A mara

Gafew yiracogo ladiliw

I ka tɛmɛ ladili ninw fɛ ka kalola gafew yiracogo labɛn.

Approchez-vous de Jéhovah

“Mɔgɔ caaman minw lara Ala la, u b’a fɛ k’a ye k’u magwɛrɛnen be a la. Yala i b’a lɔn ko Ala b’a ɲini an fɛ an ka magwɛrɛ ale la wa? [An ka Yakuba 4:8 kalan.] Gafe nin dabɔra ka mɔgɔw dɛmɛ u ka baara kɛ n’u yɛrɛw ka Bibulu ye walisa ka magwɛrɛ Ala la.” Ɲɛɛ 16nan ka dakun fɔlɔ kalan.

“Bi, duniɲa falen be tilenbaliya koow la. Koow be i n’a fɔ a lakalila yan cogo min na. [An ka Waajulikɛla 8:9b kalan.] Mɔgɔ caaman b’u yɛrɛw ɲininga ni Ala yɛrɛ b’a janto o la. [An ka kumasen fɔlɔ ni filanan kalan dakun 4nan kɔnɔ, ɲɛɛ 119nan na.] Sapitiri nin b’a yira fɛɛn min kama Ala y’a to tilenbaliya koow ka kɛ wagati dɔ kɔnɔ.”

Y a-t-il un Créateur qui se soucie de vous ?

“Yɔrɔ juman na an be se ka ladili fisamanw sɔrɔ ka se k’an ka kunko gwɛlɛmanw ɲɛnabɔ? [An k’a tigi ka jaabili lamɛn. O kɔ, an ka Matiyu 7:28, 29 kalan.] O b’a yira cogo min na mɔgɔw ye Yesu ka kalan laminɛ, a ye min kɛ kulu kan. Mɔgɔ wɛrɛw ka lakalitaw filɛ nin ye. [An k’o lakalitaw yira gafe ɲɛɛ 152nan na.] Sapitiri nin be baro kɛ Yesu ka ɲɛnamaya kɛcogo n’a ka kalan kan.”

“Yala i delila k’i yɛrɛ ɲininga ko: ‘Ni Ala be yen, yala a bena tɔɔrɔ ni tilenbaliya koow bɔ yen duniɲa kɔnɔ loon dɔ wa?’ [An k’a tigi ka jaabili lamɛn. O kɔ, an ka Jirali 21:3, 4 kalan.] Gafe nin b’a ɲɛfɔ Ala bena min kɛ ka tɔɔrɔ bɔ yen mɔgɔw kun ani ka tɔɔrɔ sababu bɔ yen.” Sapitiri 10nan yira.

A’ ye to ɲɛɛ na!

“Bi ka kunkobaw ni koo ɲagaminenw be hami bila mɔgɔ caaman na. [An ka koo dɔ lakali, min kɛra sigida la.] Yala i b’a lɔn k’o ɲɔgɔnna koow ye tagamasiɲɛ ye min b’a yira ko sɔɔni Ala ka gofɛrɛnɛman bena dugukolo bɛɛ kuntigiya kɛ wa? [An k’a ka jaabili lamɛn. O kɔ, an ka vɛrise kɛɲɛnen dɔ kalan i n’a fɔ Matiyu 24:3, 7, 8; Luka 21:7, 10, 11; wala 2 Timote 3:1-5.] Kitabunin nin b’a yira mun na kɔrɔtɔ b’a la an k’an janto o koow kɔrɔ la sisan.”

“Bi, jatigɛko dɔw kosɔn, wala balawo dɔ kosɔn, mɔgɔ caaman kɔnɔ ɲagaminen be. Dɔw b’u yɛrɛw ɲininga mun na Ala tɛ wili k’o ɲɔgɔnna koow bali u ka kɛ. Bibulu b’an jigi sigi ko sɔɔni a bena wili ka hadamadenw ka tɔɔrɔw nɔgɔya. [An ka Jirali 14:6, 7 kalan.] A filɛ Ala ka kiti bena min ɲɛ hadamadenw ye. [An ka 2 Piɛre 3:10, 13 kalan.] Kitabunin nin be kunnafoni wɛrɛw di o koo sɔbɛ kan.”

