Tata Si Míasrɔ̃

TAÐODZINU SI LE NUSƆSRƆ̃NYATIAWO ŊU

NUSƆSRƆ̃NYATI 1 AXA 3-7

Blema Israel Fia David de asixɔxɔ gã aɖe Yehowa ƒe ŋkɔ kple Eƒe tameɖoɖo ŋu. Ede asixɔxɔ gɔmeɖose siwo le Mawu ƒe Sea me hã ŋu eye wòdo gbe ɖa be Mawu nefia eƒe lɔlɔ̃nu ye yeawɔ, abe ale si nyati sia ɖee fia ene. Nyatia dzro nya siawo me eye akpe ɖe mía ŋu hã míase nu si tae wòle be míabu nuwo ŋu ɣeawokatãɣi abe ale si Yehowa bua woe ene la gɔme.

NUSƆSRƆ̃NYATI 2, 3 AXA 10-19

Esi Kristotɔ vavãwo nye Yesu yomedzelawo ta la, wokpɔe be ele vevie be yewoabɔbɔ yewo ɖokui. Nyati gbãtɔa dzro ɖokuibɔbɔ ƒe kpɔɖeŋu si Yesu ɖo ɖi la me ale be míate ŋu adze eƒe afɔɖoƒewo yome pɛpɛpɛ. Nyati evelia ɖe ale si míate ŋu awɔ mía ɖokui suetɔ ahaɖe nɔnɔme sia afia le míaƒe agbenɔnɔ me la fia.

NUSƆSRƆ̃NYATI 4, 5 AXA 21-30

Nyati siawo akpe ɖe mía ŋu míakpɔe be Yehowa lɔ̃na faa be yeatsɔ nu vɔ̃ gãwo gɔ̃ hã ake. Ɣeaɖewoɣi la, nɔnɔmeawo ate ŋu awɔe be asesẽ na mí be míatsɔ vɔ̃ si amewo wɔ ɖe mía ŋu la ake wo. Ke hã Biblia me gɔmeɖosewo ate ŋu akpe ɖe mía ŋu míaɖu seselelãme manyomanyowo dzi ne edzɔ alea.