Nya si Míagblɔ le Magazineawo Ŋu

Gbetakpɔxɔ Sept. 1

“Egbea ame geɖe megatsɔa ɖeke le mawusubɔsubɔ me o. Èsusu be mawusubɔsubɔ ate ŋu akpe ɖe ame ŋu be wòazu ame nyui wua? [Na wòaɖo eŋu.] Kpɔ nusi Biblia gblɔ ɖi ku ɖe susu si ta ame aɖewo dea sɔleme ɖo le ŋkeke mamlɛ siawo me ɖa. [Xlẽ Timoteo II, 4:3, 4.] Magazine sia ƒo nu tso alesi subɔsubɔ vavãtɔ dea bubu Mawu ŋui kple alesi wòaɖe vi na míi ŋu.”

Awake! Sept.

Ame geɖe biana wo ɖokui ne esɔ le dzɔdzɔme nu be woaxɔ Mawu dzi ase. Nukae nye wò ya wò susu? [Na wòaɖo eŋu. Emegbe nàxlẽ Hebritɔwo 3:4.] Nyɔ! ƒe tata tɔxɛ sia dzro nusi tututu na be dzɔdzɔmeŋutinunyala aɖewo va xɔe se be Wɔla aɖe li la me.”

Gbetakpɔxɔ Sept. 15

Ƒo nu tso nudzɔdzɔ aɖe si ŋu amewo tsi dzi ɖo le miaƒe nutoa me ŋu. Eye nàbia be: “Ðe nèbu be mawunyakpukpui sia me nyawo sɔ kple nusiwo tututu le dzɔdzɔm le míaƒe ɣeyiɣia mea? [Xlẽ Timoteo II, 3:1, gahe susu yi nyabiasea dzi eye nàɖe mɔ wòaɖo eŋu.] Nyati sia dzro kpeɖodzi siwo fia be míele ŋkeke mamlɛawo me la me, eye egblɔ nusi wòle be míawɔ hã na mí.”

Awake! Sept.

“Ame geɖe bunɛ be ɖe wowɔ mí. Gake ame aɖewo susuna be ɖe míenɔ tɔtrɔm tso nane me vivivi heva zu amegbetɔ. Nukae nye wò susu? [Ðe mɔ wòaɖo eŋu.] Na míakpɔ aɖaŋuɖoɖo sia si akpe ɖe mía ŋu míaɖo nyataƒoƒo nyuitɔ gbɔ ɖa. [Xlẽ Hiob 12:7, 8.] Nyɔ! ƒe tata tɔxɛ sia dzro nusiwo míate ŋu asrɔ̃ tso nunya kple aɖaŋu siwo dze le dzɔdzɔmenuwo me la me.”