Hogi Ein Sgiliau yn y Weinidogaeth—Bod o Gymorth i’ch Partner

Pam Mae’n Bwysig: Roedd Iesu’n cydnabod gwerth pregethu gyda phartner. Felly, pan anfonodd Iesu tua 70 o’i ddisgyblion o’i flaen i bregethu, aethon nhw allan bob yn ddau. (Luc 10:1) Gall partner roi cymorth i’w gyd-weithiwr petai sefyllfa anodd yn codi, neu petai’n ansicr o sut i ateb y deiliad. (Preg. 4:9, 10) Gall partner rannu ei brofiad ac, ar adegau, cynnig awgrymiadau a fydd yn helpu’r un sy’n gweithio gydag ef i fod yn fwy effeithiol fel pregethwr. (Diar. 27:17) Hefyd, gallai ei annog ef drwy fod yn galonogol wrth sgwrsio.—Phil. 4:8.

Sut i Fynd Ati:

Gwrandewch yn astud tra bo eich partner yn tystiolaethu. (Iago 1:19) Pan fydd yn darllen adnod, dilynwch yn eich Beibl chi. Bydd hyn yn eich helpu chi i fod yn barod i roi cymorth os oes angen.
Byddwch yn ddoeth wrth benderfynu pryd i ymuno â’r sgwrs, a phryd i gadw’n ddistaw. (Diar. 25:11) Os ydych chi’n cynorthwyo cyd-gyhoeddwr ar astudiaeth Feiblaidd, mae’n debyg bydd eich partner yn gwerthfawrogi ambell sylw gennych. Ond, wrth bregethu o dŷ i dŷ, efallai byddai’n well gan eich cyd-gyhoeddwr os ydych yn gadael iddo siarad ar ei dro ef. Wrth gwrs, petai’n gyhoeddwr newydd, neu’n ansicr o sut i ymateb, mae’n debyg y byddai’n ddiolchgar am eich help. Ond, petai chi ar yr alwad gyntaf, ar ail alwadau, neu’n mynd ar astudiaeth Feiblaidd gyda rhywun, peidiwch â thorri ar draws, cymryd drosodd, neu gyflwyno pwnc newydd.
Rhannwch eich profiad. Os, ar adegau y gallwch gynnig awgrymiadau i’ch partner a fydd yn ei helpu i fod yn fwy effeithiol ar y weinidogaeth, peidiwch â dal yn ôl. (Diar. 3:27) Ar adeg addas, gallwch ddweud rhywbeth fel: “Sut aeth yr alwad yn dy farn di?” neu “Ga’ i awgrymu rhywbeth?” neu “Dyma beth dw i’n ceisio ei wneud.” Cofiwch fod pobl yn gwerthfawrogi awgrymiadau bob hyn a hyn, ond gall tynnu sylw at bob camgymeriad eu digalonni nhw.

Rhowch Gynnig ar Hyn yn Ystod y Mis:

Ar ôl gweithio gyda’ch partner yn y weinidogaeth, dywedwch wrtho beth roedd ef yn ei wneud, neu yn ei ddweud, a oedd yn eich helpu chi.