Nya Si Míagblɔ Le Magazineawo Ŋu

Gbetakpɔxɔ Dec. 1

Èsusu be Biblia me nyagblɔɖi sia le eme vam egbea? [Xlẽ Mateo 24:11. Emegbe ɖe mɔ nɛ wòaƒo nu.] Magazine sia dzro nufiafia aɖewo siwo bɔ egbea me. Efia ale si míawɔ be alakpanufialawo nagable mí o hã.”

Awake! Dec.

“Ne wobia wò be ame kae nye ame vevitɔ kekeake si nɔ anyigba dzi kpɔ hã la, ame kae nàyɔ? [Ðe mɔ wòaɖo eŋu.] Ame geɖe gblɔna be Yesu ye nye ame vevitɔ kekeake. Kpɔ nu si eya si nye Mawufiaɖuƒea ƒe Fia awɔ na anyigba la ɖa. [Tsɔ nɔnɔmetata si le axa 8-9 la fiae, eye nàxlẽ mawunyakpukpui siwo woyɔ ɖe afi ma la dometɔ ɖeka.] Magazine sia dzro ale si Yesu awɔ esiae kple ɣeyiɣi si me wòawɔe me.

Gbetakpɔxɔ Dec. 15

“Le ƒea ƒe ɣeyiɣi sia me la, ame geɖe dea ŋugble le nya siwo mawudɔlawo gblɔ le ɣeyiɣi si me wodzi Yesu la ŋu. [Xlẽ Luka 2:14.] Ðe nèbu be ŋutifafa ate ŋu ava xɔ aƒe ɖe anyigba dzi ŋutɔŋutɔa? [Ðe mɔ wòaɖo eŋu.] Magazine sia ɖe ale si Yesu ahe ŋutifafa vavãtɔ ava anyigba dzi kpuie la me.”

Awake! Dec.

“Nukpɔsusu vovovoe le subɔsubɔhawo si ku ɖe aha muamewo zazã alo enono ŋu. Nu kae nèbu be eyae nye Mawu ƒe nukpɔsusu le wo zazã ŋu? [Ðe mɔ wòaɖo eŋu.] Togbɔ be Yesu ƒe nukunu gbãtɔ si wòwɔe nye be etrɔ tsi wòzu wein hã la, Biblia na nuxlɔ̃ame sia le eŋu. [Xlẽ Lododowo 20:1.] Nyati sia ɖe Biblia ƒe nukpɔsusu si da sɔ le nya sia ŋu la me.” Tsɔ nyati si dze egɔme tso axa 18 lia fiae.