Ŋgɔdonya
Ðe nèdina be yeanɔ agbe le xexe aɖe si me aʋawɔwɔ kple ʋunyaʋunyawɔwɔ mele o mea? Ame geɖe dii nenema, gake wosusunɛ be manya wɔ o. Biblia na míenya susu si tae amegbetɔwo mate ŋu atsi aʋawɔwɔ nu o. Eye ena míekpɔ susu si tae míate ŋu aka ɖe edzi be anya wɔ be ŋutifafa naxɔ aƒe ɖe xexea me katã eye be esia ava eme kpuie.
Le magazine sia me la, “aʋawɔwɔ” alo “ʋunyaʋunyawɔwɔ” fia ale si dunyaheha vovovowo alo dukɔ vovovowo ƒe asrafowo tsɔa lãnu alo aʋawɔnuwo wɔa avu kple wo nɔewo. Míetrɔ ame siwo míeyɔ le magazine sia me la dometɔ aɖewo ƒe ŋkɔwo.