Nya Si Míagblɔ Le Magazineawo Ŋu

Gbetakpɔxɔ February 1

“Mía dometɔ geɖe le ha aɖe me xoxo. Èsusu be Mawu di be míasubɔ ye le mɔ aɖe koŋ nua, alo ɖe mía ŋutɔwo míatia ale si míedi be míasubɔea? [Ðe mɔ wòaɖo eŋu. Emegbe xlẽ Mateo 15:9.] Nyati sia dzro nu vevi ene si Yesu gblɔ be ele be wòadze le ha vavãtɔ ŋu la me.” Tsɔ nyati si dze egɔme tso axa 16 lia fiae.

Awake! February

“Ame aɖewo xɔe se be ame aɖee wɔ xexea, gake ame aɖewo hã gblɔna be susu mele nya sia me o. Aleke wò ya nèsusu? [Ðe mɔ wòaɖo eŋu.] Biblia gblɔ be ele be kpeɖodzi nanɔ nane ŋu hafi woaxɔ edzi ase. [Xlẽ Hebritɔwo 11:1.] Nyati sia dzro kpeɖodzi siwo ɖee fia be ame aɖee wɔ xexea la me.” Tsɔ nyati si dze egɔme tso axa 22 lia fiae.

Gbetakpɔxɔ March 1

“Ðe nèxɔe se be Mawu ƒe Nyae Biblia nyea alo agbalẽ nyui aɖe koe nèbunɛ? [Ðe mɔ wòaɖo eŋu.] Se nya si Biblia ŋutɔ gblɔ ɖa. [Xlẽ 2 Timoteo 3:16, 17.] Magazine sia dzro nya siwo me kɔ, siwo dzi míanɔ te ɖo atso nya me le nyabiase sia ŋu kple nu si tae wòle vevie be míawɔe nenema la hã me.”

Awake! March

“Ðewohĩ dzɔdzɔmenu dzeaniwo nya kpɔna na wò abe ale si wònya kpɔna na ame geɖe ene. Èlɔ̃ ɖe edzi be aɖaŋu dze le dzɔdzɔmenu siawo mea? [Ðe mɔ wòaɖo eŋu. Emegbe xlẽ Psalmo 104:24.] Magazine sia ƒo nu tso dzɔdzɔmenu siwo wowɔ aɖaŋutɔe la dometɔ aɖewo ŋu, eye wòdzro nu si míate ŋu asrɔ̃ tso wo me la me.”