◼ Конгресс расписанийӗ. Конгресс программи кашни кунах 9:20 пуҫланать. Конгреса 8:00 пуҫласа кӗме юрать. Турӑ Патшалӑх кӗввисем янӑрама пуҫласан, программа тивӗҫлӗ пуҫлантӑр тесе пурин те хӑйсен вырӑнӗсене лармалла. Эрнекунпа шӑматкун программа вӗҫӗнче юрлакан юрӑ тата кӗлӗ 16:55 пулӗ, вырсарникун вара — 15:50.
◼ Пӗтӗм тӗнчери конгрессем. Хӑш-пӗр ҫӗршывсенче пӗтӗм тӗнчери конгрессем иртӗҫ. Ҫакна асра тытмалла: филиалсем конгресра ҫынсем лармалли, машинӑсем лартмалли вырӑнсене тата хӑна ҫуртӗнчи номерсене шута илсе миҫе пухӑва тата ют ҫӗршывра пурӑнакан миҫе делегата чӗнесси пирки тӗплӗн шухӑшланӑ. Пӗтӗм тӗнчери конгреса чӗнмен ҫынсем пырсан хатӗрленӗ вырӑн пурне те ҫитмесен те пултарать. Лару-тӑрӑва пула эсӗ хӑвна чӗннӗ область конгресне кайма пултараймастӑн пулсан пӗтӗм тӗнчери конгреса каймалла мар.
◼ Машина лартмалли вырӑн. Конгресс иртекен вырӑнсенче, май пулсан, машинӑсем лартма тӳлевсӗр вырӑнсем хатӗрлӗҫ. Машинӑна пушӑ вырӑна килсессӗнех лартма юрать. Вырӑн пурин валли ҫитмесен те пултарать, ҫавӑнпа та машинӑсем тулли килни лайӑхрах. Инвалидсен машинисем валли, вӗсен патшалӑх палӑртнӑ паллӑ пур пулсан, уйрӑм вырӑн пулӗ.
◼ Вырӑнсем. Алӑксене уҫсанах конгреса килнӗ ытти ҫынсемпе ӑмӑртусенче ҫӗнтерме тӑрӑшнӑ пек хӑвна килӗшекен вырӑнсене йышӑнма ан васка. Хамӑр ҫинчен ытла шутламанни ыттисене лайӑх пултӑр тесе тӑрӑшма хавхалантармалла. Ҫакӑ эпир чӑн христиансем пулнине кӑтартать тата пире сӑнаса тӑракансене Турра мухтама хавхалантарать (Иоанн 13:34, 35; 1 Кор. 13:4, 5; 1 Петр 2:12). Пӗр машинӑра килнисем е кил-йышрисем валли тата кампа Библи вӗренетӗн, ҫавсем валли кӑна вырӑн йышӑнма юрать. Ваттисемпе инвалидсем валли уйрӑм вырӑнсем пулӗҫ. Ҫавӑн пек вырӑнсем сахал пулнӑран вӗсемпе юнашар пӗрле килнӗ пӗр е икӗ ҫын кӑна ларма пултарать (1 Кор. 13:5).
◼ Кӑнтӑрлахи апат. Тӑхтав вӑхӑтӗнче конгресран каяс мар тесе ҫимелли хӑвпа пӗрле илсе кил. Кирлӗ пулсан, лармалли вырӑн айне вырнаҫакан пӗчӗк сумка-холодильник ил. Пысӑк сумка-холодильниксем, кӗленчерен тунӑ савӑт-сапа илсе килме юрамасть.
◼ Кӑмӑлтан панӑ укҫа-тенкӗ. Конгреса йӗркеленӗшӗн пархатарлӑ пулнине эпир Патшалӑх залӗнче е конгресра хамӑр ирӗкпе кӑмӑлтан укҫа-тенкӗ парса кӑтартатпӑр.
◼ Эмелсем. Тухтӑр хушнипе эмелсем ӗҫетӗр пулсан, тархасшӑн, вӗсене хӑвӑрпа пӗрле илме ан манӑр, конгресра вӗсене памаҫҫӗ. Диабетпа чирлекенсене укол тумалли шприцсемпе йӗпсене конгресс иртекен вырӑнти тата хӑна ҫуртӗнчи яланхи урнӑна пӑрахмалла мар.
◼ Хӑрушсӑрлӑх правилисем. Шуҫлак е тикӗс мар ҫул ҫинче ӳксе аманас мар тесе асӑрхануллӑ пул. Кашни ҫулах юрӑхлӑ мар, уйрӑмах ҫӳллӗ кӗлеллӗ, атӑ-пушмака пула инкексем пулаҫҫӗ. Атӑ-пушмакӑн сӑпайлӑ, вырӑнлӑ пулмалла, ун чухне картлашкасем тӑрӑх тата ытти тикӗс мар вырӑнсенче ҫӳреме ҫӑмӑл тата хӑрушӑ мар пулӗ.
◼ Ача коляскисем тата хуҫлатмалли пукансем. Конгресс иртекен вырӑнта ача коляскисемпе тата хуҫлатмалли пукансемпе усӑ курма юрамасть. Анчах ачасем валли шанчӑклӑ лармалли вырӑн, ӑна ашшӗ-амӑшӗпе юнашар вырӑн ҫине вырнаҫтарма пулать пулсан, илсе килме юрать.
