Wat wys dié somer?

WAT beteken die koms van die somer vir jou? Noudat die weer warmer word, wil jy miskien uitkom in die heerlike buitelug—dalk ’n uitstappie na die strand of park geniet.

Diegene in die filmbedryf maak egter daarop staat dat miljoene mense heelwat somerure binne sal deurbring om na rolprente te kyk. Daar is in die Verenigde State alleen ten minste 35 000 rolprentteaters, en in onlangse jare het hulle sowat 40 persent van hulle loketwinste gedurende die somerseisoen gemaak.a “Dis soos Kersfees vir die kleinhandelbedryf”, sê Heidi Parker van die tydskrif Movieline.

Dit was egter nie altyd die geval nie. Die somer was voorheen ’n moeilike tyd vir Amerikaanse rolprentteaters, en baie van hulle is gedwing om die aantal vertonings te beperk of om vir die seisoen te sluit. Maar teen die middel-1970’s het lugversorgde rolprentteaters miljoene mense uit die hitte na binne gelok. Kinders wat op skoolvakansie was, was ook ’n onontginde mark wat rolprentvervaardigers nie deur hulle vingers laat glip het nie. Kort voor lank het die somerlokettreffer sy verskyning gemaak.b Dit het die manier verander waarop films gemaak en bemark word, soos ons sal sien.

[Voetnote]