Dɔnniya min bɛ na ni ɲɛnamaya banbali ye

“N’a tun fɔra i ye k’i ka na ɲɛnamaya kɛ yɔrɔ cɛɲumanba nin ɲɔgɔn kɔnɔ, i tun tɛna sɔn wa? [An ka ɲɛɛw 4-5nan ka jaaw yira a tigi la, ani an k’a ka jaabili lamɛn.] A filɛ Ala ka Kuma b’a yira an ka ɲi ka min kɛ walisa k’o ɲɛnamaya sifa ɲɔgɔn kɛ fɔɔ abada. [An ka Yuhana 17:3 kalan.] Gafe nin bena i dɛmɛ ka lɔnniya sɔrɔ, lɔnniya min be na ni ɲɛnamaya banbali ye.” An ka labɛn kɛ walisa ka segi ka na baro kɛ dakun 1-5nan kan sapitiri fɔlɔ kɔnɔ.

Gafe dayɛlɛ a ɲɛɛw 188-9nan la ka jaaw yira. Kuma minw sɛbɛnen be yen, tɛmɛ u fɛ k’i lamɛnbaga ɲininga ko: “Yala i jigi b’a la ka balo alijɛnɛ kɔnɔ tuma min na dugukolo bena fa Ala lɔnniya la wa? [An k’a tigi ka jaabili lamɛn. O kɔ, an ka Esayi 11:9 kalan.] Gafe nin bena i dɛmɛ k’a lɔn Bibulu be min fɔ alijɛnɛ koo la, ani cogo min na an be se ka kɛ yen.” An ka labɛn kɛ walisa ka segi ka na baro kɛ dakunw 11-16nan kan sapitiri fɔlɔ kɔnɔ.

Écoute le grand Enseignant

“E ka miiri la, yala duniɲa tun bena fisaya ni mɔgɔw tun be ɲɛnamaya kɛ ka kɛɲɛ ni kuma nin ye wa? [An ka Matiyu 7:12a kalan. O kɔ, an k’a tigi ka jaabili lamɛn.] Karamɔgɔba min ɲɔgɔn ma deli ka sɔrɔ, a ka kalan caaman be sɔrɔ gafe nin kɔnɔ.” Sapitiri 17nan ka jaaw n’u nɔfɛ kumaw yira a tigi la.

“Bi, bangebaga caamanba b’u jija ka tagamacogo ɲuman don u deenw kuun na. E ka miiri la, yala o kɔrɔtalen lo wa? [An k’a tigi ka jaabili lamɛn. O kɔ, an ka Ntalenw 22: 6 kalan.] A kɔrɔsi k’u be bangebagaw jija u k’a daminɛ k’u deenw kolo kabini u denmisɛnman. Gafe nin labɛnna walisa k’u dɛmɛ o la.” Sapitiri 15 wala 18nan ka jaaw n’u nɔfɛ kumaw yira a tigi la.

“Tuma caaman na denmisɛnw be ɲiningali dɔw bila minw b’u bangebagaw kabakoya. U dɔw jaabili ka gwɛlɛ, tiɲɛn tɛ? [An k’a tigi ka jaabili lamɛn. O kɔ, an ka Efesekaw 6:4 kalan.] Gafe nin be se ka bangebagaw dɛmɛ k’u deenw ka ɲiningaliw jaabi.” Sapitiri 11 ni 12, wala 34 ka taga 36nan ka jaaw n’u nɔfɛ kuma dɔw yira a tigi la.

La vie : comment est-elle apparue ? Évolution ou création ?

“Kojugukɛ ni fariyako minw be kɛ an sigida la, u be hami bila an bɛɛ la. E ka miiri la, yala o koo fɛɛrɛ sɔbɛ be mɔgɔ dɔ bolo wa? [An k’a ka jaabili lamɛn.] A fɛɛrɛ be Ala bolo.” An ka gafe dayɛlɛ a ɲɛɛ 196nan la. Ntalen 2:21, 22 min kofɔra dakun 19nan na, an k’o kalan k’a ɲɛfɔ. An ka sapitiri 16nan tɔgɔ yira, ani an ka gafe kofɔ a tigi ye.

An ka gafe dayɛlɛ a ɲɛɛ 6nan na, ani an k’a fɔ ko: “Mɔgɔ caaman b’a miiri ko an ka dugukolo cɛɲuman nin ni ɲɛnamaya daminɛna u yɛrɛma. E ka miiri la, yala o ɲɛfɔli tilennen be wa? [An k’a ka jaabili lamɛn.] Dalilu caaman be joo di Bibulu ma, min b’a fɔ ko Danbaga be yen. A ka sebagaya ka boon haali, ani a fana b’an kanu kosɔbɛ. Ale lo ye tiɲɛn Ala ye, ani a tɔgɔ ko Jehova.” An ka Zaburu 83:18, NW, kalan. Ani, an k’a ɲɛfɔ ka surunya ko Ala ka sagonata ye ka dugukolo yɛlɛma ka kɛ alijɛnɛ ye.

