BIBLIA ME BIABIAWO ƑE ŊUÐOÐOWO
Nu kae Yesu awɔ na mí le etsɔme?
Le ƒe 33 Mía Ŋɔli me la, Yesu ku, emegbe wofɔe ɖe tsitre, eye wòyi dziƒo. Ƒe geɖe megbe la, wona ŋusẽe wòzu Fia. (Daniel 7:13, 14) Le etsɔme la, Yesu awɔ eƒe ŋusẽa ŋu dɔ atsɔ ahe ŋutifafa ava xexea me eye wòaɖe ahedada ɖa.—Xlẽ Psalmo 72:7, 8, 13.
Yesu, Fia la, aɖe nu madzɔmadzɔ wɔwɔ ɖa le anyigba dzi keŋkeŋ
Yesu awɔ nu nyui geɖe na mí ne eva le ameƒomea dzi ɖum. Awɔ ŋusẽ si Fofoa nɛ la ŋu dɔ atsɔ ana ameƒomea nade blibo. Míase vivi na agbe le anyigba dzi, eye míagatsi aku amegã alo aku o.—Xlẽ Yohanes 5:26-29; 1 Korintotɔwo 15:25, 26.
Nu ka wɔmee Yesu le fifia?
Yesu le mɔ fiam eyomedzela vavãwo le xexea me katã le gbeƒãɖeɖedɔa me. Woyia amewo gbɔ ɖagblɔa nu si Biblia gblɔ tso Mawu ƒe Fiaɖuƒea ŋu la na wo. Yesu gblɔ be yeayi edzi ado alɔ dɔ si wɔm yeƒe nusrɔ̃lawo le la va se ɖe esime Mawu nava ɖe amegbetɔwo ƒe dziɖuɖuwo ɖa.—Xlẽ Mateo 24:14; 28:19, 20.
Yesu le mɔ fiam amewo to Kristo hame vavã la dzi be woanɔ agbe si nyo wu fifia. Ayi edzi anɔ mɔ fiam wo ale be woatsi agbe le fifi nuɖoanyia tsrɔ̃ɣi ahayi ɖe xexe yeye si ŋugbe Mawu do la me.—Xlẽ 2 Petro 3:7, 13; Nyaɖeɖefia 7:17.