Nya si Míagblɔ le Magazineawo Ŋu

Gbetakpɔxɔ Dec. 15

“Le afisi míeɖo le ƒea me la, ame akpa gãtɔ bua Yesu Kristo ŋu, woɖaxɔ edzi se alo womeɖaxɔ edzi se o. Ame aɖewo gblɔna be menye ame ŋutɔŋutɔe wònye nɔ anyi kpɔ o. Nukae nèsusu? [Ne wòɖo eŋu vɔ la, xlẽ Mateo 16:15, 16.] Meka ɖe edzi be nyati sia, ‘Amesi Tututu Yesu Nye’ la xexlẽ ado dzidzɔ na wò ne nàkpɔ alesi wòku ɖe ŋuwò egbea kple alesi wòaku ɖe ŋuwòe le etsɔme hã.”

Nyɔ! Jan. 8

“Ðe màlɔ̃ ɖe edzi be hafi míakpɔ dzidzeme le agbe me la, míehiã afisi míakpɔ nuɖuɖu tsoe dedie ɣesiaɣi oa? [Na wòaɖo eŋu.] Kpɔ nusi ƒe ŋugbe Mawu do na eƒe amewo le Biblia ƒe ɣeyiɣiwo me la ɖa. [Xlẽ Mose III, 26:4, 5.] Nyɔ! sia ƒo nu tso alesi míetsia dzi egbea ɖe míaƒe nuɖuɖu kpɔkpɔ ŋu. Ena kuxia gbɔ kpɔnu ŋutɔŋutɔ eye wòfia asi ɣeyiɣi si me Mawu ana míanɔ dedie le xexeame godoo la hã.”

Gbetakpɔxɔ Jan. 1

“Ède ŋugble le nusita wòdze abe agbenɔnɔ dze edzi na ame aɖewo ene gake ame bubuwo ya kpea fu hafi kpɔa nu ɖuna ŋu kpɔa? Biblia la gblɔ nya aɖe tso esia ŋu. [Xlẽ Hiob 34:19.] Woɖe alesi Mawu ɖoe be yeaɖe vovototodede amewo dome si li egbea ɖa la me le magazine sia me.”

Nyɔ! Jan. 8

“Mí katã míese afɔku si ʋuʋu xexeame katã. Tso ɣemaɣi la, amewo hiã akɔfafa kple kpekpeɖeŋu geɖe ŋutɔ. Nyati sia ƒo nu tso nu bubuwo kple nusiwo wɔm Yehowa Ðasefowo le be yewoatsɔ akpe ɖe agbetsilawo, afɔkunyawo gbɔ kpɔlawo, kple amesiwo dzi ku dzɔ ɖo ŋu me.”