L’humanité à la recherche de Dieu

“Diinanw ka ca bi dɛ. Yala i delila k’i yɛrɛ ɲininga juman lo ka di Ala ye wa?” An k’a ka jaabili lamɛn. O kɔ, an ka gafe dayɛlɛ a ɲɛɛ 377nan la. An ka hakilinata 7nan yira ka gwɛ, ani an k’a ɲininga n’a sɔnna ko tiɲɛn diinan ka kan ka siyaw bɛɛ kaan bɛn. Vɛrise minw kofɔra, an k’olu dɔ kalan, ani ni wagati be yen an ka baro kɛ ɲɛɛ 377nan ka hakilinata dɔ wɛrɛ kan. N’a tigi y’a mako don sɔbɛ la, an ka gafe kofɔ a ye. Tuma min na an bena ɲɔgɔn bila n’a tigi ye, an k’a ɲininga ko: “Tiɲɛn diinan ka kan ka nɔɔ juman to a ka diinandenw kan?” An ka labɛn kɛ walisa ka segi ka na o ɲiningali jaabi.

Ni mɔgɔ dɔ y’a fɔ an ye ko ale be diinan dɔ kɔnɔ min ye diinan jɛnkuluba dɔ ye, an be se k’a fɔ ko: “An be mɔgɔw kunbɛn minw ka diinanw be dan na dan na. Ala ɲinicogow cayara. [Ni koow cogoya bɛnnen be, an ka Kɛwalew 17:26, 27 kalan.] Tuma caaman na, mɔgɔw be tugu u somɔgɔw ka diinan lo kɔ. [An ka dakun 12nan kalan gafe ɲɛɛ 8nan na.] Tɔnɔ b’a la n’an b’a ɲini ka dɔ lɔn diinan wɛrɛw kan. An be kalan o fɛ. Gafe nin be diinan jɛnkulubaw bɔyɔrɔ, n’u kɛcogow, n’u kalansiraw ɲɛfɔ.” Ɲɛyirali nin dɔ ta k’a yira gafe be min fɔ an lamɛnbaga ka diinan kan: Sikhisme (100-101); Hindouisme (116-17); Bouddhisme (141); Taoïsme (164-6); Confucianisme (177); Shintoïsme (190-5); Judaïsme (220-1); ani Silamɛya (289).

La Révélation: le grand dénouement est proche!

“N’a sɔrɔ i ye nin koo nin mɛn [An ka kunnafoni kura dɔ kofɔ a ye]. Mɔgɔ mana bari ka sa, mɔgɔ caaman b’u yɛrɛw ɲininga cogo juman na u be se k’a tigi somɔgɔw dusu saalo. E be mun miiri o koo la?” An k’a ka jaabili lamɛn. O kɔ, an ka gafe dayɛlɛ a ɲɛɛ 299nan la, ani an ka suu kununni jaa yira a la. An k’a fara a kan ko: “Mɔgɔ caaman mana a mɛn ko mɔgɔ tilennenw ni mɔgɔ tilenbaliw bena lakunu ka ɲɛnamaya kɛ alijɛnɛ kɔnɔ dugukolo kan, u be kabakoya. [An ka Kɛwalew 24:15 sɛbɛnen kalan dakun 9nan na, ɲɛɛ 297nan kɔnɔ. Ɲɛfɔli min dira dakun 10nan kɔnɔ, an k’o di a tigi ma.] Gafe nin be kunnafoni caaman wɛrɛw di Ala ka sagonata kan ka taga siniɲasigi koo la.”

La Bible: Parole de Dieu ou des hommes ?

“An be wagati min na, ka mɔgɔ kelen kelen daa bɔ a la, gwɛlɛyabaw be bɛɛ kelen kelen kan. Mɔgɔ caaman be taga ladilidibaga sifaw bɛɛ sɛgɛrɛ. Dɔw be dɛmɛ ɲini filɛlikɛlaw fɛ. E ka miiri la, yɔrɔ juman na an be se ka ladili bɛrɛbɛrɛw sɔrɔ, ladili minw bena an mako ɲɛ? [An k’a ka jaabili lamɛn.] Bibulu be koo sɔbɛ dɔ fɔ, an ka ɲi ka min faamu. [An ka 2 Timote 3:16 kalan. O kɔ, an ka gafe dayɛlɛ a ɲɛɛ 187nan na, ani an ka dakun 9nan kalan.] Gafe nin bena i dɛmɛ i k’a faamu tɔnɔ fisaman min be sɔrɔ Bibulu ka kalansiraw la n’an b’u sira tagama.”

