Verbeter jou vaardighede in die bediening—Hoe om oor ’n interkom te getuig

Waarom dit belangrik is: Dit kan intimiderend wees om oor ’n interkom te getuig. Hoe kan ons voorkom dat hierdie uitdaging ons ywer vir goeie werke laat afneem? Hou in gedagte dat party mense dalk slegs oor ’n interkom met die goeie nuus bereik kan word (Rom. 10:14). Ondervindinge toon dat ’n doeltreffende getuienis op hierdie manier gegee kan word. (Sien die Jaarboek vir 2011, bl. 65-66, en die 2000 Yearbook, bl. 54, par. 3.) Kyk na die volgende wenke.

Hoe om dit te doen:

Berei ’n kort aanbieding voor, en skryf dit neer sodat jy dit vir die huisbewoner oor die interkom kan lees. Dit kan jou meer selfvertroue gee. Verduidelik aan die begin wat die doel van jou besoek is. Gebruik die huisbewoner se naam as dit aangegee word. Sluit af deur aan te bied om ’n traktaat of tydskrif te bring (of onder die persoon se deur te sit) wat meer inligting sal voorsien.
Behou ’n positiewe beskouing. Glimlag en doen gebare asof jy van aangesig tot aangesig met die persoon praat.
Ontspan en praat op ’n geselstrant. Praat duidelik en hard genoeg. Moenie onnodig pouseer of te vinnig praat nie.
Lê goeie oordeel aan die dag. In groot geboue is daar dalk baie interkoms. Lui dalk net omtrent drie daarvan, maak ’n aantekening van waar jy opgehou het en gaan dan weg. Die mense wat daar woon, sal dalk onrustig voel as ons lank in die voorportaal bly om elke interkom te lui.

Wenk vir die maand:

Hou gedurende julle gesinsaanbidding oefensessies waartydens die deelnemers in teenoorgestelde rigtings kyk.