Periodiki’m be fa manlɛ

Sasafuɛ Tranwlɛ’n Zanvie 1

“Sran kpanngban be lafi su kɛ aolia nun sran’m be o lɛ. Naan kusu be sa o ninnge nga e yo be’n, be nun. ?A bu ndɛ sɔ’n sɛ? [Maan sran’n tɛ kosan’n su. I sin’n, kanngan Sa Nglo Yilɛ 12:7-9 nun.] Biblu’n kan aolia nun sran mun ɔ nin wafa nga be kwla ɲan ta e su’n, i ndɛ. Sɛ e nin be e kwla koko yalɛ o, annzɛ e kwlá kokoman yalɛ o, ɔ kɛn i ndɛ wie. Ndɛ sɔ’m be o fluwa nga nun.”

Réveillez-vous ! Janvier

“Sran wie’m be waan kɛ be se kɛ be lafi Ɲanmiɛn su’n, ɔ timan like mɔ be kwla yiyi nun weiin sa. Sanngɛ kusu ɔ ti like mɔ ɔ akunndan nun’n, a wun i wlɛ. ?Ɔ liɛ’n, a bu i sɛ? [Maan sran’n tɛ kosan’n su.] Biblu’n se e kɛ be lafiman Ɲanmiɛn su be ti ble nun. [Kanngan 1 Zan 4:1 nun.] Kɛ ɔ yo naan sran kun w’a wun i wlɛ sɛ ɔ lafi Ɲanmiɛn su i ti ble nun, annzɛ ɔ timɛn i sɔfuɛ’n, ndɛ akpasua nga kwla ukɛ i kpa. Ndɛ akpasua sɔ’n bo i bo i bue 28 su.”

Sasafuɛ Tranwlɛ’n Zanvie 1

“Like ti yɛ andɛ sran sunman be kɔ asɔnun’n yɛle kɛ be kunndɛ kɛ bé kɔ́ ɲanmiɛn su lɔ. Afin be waan mɛn klanman kpa kun o lɔ. ?Sakpa naan mɛn klanman nga Biblu’n kɛn i ndɛ’n, lɔ yɛ ɔ o ɔ? [Maan sran’n tɛ kosan’n su. I sin’n, kanngan Ezai 45:18 nun.] Biblu’n kle e kɛ asiɛ’n nga e o su yɛ’n, yɛ ɔ́ wá káci mɛn klanman’n niɔn. Ndɛ akpasua ng’ɔ o i bue 10 su’n, ɔ yiyi nun.

Réveillez-vous ! Janvier

Fa fluwa’n i bue klikli’n kle sran’n, kpɛkun usɛ i kɛ: “?Sɛ be fa kosan nga be usa wɔ’n, á tɛ́ su sɛ? [Maan sran’n tɛ kosan’n su.] Ɲanmiɛn Ndɛ’n se e kɛ e yo sran m’ɔ kloman ndɛnngan ɔn. [Kanngan Zak 3:17 nun.] ?Yɛ ngue ti yɛ kannzɛ sran’m be kɔ asɔnun’n, sanngɛ be nin be wiengu’m be tranman klanman ɔn? ?A bu i kɛ asɔnun nga sran’m be kɔ’n ti’n, cɛn wie lele’n, be nin be wiengu bé trán wɛtɛɛ su? Fluwa nga nun’n, be tɛli kosan sɔ’m be su.