Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le July Me

“Ame geɖe gblɔa gbedodoɖa si woyɔna be Mía Fofo Si Le Dziƒo la me nya siawo edziedzi be: ‘Wò fiaɖuƒe nava. Woawɔ wò lɔlɔ̃nu le anyigba dzi, sigbe ale si wowɔnɛ le dziƒo ene.’ Le wò susu nu la, nu kae fiaɖuƒe ma nye? [Ðe mɔ wòaɖo eŋu.] Mawunyakpukpui aɖe kpe ɖe mía ŋu míekpɔ nu si wònye.” Xlẽ Daniel 2:44. Eyome tsɔ July 1 ƒe Gbetakpɔxɔ la ɖeka na aƒemenɔlaa, eye mia kplii mixlẽ nya si le tanya sue gbãtɔ si le axa 16 lia te la eye miadzro eme ɖekae. Tsɔ magazineawo nɛ, eye nàwɔ ɖoɖo be yeatrɔ ava adzro nyabiase si kplɔe ɖo la me kplii.

The Watchtower July 1

“Esi wònye be agbea le kpuie eye eme yɔ fũu kple kuxiwo ta la, ame geɖe menyana nu si tae wole agbe ɖo o. Èbu nya ma ŋu kpɔa? [Ðe mɔ wòaɖo eŋu.] Biblia do ŋugbe be agbea manɔ alea tegbee o. [Xlẽ Nyaɖeɖefia 21:4.] Magazine sia dzro tame si Mawu ɖo ɖe anyigba ŋu la me, eye wògblɔ nu siwo míate ŋu awɔ be viɖe vavã nanɔ míaƒe agbe ŋu fifia gɔ̃ hã.”

Awake! July

He susu yi afɔku aɖe si ŋu nya wogblɔ le nyadzɔdzɔwo me la dzi. Eyome nàbia be: “Le wò susu nu la, nu ka tae Mawu ɖea mɔ nu siawo dzɔna? [Ðe mɔ wòaɖo eŋu.] Biblia na míenya be Mawu sea veve ɖe ame siwo le fu kpem la nu. [Xlẽ 2 Mose 3:7.] Biblia gagblɔ nu si tae Mawu ɖe mɔ fukpekpe li ɖo hã, eye wògblɔ be eteƒe madidi o Mawu aɖe fukpekpe ɖa tegbee. Magazine sia ɖe nya siawo katã me.”