İbranilərə məktub
2 Buna görə də eşitdiklərimizə qarşı xüsusilə diqqətli olmalıyıq+ ki, imandan uzaqlaşmayaq.+ 2 Axı mələklər vasitəsilə+ verilmiş söz qəti idisə, qanuna zidd hər cür hərəkət və itaətsizlik ədalətlə cəzalandırılırdısa,+ 3 belə bir möhtəşəm xilasa laqeyd yanaşsaq, cəzadan necə qaça biləcəyik?+ Bu xilas haqqında ilk dəfə Ağamız danışıb+ və onu eşidənlər bunu bizə danışmışlar. 4 Allah da müqəddəs ruhu+ Öz iradəsinə görə paylamaqla, həmçinin möcüzələr, əlamətlər+ və müxtəlif qüdrətli işlər vasitəsilə bu şəhadətə qoşulmuşdur.
5 Axı haqqında danışdığımız gələcəkdəki yer üzü+ mələklərin tabeliyinə verilməyib. 6 Lakin bir nəfər bir vaxtlar belə şəhadət etmişdi: «İnsan nədir ki, onu xatırlayırsan, bəşər oğlu nədir ki, onun qeydinə qalırsan?+ 7 Sən onu mələklərdən bir az aşağı yaratdın, başına şərəf və izzət tacı qoydun, onu əllərinin işi üzərinə təyin etdin. 8 Hər şeyi ona tabe edib ayaqları altına qoydun».+ Allah hər şeyi ona tabe edərək tabe edilməmiş bir şey qoymadı.+ Hərçənd hər şeyin İsaya tabe olduğunu hələ görməsək də,+ 9 mələklərdən bir az aşağı endirilmiş İsanı+ başında şərəf və izzət tacı ilə görürük. Çünki o, Allahın lütfü ilə hər kəsin əvəzinə+ ölümü dadmaq üçün əzab çəkib ölmüşdü.+
10 Hər şey Allah üçündür və hər şey Onun vasitəsilə mövcuddur. Allahın gözündə məqbul göründü ki, çoxlu sayda oğulu şərəfə çatdırmaq üçün+ onların xilasının Öndərini+ əzablar vasitəsilə kamilliyə yetişdirsin.+ 11 Çünki müqəddəs edən də, müqəddəs edilənlər+ də bir Atadandır+. Buna görə də o, onlara «qardaşlarım»+ deməyə utanmır. 12 O, belə deyir: «Sənin adını qardaşlarıma bildirəcəyəm, toplantı içində Səni nəğmələrdə tərənnüm edəcəyəm».+ 13 Həmçinin yazılıb: «Ona güvənəcəyəm».+ Bundan əlavə, deyir: «Budur, mən və Yehovanın mənə bəxş etdiyi övladlar».+
14 «Övladlar» bəni-insan* olduqları üçün o da insan oldu+ ki, öz ölümü ilə İblisi+, ölüm silahlarının+ sahibini məhv etsin 15 və ömürləri boyu ölüm qorxusuna görə köləlik əsarətində olanların hamısını azad etsin.+ 16 Çünki o, əslində, mələklərə yox, İbrahimin övladlarına+ kömək edir. 17 Buna görə də o, hər şeydə «qardaşlarına» oxşamalı idi+ ki, Allaha xidmətdə mərhəmətli və sadiq baş kahin olub insanların günahlarından ötrü+ kəffarə qurbanı+ təqdim etsin. 18 O, sınaq vaxtı əzab çəkdiyi üçün sınaqlarla üzləşənlərin+ də imdadına yetişməyə qadirdir.+