Nya si Míagblɔ le Magazineawo Ŋu

Gbetakpɔxɔ Mar. 1

“Ame geɖe lɔ̃ ɖe edzi be ele be míalɔ̃ mía nɔewo, abe alesi Yesu de eƒe se le mawunyakpukpui sia me ene. [Xlẽ Yohanes 13:34, 35.] Gake ɖe ame aɖewo li siwo wɔna ɖe Yesu ƒe nufiafiawo dzi le woƒe agbenɔnɔ mea? [Ðe mɔ wòaɖo eŋu.] Magazine sia ƒo nu tso alesi míawɔ anya Kristotɔ vavãtɔwo egbea la ŋu.”

Awake! Mar.

“Lɔlɔ̃ wɔa akpa vevi aɖe le míaƒe lãmesẽmenɔnɔ kple dzidzɔkpɔkpɔ me. Gake esesẽna na ame geɖe be woakpɔ amesiwo aɖe lɔlɔ̃ vavãtɔ afia wo. Èsusu be nuka gbɔe wòtso? [Ðe mɔ wòaɖo eŋu.] Nu nyuitɔ si míawɔ be woaɖe lɔlɔ̃ vavãtɔ afia mí enye be mía ŋutɔwo míaɖe lɔlɔ̃ vavãtɔ afia amewo gbã. Magazine sia ƒo nu tso nusi lɔlɔ̃ vavãtɔ ɖeɖe fia bia la ŋu.” Xlẽ Korintotɔwo I, 13:4-7.

Gbetakpɔxɔ Mar. 15

“Ewɔ nublanui be, mía dometɔ akpa gãtɔ ƒe ame vevi aɖe ku kpɔ. Èse ŋugbedodo fakɔname si le afisia kpɔa? [Xlẽ Dɔwɔwɔwo 24:15. Gahe susu yi nyabiasea dzi eye nàɖe mɔ wòaɖo eŋu.] Gake ame geɖe biana be, Amekawoe woafɔ ɖe tsitre? Ɣekaɣie wòava eme? Afikae tsitretsitsia ayi edzi le? Magazine sia na ŋuɖoɖo siwo tso Biblia me le biabia siawo ŋu.”

Awake! Mar.

“Ame geɖe xɔe se be Yesu kee nye Mawu. Gake Yesu ƒe nusrɔ̃la Petro yɔe be Mawu ƒe Vi. [Xlẽ Mateo 16:16.] Ðe nèbu be anya wɔ be Yesu nanye Mawu kple Mawu ƒe Vi siaa? [Ðe mɔ wòaɖo eŋu.] Nyati si dze le magazine sia ƒe axa 12-13 dzro nyabiase sia me eye wòna Biblia ƒe ŋuɖoɖo si sɔ.”