Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le May Me

“Ðe nèbia ɖokuiwò kpɔ be, nu ka tae Mawu ɖe mɔ vɔ̃ɖinyenye kple fukpekpe li ɖo hã?” [Ðe mɔ wòaɖo eŋu.] Madi be matsɔ nu nyui aɖe afia wò ku ɖe nya sia ŋu.” Mia kplii mixlẽ nya si le tanya sue gbãtɔ si le May 1 ƒe Gbetakpɔxɔ, axa 16 lia te la ɖekae eye miaxlẽ mawunyakpukpui siwo woyɔ la ƒe ɖeka. Tsɔ magazineawo nɛ, eye nàwɔ ɖoɖo be yeatrɔ ava adzro nyabiase si kplɔe ɖo la me kplii.

The Watchtower May 1

Xlẽ Psalmo 37:10, 11. Eyome nàgblɔ be: “Ðe nèxɔe se be míakpɔ eteƒe kpuie ŋugbedodo sia nava emea? [Ðe mɔ wòaɖo eŋu.] Magazine sia dzro Biblia me nyagblɔɖi vovovo ade siwo teƒe kpɔm míele wole eme vam fifi laa la me; wonye nyagblɔɖi siwo ɖee fia be magadidi fũu hafi ŋugbedodo sia nava eme ŋutɔŋutɔ o.”

Awake! May

“Ame aɖewo gblɔna be lãwo mee amegbetɔwo dzɔ tso heva de ŋgɔ wu. Nu kae nèsusu? [Ðe mɔ wòaɖo eŋu. Eyome xlẽ Psalmo 139:14.] Enye nyateƒe be nu ʋɛ aɖewo koe hakpalaa nya le ale si gbegbe amegbetɔ ƒe wɔwɔme wɔ nukui ŋu. Magazine sia dzro nu siwo míenya le amegbetɔwo ŋu fifia kple nu siwo na míeto vovo na lãwo la me.”