◼ Парфюмери. Хальхи вӑхӑтра нумай конгресс искусственнӑй вентиляци кӑна пур ҫуртсенче иртет. Ҫавӑнпа ыттисене юратнӑран вӑйлӑ шӑршӑллӑ парфюмерипе ытлашши усӑ курма кирлӗ мар. Ҫакӑн пек парфюмерипе усӑ курни хӑш-пӗр чирпе чирлекен ҫынсен сывлӑхӗ ҫине япӑх витӗм кӳме пултарать (1 Кор. 10:24).
◼ «Пожалуйста, посети этого человека» бланк (S-43). Конгресс иртнӗ кунсенче ырӑ хыпара май килнӗ вӑхӑтра пӗлтернӗ чухне чӑнлӑхпа интересленнӗ кашни ҫын ҫинчен S-43 бланкпа усӑ курса пӗлтер. Информацие палӑртнӑ бланксене литература отделне е конгресран таврӑнсан хӑвӑр пухӑвӑн секретарьне пар.
◼ Кафесемпе ресторансем. Кафесемпе ресторансенче хӑвна лайӑх тытнипе Иегова ятне мухтава кӑлар. Христиансене юрӑхлӑ тум тӑхӑн. Чейлӗх хӑварма йышӑннӑ пулсан хӑвар.
◼ Хӑна ҫуртӗнче.
Миҫе пӳлӗм кирлӗ, ҫавӑн чухлӗ кӑна заказ ту тата пӳлӗмре миҫе ҫын пурӑнма палӑртнӑ, ҫавӑн шутӗнчен ан ирт.
Пӳлӗме йышӑнса хунине витӗмлӗ сӑлтава пула кӑна пӑрахӑҫла, ҫакӑн ҫинчен хӑна ҫуртне тӳрех шӑнкӑравласа пӗлтер (Матф. 5:37). Ҫакна тунӑ чухне пӑрахӑҫланине кӑтартакан номер (е ҫирӗплетекен хут) панине тӗрӗслеме ан ман. Вӑхӑт 48 сехетрен сахалрах юлнӑ пулсан укҫана тавӑрса памӗҫ.
Хӑна ҫуртӗнче вырнаҫнӑ чухне кредит е урӑх карттӑсемпе усӑ куракансене аса илтеретпӗр. Ытларах чухне пӳлӗмшӗн тӳлеме, ҫавӑн пекех сирӗн айӑпа пула пулма пултаракан тӑкака саплаштарма тата ытти кӗтмен ҫӗртен сиксе тухма пултаракан япаласемшӗн хӑна ҫурчӗ сирӗн карттӑ ҫинчен укҫа тытса юлать. Ҫав укҫа-тенкӗпе эсир хӑна ҫуртӗнчен кайнӑ хыҫҫӑн хӑна ҫурчӗпе темиҫе кун хушшинче расчет тӑвичченех усӑ курма пултараймӑр.
Япаласене куҫарма пулӑшакан урапана япаласене хатӗрлесе хурсан кӑна ил тата ыттисем те усӑ курма пултарччӑр тесе усӑ курнӑ хыҫҫӑн тӳрех хӑй вырӑнне ларт.
Чейлӗх хӑварма йышӑннӑ пулсан, хӑна ҫуртӗнче ӗҫлекенсем чӑматансене йӑтма пулӑшнӑ чухне е пӳлӗме тирпеленӗ чухне вӗсене чейлӗх пар.
Апат-ҫимӗҫе ӑҫта хатӗрлеме юрать, ҫавӑнта хатӗрле.
Тӳлевсӗр ирхи апатпа, кофепе е пӑрпа хӑна ҫуртӗнче пурӑнакансем кӑна усӑ курма пултараҫҫӗ, ҫак йӗркерен ан тух.
Хӑна ҫуртӗнчи ҫынсемпе калаҫнӑ чухне святой сывлӑш ҫимӗҫӗ санра яланах палӑрса тӑтӑр. Вӗсен нумай хӑнана пӑхма тивет, ҫавӑнпа вӗсем эсӗ йӗркеллӗ, чӑтӑмлӑ, ырӑ пулнине питӗ хаклӗҫ.
Ашшӗ-амӑшӗн ачисене хӑна ҫуртӗнче пулнӑ пур вӑхӑтра та пӗрмаях асӑрхаса тӑмалла: бассейнра, ҫынсене йышӑнакан пӳлӗмре, тренажер залӗнче тата ытти ҫӗрте.
«Пурӑнма сӗннӗ вырӑнсем» списокра пӳлӗмӗн пӗр талӑкри пӗтӗмӗшле хакне кӑтартнӑ. Сана хӑв мӗнпе усӑ курман е мӗн эсӗ заказ паман, ҫавӑншӑн хушса тӳлеме ыйтаҫҫӗ пулсан, ан тӳле тата ҫакӑн пирки пурӑнма вырнаҫтаракан отдела тӳрех шӑнкӑравласа кала.
Хӑна ҫуртӗнчи пӳлӗмпе ҫыхӑннӑ пур йывӑрлӑх ҫинчен пурӑнма вырнаҫтаракан отдела тӑхтаса тӑмасӑр пӗлтер.
◼ Пулӑшакансен отделӗ. Пулӑшу пама кӑмӑл пуррисем конгресӑн пулӑшакансен отделне пыма пултараҫҫӗ. Ачасем те, ашшӗ-амӑшӗ е опекунӗ ирӗк панӑ пулсан, ашшӗпе е амӑшӗпе, опекунӗпе е аслӑраххисемпе пӗрле ӗҫлеме пултараҫҫӗ.