Le plus grand homme de tous les temps

“Nin wagati nin na saan kɔnɔ, mɔgɔ caaman be miiri Yesu koo la. Nka komi u ɲɛɛ be koo jugu caaman na duniɲa yɔrɔ caaman na, mɔgɔ dɔw b’u yɛrɛw ɲininga ni Yesu b’a janto an na tiɲɛn na. E be mun miiri o koo la?” An k’a tigi to a k’an jaabi. An ka gafe dayɛlɛ a sapitiri 24nan na, ani an k’a ɲɛfɔ ka surunya fɛɛn min kama Yesu tun nana dugukolo kan. O kɔ, an ka Yuhana 15:13 kalan, ani an ka sinsin a kan ko Yesu y’a mɔgɔɲɔgɔn kanu ni kɔnɔgwɛ ye.

“U mana Yesu kofɔ, mɔgɔ caaman b’a ye komi denɲɛnin wala komi a be ninmakaran na. U be Yesu filɛ cogo min na, o be dan a wololi n’a saya dɔrɔn ma. Nka Yesu ye koo cɛɲumanba minw fɔ wala a ye minw kɛ k’a to dugukolo kan, mɔgɔw t’u kala ma tuma caaman na. A ye koo minw kɛ, u nɔɔ be hadamadenw bɛɛ kan kabini duniɲa dantuma. O de kama, a ye koo kabakoman min kɛ an kosɔn, a kɔrɔtalen be an k’a ɲini k’an seko bɛɛ kɛ ka caaman lɔn o kan.” An ka Yuhana 17:3 kalan. An ka gafe dayɛlɛ a ɲɛɛ fɔlɔ la, ani an ka dakun 4nan kalan.

Ala be mun ɲini an fɛ?

“E ka miiri la, yala Ala tun b’a fɛ gwɛlɛyaw ka caya an kun nin cogo la wa? [An k’a ka jaabili lamɛn. O kɔ, an ka Matiyu 6:10 kalan.] Kɔni e y’a miiri k’a filɛ Ala ka Masaya ye min ye wa?” An ka kitabunin dayɛlɛ kalansen 6nan na. Ɲiningali minw bilara kalansen daminɛ na, an k’olu kalan. An ka baro daminɛ o kalansen kan, wala an ka labɛn kɛ ka segi ka na baro kɛ a kan.

“Hali ni bi duniɲa ye ɲɛtaga caaman sɔrɔ, bana ni saya be tɔɔrɔ ni dusukasi caaman lara hadamadenw kan. Yala i b’a lɔn Yesu bena min kɛ banabagatɔw ni mɔgɔkɔrɔw ani hali suuw ye wa?” An k’a ka jaabili lamɛn. N’a tigi b’a fɛ ka jaabili lɔn, an ka gafe dayɛlɛ kalansen 5nan na, ani an ka dakun 5-6nan ka ɲiningaliw kalan. An ka baro kɛ o dakunw kan, wala an ka labɛn kɛ ka segi ka na baro kɛ u kan.

Adorez le seul vrai Dieu

“E ka miiri la, an be se ka ɲɛsin yɔrɔ juman na walisa ka dɛmɛ sɔrɔ ka gwɛlɛyaw kɛlɛ? [An k’a ka jaabili lamɛn. Ani, an ka Romɛkaw 15:4 kalan.] I k’a kɔrɔsi ko Bibulu be kalan ni dusu saalo ni jigiya di an ma. O be se ka fanga di an ma walisa an ka gwɛlɛyaw muɲu. Gafe nin be ladili nafamanw di an ma. U b’a yira cogo min na Bibulu kalan be se k’an nafa cogo fisaman na.” Hakilinata naani minw be sɔrɔ gafe ɲɛɛ 30nan na, an k’olu yira ka gwɛ a tigi la.

“Kabini Yesu tun be dugukolo kan tuma min na, mɔgɔ caaman ye delili kɛ ko Ala ka Masaya ka na. Yala e delila k’i yɛrɛ ɲininga o Masaya nali bena min kɛ hadamadenw ye wa? [An k’a ka jaabili lamɛn ani an ka Daniɛl 2:44 kalan.] Gafe nin b’a yira Ala ka Masaya ye min ye, a bena min kɛ, ani cogo min na an be se ka nafa sɔrɔ o Masaya ka mara tilennen na.” Jaa minw be gafe ɲɛɛw 92-3nan na, an k’u yira a tigi la.