Аид олдуғун тәблиғ хидмәти групундан неҹә фајдалана биләрсән?
1. Јығынҹағын китабөјрәнмә ҝөрүшүндән әлдә етдијимиз һансы фајдалары инди тәблиғ хидмәти групундан әлдә едә биләрик?
1 Јығынҹағын китабөјрәнмә ҝөрүшү үчүн дарыхырсан? Бу груплар балаҹа олдуғундан адам өзүнү раһат һисс едирди. Бунун сајәсиндә руһани ҹәһәтдән инкишаф етмәјимизә көмәк едән достлуг мүнасибәтләри гурмаг даһа асан иди (Сүл. мәс. 18:24). Китабөјрәнмә нәзарәтчисинин групун һәр бир үзвү илә јахындан таныш олмаг вә онлары руһландырмаг имканы варды (Сүл. мәс. 27:23; 1 Пет. 5:2, 3). Инди исә бу фајдалары тәблиғ хидмәти групундан әлдә етмәк мүмкүндүр.
2. Тәблиғ хидмәти групумузун үзвләри илә руһани ҹәһәтдән инкишаф етдирән достлуг мүнасибәти гурмаг үчүн тәшәббүсү үзәримизә неҹә ҝөтүрә биләрик?
2 Тәшәббүс ҝөстәр. Адәтән, тәблиғ хидмәти групунда иштирак едәнләрин сајы китабөјрәнмә үзвләринин сајы илә ејни олур. Хидмәтдә башгалары илә «чијин-чијинә» әмәкдашлыг етмәклә сых достлуг мүнасибәтләри гура биләрик (Филип. 1:27). Групунузун үзвләриндән нечәси илә әмәкдашлыг етмисән? Әмәкдашлыг етмәк үчүн әһатәни ҝенишләндирә биләрсәнми? (2 Кор. 6:13). Бундан әлавә, вахташыры групумузун үзвләриндән кимләрисә аиләви ибадәт ахшамына вә ја наһара дәвәт едә биләрик. Бәзи јығынҹагларда тәблиғ хидмәти груплары дәвәт олунмуш натиги нөвбә илә гонаг дәвәт едирләр. Һәтта дәвәт олунмуш натиг јемәјә галмаса да, һәмин һәфтә нөвбәси олан груп үзвләри сүфрә архасына топлашыр вә бир-бирини руһландырырлар.
3. Ағсаггалларын тәблиғ хидмәти групунун үзвләринә мараг ҝөстәрмәси үчүн һансы имканлары вар?
3 Инди һәфтәдә ики дәфә јығылсаг да, бу о демәк дејил ки, ағсаггаллар тәблиғчиләрә аз мараг ҝөстәрирләр. Груп нәзарәтчиси өз групунун үзвләри илә јахындан марагланмалы вә хидмәтдә пүхтәләшмәләринә көмәк етмәлидир. Әҝәр груп нәзарәтчин һәлә дә сәнинлә әмәкдашлыг етмәјибсә, нијә дә јахынлашыб онунла хидмәтә јазылмајасан? Бундан әлавә хидмәт нәзарәтчиси һәр ајын бир һәфтә сону мүхтәлиф групларла әмәкдашлыг етмәлидир. Ҹәми бир нечә тәблиғ хидмәти групу олан кичик јығынҹагларда о, һәр група илдә ики дәфә баш чәкир. Вахтыны елә планлашдырырсанмы ки, о, сизин група баш чәкәндә онунла әмәкдашлыг едәсән?
4. а) Тәблиғ хидмәти үчүн ҝөрүшләр неҹә тәшкил олунур? б) Тәблиғ хидмәти ҝөрүшү кечирилсин дејә нә үчүн евимизи тәклиф етмәлијик?
4 Адәтән, һәр групун һәфтә сону тәблиғ хидмәти үчүн ајры-ајры јығышмасы јахшыдыр. Һәр тәблиғ групунун ајры-ајры јерләрдә јығышмасы вә ҝөрүшүн вахтынын дәјишмәмәси тәблиғчиләрин ҝөрүшә вә саһәјә ҝетмәләрини асанлашдырыр. Тәблиғчиләр гыса вахт әрзиндә бөлүшүб саһәјә ҝедә билирләр. Бу һәмчинин груп нәзарәтчисинин груп үзвләринин гајғысына галмасыны асанлашдырыр. Лакин шәраит уҹбатындан ики вә даһа чох групун бирҝә јығылмасы јолвериләндир. Әҝәр јығынҹағын һамысы ајын илк шәнбә ҝүнү вә ја «Ҝөзәтчи гүлләси» мүзакирәсиндән сонра хидмәтә ҝетмәк үчүн бир јерә топлашырса, јахшы оларды ки, һәр груп ајры әјләшсин вә групун нәзарәтчиси тәблиғ ҝөрүшүнүн јекун дуасындан өнҹә бир нечә дәгигә әрзиндә груп үзвләрини бөлүшдүрсүн.
5. Һал-һазырда јығынҹағын китабөјрәнмә ҝөрүшү кечирилмәсә дә, нәјә әмин ола биләрик?
5 Јығынҹағын китабөјрәнмә ҝөрүшү инди кечирилмәсә дә, Јеһова ирадәсинә ујғун еһтијаҹ дујдуғумуз һәр шејлә бизи тәмин етмәјә давам едир (Ибр. 13:20, 21). Јеһова гејдимизә галдығы үчүн һеч нәјә еһтијаҹ дујмуруг (Мәз. 23:1). Тәблиғ хидмәти ҝөрүшү сајәсиндә чохлу хејир-дуалар әлдә едирик. Әҝәр тәшәббүсү өз үзәримизә ҝөтүрүб сәхавәтлә әксәк, бол бичәҹәјик (2 Кор. 9:6).
[6–ҹы сәһифәдәки чәрчивә]
Евини тәклиф едә биләрсәнми?
Бир јерә јығышмаға мәнзил чатышмадығындан бир чох груплар тәблиғ үчүн ҝөрүшләри һәфтә сону кечирирләр. Јығынҹаг ҝөрүшләринин бир һиссәси олан тәблиғ хидмәти ҝөрүшүнүн сәнин евиндә кечирилмәси бөјүк үстүнлүкдүр. Бу ҝөрүшүн кечирилмәси үчүн сән өз евини тәклиф едә биләрсәнми? Евиндәки шәраитин бир о гәдәр дә јахшы олмадығыны дүшүнәрәк тәклифи рәдд етмәјә чалышма. Ағсаггаллар сизин евин јерләшдији әразини вә диҝәр амилләри китабөјрәнмә кечирилән заман нәзәрә алдыглары кими, инди дә нәзәрә алаҹаглар. Әҝәр сән өз евини тәклиф етмәк истәјирсәнсә, дәрһал груп рәһбәринә де.