Zəbur

37 Şər iş görənlərdən ötrü qanını qaraltma,

Haqsızlıq edənlərin paxıllığını çəkmə,+

 2 Çünki onlar ot kimi tez quruyacaq,+

Yaşıl çəməntək saralıb-solacaqlar.

 3 Sən Yehovaya güvən, yaxşılıq et,+

Yer üzündə yaşa, sədaqətlə addımla.+

 4 Qoy səadətin Yehova olsun,

O, qəlbinin muradını çin edər.

 5 Yolunu Yehovaya tapşır,+

Ona güvən, O, sənin işini hasil edər.+

 6 Salehliyini sübh şəfəqitək,

Ədalətini günorta günəşitək parladar.

 7 Yehovanın hüzurunda sükut et,+

Onu səbirlə gözlə.

 8 Qəzəbi burax, hiddətdən çəkin,+

Dilxor olub şərə əl atma*.

 9 Pislərin kökü kəsiləcək,+

Yehovaya güvənənlər isə yer üzünə sahib olacaq.+

Artıq pis adam olmayacaq,+

Yerinə baxacaqsan, o, yoxdur.+

11 Həlimlər yer üzünə sahib olacaq,+

Əmin-amanlığın bolluğundan həzz alacaqlar.+

12 Şər adam salehin qəsdinə durur,+

Ona diş qıcayır.

13 Amma Yehova ona güləcək,

Axı bilir ki, onun sonu gəlir.+

14 Şər adamlar qılınc çəkir, kaman gərir,

Məzlumu, fağırı yıxmaq üçün,

Yolu dürüst olanın canını almaq üçün.

15 Lakin qılıncları öz ürəklərinə batacaq,+

Kamanları qırıq-qırıq olacaq.

16 Salehin az malı,

Çoxlu şər adamın sərvətindən yaxşıdır.+

17 Çünki şərlərin qolu sınacaq,

Salehlərə isə Yehova arxa duracaq.

18 Yehova saf insanların nələr çəkdiyini bilir,

Onların mirası daima duracaq.+

19 Dara düşəndə xəcalət çəkməyəcəklər,

Aclıq günlərində tox yaşayacaqlar.

20 Şər adamlar isə yox olacaq,+

Yehovanın düşmənləri əlvan çəməntək solub gedəcək,

Duman kimi dağılacaqlar.

21 Şər adam borc götürər, qaytarmaz,

Saleh adam isə səxavətlidir, əliaçıqdır.+

22 Allahın mübarək bəndələri yerə sahib olacaq,

Onun lənətlədiyi kəslərinsə kökü kəsiləcək.+

23 Yehova insanın yolundan razı qalanda+

Onun addımlarını yönəldir.+

24 O insan büdrəsə də yıxılmaz,+

Çünki Yehova onun əlindən tutur.+

25 Cavanlığımdan bəri, bu qoca yaşımadək,

Nə saleh adamın atıldığını,+

Nə də övladlarının çörək diləndiyini görməmişəm.+

26 O, həmişə səxavətlə borc verər,+

Övladları da xeyir-bərəkət görər.

27 Şərdən qaçıb yaxşılıq etsən,+

Əbədi yaşayarsan.

28 Çünki Yehova ədaləti sevir,

Sadiq bəndələrini tərk etməz.+

Onlar daima hifz olunar,+

Pislərinsə nəsli kəsiləcəkdir.+

29 Salehlər yerə sahib olacaq,+

Orada əbədi yaşayacaqlar.+

30 Saleh adamın ağzından hikmət tökülür,

Dilindən ədalət yağır.+

31 Allahının qanunu onun qəlbindədir,+

Ayağı büdrəməz.+

32 Şər adam salehi güdür,

Onu öldürmək üçün fürsət axtarır.

33 Lakin Yehova salehi şər adamın əlinə salmaz,+

Onu məhkəmədə təqsirli çıxarmaz.+

34 Ümidini Yehovaya bağla, Onun yolunu tut,

O, səni yüksəldəcək, yer üzünə sahib olacaqsan,

Pislərin kökü kəsiləndə+ gözünlə görəcəksən.+

35 Amansız, zalım adamı gördüm,

Yaşıl ağactək qol-budaq atmışdı öz torpağında.+

36 Lakin qəfil soldu, yox olub getdi,+

Axtardım onu, tapmadım.+

37 Kamil adama fikir ver,

Əməlisalehə bax,+

Belə adamın gələcəyi əmin-aman olacaq.+

38 Lakin asilərin hamısı məhv ediləcək,

Şər adamların axırı yoxdur.+

39 Salehlərin xilası Yehovadandır,+

Dar gündə onların pənahı Odur.+

40 Yehova onların imdadına yetib xilas edəcək,+

Onları şər adamın əlindən qurtarıb nicat verəcək,

Çünki Ona sığınıblar.+