Wyt Ti’n Gwneud Defnydd Da o’r Fersiwn Sain o’r Beibl?

Beth yw fersiwn sain o’r Beibl? Yn syml, recordiad o Cyfieithiad y Byd Newydd diwygiedig. Mae’n cael ei ryddhau fesul darn mewn cymaint o ieithoedd â phosib. Rhywbeth neis am y fersiwn sain ydy ei fod yn defnyddio llais gwahanol i bob cymeriad. Mae’r geiriau yn cael eu darllen gyda’r pwyslais a’r emosiwn priodol er mwyn trosglwyddo neges y Beibl yn gywir.

Sut mae fersiwn sain o’r Beibl yn helpu rhai? Mae llawer sy’n gwrando’n aml ar y fersiwn sain yn dweud ei fod yn dod â Gair Duw yn fyw iddyn nhw. Wrth iddyn nhw wrando ar lais gwahanol ar gyfer pob cymeriad, maen nhw’n teimlo eu bod nhw’n gallu dychmygu digwyddiadau’r Beibl a deall y geiriau yn well. (Dia 4:5) Mae llawer wedi darganfod bod clywed geiriau’r Beibl yn tawelu eu meddyliau pan maen nhw’n pryderu.—Sal 94:19.

Mae gwrando ar Air Duw yn cael ei ddarllen yn gallu cael effaith fawr arnon ni. (2Cr 34:19-21) Os ydy fersiwn sain o’r Beibl ar gael mewn iaith rwyt ti’n ei deall, beth am wrando arno fel rhan o dy rwtîn ysbrydol?

GWYLIA’R FIDEO PRODUCTION OF THE AUDIO BIBLE—EXCERPT AC YNA ATEBA’R CWESTIWN CANLYNOL:

Sut rwyt ti’n teimlo am y gwaith o gynhyrchu fersiwn sain o’r Beibl?