Гој Аллаһын ирадәси јеринә јетсин
1. 2012-ҹи хидмәт илиндә кечириләҹәк хүсуси бирҝүнлүк конгресин мөвзусу нә олаҹаг вә ону нәзәрдән кечирмәјимиз нәјә ҝөрә мүнасибдир?
1 Биз Јеһованын ирадәсилә јаранмышыг (Вәһј 4:11). Аллаһын ирадәсини өјрәнмәдән вә ону јеринә јетирмәдән јарадылмағымызда нәзәрдә тутулан мәгсәдә чатмаг гејри-мүмкүндүр. Бу, ҝөрүндүјү кими, бир о гәдәр дә асан дејил, чүнки биз бәдәнимизин вә зеһнимизин арзулары вә «милләтләрин истәјини» јеринә јетирмәк мејили илә дахилимиздә мүбаризә апармалы олуруг (Ефес. 2:3; 1 Пет. 4:3; 2 Пет. 2:10). Аллаһын көмәји олмаса, бизи һәтта Иблисин истәкләрини јеринә јетирмәк үчүн дири-дири онун торуна дүшмәк тәһлүкәси ҝөзләјир (2 Тим. 2:26). 2012-ҹи хидмәт илиндә кечириләҹәк хүсуси бирҝүнлүк конгресин мөвзусу нүмунәви дуадакы үчүнҹү әсас хаһишә — «Гој Сәнин ирадән... јеринә јетсин» хаһишинә ујғун давранмаға көмәк едәҹәк (Мат. 6:9, 10).
2. Конгресин програмында һансы суаллара ҹаваб тапаҹағыг?
2 Нөвбәти суаллара ҹаваб тапаҹағыг. Програма гулаг асдыгҹа нөвбәти суалларын ҹавабына диггәт јетир: Аллаһын Кәламына гулаг асмагдан савајы даһа нәји етмәјимиз ваҹибдир? Аллаһын бизимлә бағлы олан ирадәсинин нәдән ибарәт олдуғуну неҹә баша дүшә биләрик? Нәјә ҝөрә биз һәр ҹүр инсана көмәк әли узатмаға һазыр олмалыјыг? Һәјатдан неҹә севинҹ вә мәмнунлуг дујмаг олар? Ҝәнҹләр Јеһоваја нәји сүбут етмәлидирләр? Аллаһын ирадәсини јеринә јетирмәк һансы хејир-дуалары ҝәтирир?
3. Хүсуси бирҝүнлүк конгресин програмындан там шәкилдә неҹә фајдалана биләрик?
3 Конгресин програмында мүтләг иштирак ет вә диггәтлә гулаг ас. Бет-Елин нүмајәндәси вә ја сәјјар нәзарәтчи конгресдә дәвәт олунмуш натиг гисминдә иштирак едәҹәк. Програмдан әввәл вә сонра онунла вә һәјат јолдашы илә үнсијјәт етмәјә вахт ајыр. Евә гајыданда унутган динләјиҹи олма, аиләнлә бирликдә програмы нәзәрдән кечир вә там шәкилдә Аллаһын ирадәсинә ујғун неҹә давранаҹағынызы мүзакирә един (Јаг. 1:25).
4. Аллаһын ирадәсини һәјатымызда биринҹи јерә гојмаг нәјә ҝөрә ваҹибдир?
4 Өз истәкләринин ардынҹа ҝедән вә Јеһованын ирадәсинә табе олмагдан бојун гачыранлар тезликлә мәһв олаҹаглар (1 Јәһ. 2:17). Аллаһын ирадәсини һәјатымызда биринҹи јерә гоја билмәјимиз үчүн бу мәлуматы вахтында һазырладығына ҝөрә Јеһова чох миннәтдарыг!