Cân 33 (72)

Llawenydd a Ffrwyth Gwasanaeth y Deyrnas

(Mathew 5:12)

1. Yng ngwasanaeth glân ein Duw, Jehofah,

Mawr lawenydd wrth genhadu gawn;

Parod ym i rannu gydag eraill

Yr efengyl am Dduw cariadlawn.

Geiriau doeth lefarwyd gynt gan Iesu:

‘Rhoi dedwyddach yw na derbyn rhodd.’

Rhown y gwir sy’n arwain at y bywyd,

Y gwirionedd ddaeth drwy gyfiawn ddrudfawr fodd.

2. Awn o dŷ i dŷ gan ddewr bregethu;

Difaterwch, mawr sarhad, a gawn.

Ond fe lynwn wrth ein penderfyniad,

Cadw glendid ein huniondeb wnawn.

Os i’n rhan daw chwerw erledigaeth

Am ddwyn enw glân Jehofah Dduw,

D’wedodd Iesu, ‘llamwch mewn llawenydd,

Erlid tebyg ddaeth i ran proffwydi triw.’

3. Mawr lawenydd sydd yng ngwaith y Deyrnas,

Dilyn wnawn ôl troed ein Meistr gwiw;

D’wedwn am ddydd dial, gwaeddwn rybudd,

Anrhydeddwn fri Jehofah Dduw!

Gobaith gludwn hefyd i’r hiraethus

Am y ddae’r sy’n rhydd rhag poen a braw.

Mawr fodlonrwydd gawn wrth ddewr gyhoeddi’r

Gobaith sicir am y bywyd bythol ddaw.