer om kommunikasie in informele situasies aan te moedig en om die boodskap agter die woorde van die jongmens te verstaan.—8/1, bladsye 10-11.