Nya Si Míagblɔ Le Magazineawo Ŋu

Gbetakpɔxɔ April 1

“Ame aɖewo xɔe se be woɖo míaƒe etsɔme ɖi xoxo, gake ame aɖewo hã susu be míawo ŋutɔwo ƒe nyametsotso dzie ale si míaƒe etsɔme anɔ la nɔ te ɖo. Nu kae nye wò susu? [Ðe mɔ wòaɖo eŋu.] Se mawunyakpukpui sia me nyawo ɖa. [Xlẽ Nyagblɔla 9:11.] Nyati sia ƒo nu tso ale si Biblia ɖo nyabiase si nye ‘Ðe woɖo míaƒe etsɔme ɖia?’ ŋu la ŋu.” Tsɔ nyati si le axa 26 lia la fiae.

Awake! April

“Nuteƒemawɔmawɔ na ame nɔewoe nana srɔ̃tɔ geɖewo gbea wo nɔewo. Èsusu be wɔwɔ ɖe mawunyakpukpui sia me nyawo dzi ana be srɔ̃ɖeɖewo nanɔ anyi ɣeyiɣi didia? [Xlẽ Mateo 5:28. Emegbe ɖe mɔ wòaɖo eŋu.] Nyati sia zã Biblia tsɔ kpe ɖe srɔ̃tɔwo ŋu be woaƒo asa na nuteƒemawɔmawɔ na wo nɔewo.” Tsɔ nyati si dze egɔme tso axa 28 lia la fiae.

Gbetakpɔxɔ May 1

“Nu kae nèsusu be ate ŋu ana wòasesẽ na ame aɖe be wòaxɔ Mawu dzi ase? [Ðe mɔ wòaɖo eŋu.] Le mawunyakpukpui sia ƒe nya nu la, xɔse ƒe amesinɔnɔ le vevie. [Xlẽ Hebritɔwo 11:6.] Magazine sia dzro afɔ ene siwo míate ŋu aɖe atsɔ ado ŋusẽ míaƒe xɔse la me.”

Awake! May

“Egbea la, ame siwo zãa atike siwo ɖɔktawo ŋlɔ na wo ɖe mɔ gbegblẽ nu la le dzidzim ɖe edzi. Nu ka gbɔe nèsusu be esia tso? [Ðe mɔ wòaɖo eŋu.] Biblia tɔ asi nu vevi siwo gbɔ wòtsɔ la dometɔ ɖeka dzi, vevietɔ le ɖeviwo gome. [Xlẽ Lododowo 13:20.] Magazine sia ƒo nu tso ale si nàte ŋu akpɔ ɖokuiwò kple wò ƒomea ta tso afɔku sia si le ta kekem me la ŋu.”