Nya Si Míagblɔ Le Magazineawo Ŋu

Gbetakpɔxɔ Mar. 1

“Míesea nu tso fukpekpe, dɔléle, kple ku ŋu gbe sia gbe. Èbia ɖokuiwò se be, míava vo tso nu siawo katã si me gbe aɖe gbe kpɔa? [Ðe mɔ wòaɖo eŋu.] Mawunyakpukpui sia na mɔkpɔkpɔ su ame miliɔn geɖewo si. [Xlẽ Yohanes 3:16.] Nyati si ŋu magazine sia ƒo nu tsoe nye: ‘Ale Si Yesu Ƒe Ku Ate Ŋu Aɖe Wò.’”

Awake! Mar.

“Èsusu be aʋatsodzixɔsewo gblẽa nu le ame ŋu loo alo be womegblẽa nu le ame ŋu o? [Ðe mɔ wòaɖo eŋu.] Se nya wɔdɔɖeamedzi sia si Biblia gblɔ ɖa. [Xlẽ Yesaya 65:11.] Numedzodzro si le nyati sia me akpe ɖe mía ŋu míakpɔe nenye be aʋatsodzixɔsewo wɔ ɖeka kple Biblia me nufiafiawo?” Tsɔ nyati si dze egɔme tso axa 10 lia fiae.

Gbetakpɔxɔ Apr. 1

“Màdi be nyagblɔɖi sia nava eme ŋutɔŋutɔ oa? [Xlẽ Yesaya 2:4. Emegbe ɖe mɔ wòaɖo eŋu.] De dzesii be Mawu ade nu amegbetɔwo ƒe nyawo me, eye ‘wòatso nya me na dukɔ geɖewo.’ Biblia ɖee fia be Mawu awɔ aʋa aɖe si woyɔ be Harmagedon si atsi aʋawɔwɔwo katã nu. Magazine sia ɖe nu si Harmagedon nye kple nu si tae wòle be míakpɔ mɔ nɛ la me.”

Awake! Apr.

“Èsusu be ɣeyiɣi siwo ŋu woƒo nu tsoe le afi sia mee míelea? [Xlẽ 2 Timoteo 3:1-4. Emegbe ɖe mɔ wòaɖo eŋu.] Susu nyuiwo li siwo tae wòle be míatsɔ ɖe le ŋkeke mamlɛawo me vevie ɖo, elabena woƒe vava anye dzesi be nu nyui geɖewo le ŋgɔ gbɔna na anyigbadzinɔlawo. Magazine sia ɖe nya sia me.”