Sut i Dystiolaethu Wrth Ddefnyddio Stondin Lyfrau

Mae defnyddio bwrdd llyfrau neu droli i dystiolaethu wedi profi’n ffordd effeithiol o ddenu pobl â chalonnau gonest at y gwirionedd. (Ioan 6:44) Felly, anogwyd henuriaid i drefnu tystiolaethu cyhoeddus mewn ardaloedd lle mae nifer o gerddwyr. Gan ei bod hi’n bosibl symud trolïau o gwmpas, ar y cyfan, nid oes angen caniatâd yr awdurdodau i’w gosod. Pwy sy’n gymwys i gymryd rhan? Cyhoeddwyr sy’n ddoeth, sy’n cyflwyno eu hunain mewn ffordd barchus, ac sydd â sgiliau cyfathrebu da. Mae’r canlynol yn awgrymiadau o bethau i’w gwneud ac i’w hosgoi er mwyn bod yn fwy llwyddiannus.

Gwnewch hyn:

Byddwch yn garedig, yn groesawgar ac yn barod i helpu pobl sy’n mynd heibio. Mae rhai cyhoeddwyr yn cyfarch pobl ac yn gwenu. Os yw rhywun yn edrych ar y stondin wrth fynd heibio, gallwch ddweud, “Mae croeso i chi gymryd rhywbeth.”
Meddyliwch am le rydych chi’n sefyll. Mewn rhai llefydd, mae cyhoeddwyr yn cael llwyddiant o sefyll ychydig o droedfeddi o’r stondin. Mae eraill yn teimlo bod y pellter yma yn gwneud i gerddwyr deimlo’n ansicr, felly maen nhw’n sefyll ychydig pellach i ffwrdd o’r stondin ac yna’n disgwyl i rywun stopio. Unwaith mae person yn nesáu at y stondin, ceisiwch ddechrau sgwrs, efallai’n gofyn, “Ydych chi erioed wedi meddwl am y cwestiwn yma o’r blaen?”
Defnyddiwch y Beibl mor aml â phosibl.
Esboniwch beth yw astudiaeth Feiblaidd i unrhyw un sy’n cymryd llenyddiaeth astudio, er enghraifft y llyfr Beibl Ddysgu. Cynigiwch chwarae’r fideo Pam Astudio’r Beibl? ar ddyfais electronig.
Os yw’n bosibl, gofynnwch am fanylion cyswllt y rhai sydd â diddordeb. Os yw’r person yn byw y tu allan i ffiniau eich tiriogaeth, helpwch yr unigolyn i lenwi’r ffurflen Gofynnwch am Astudiaeth Feiblaidd ar jw.org.