Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le July Me

“Ðe nèsusu be Mawu tsɔa ɖe le míaƒe gbedodoɖawo mea? Ðe wòdi ŋutɔŋutɔ be míanɔ gbe dom ɖa na yea?” Ðe mɔ wòaɖo eŋu. Tsɔ nyati si le July 1 ƒe Gbetakpɔxɔ ƒe megbekpa dzi fiae; midzro numeɖeɖe si le nyabiase gbãtɔa te la me, eye miaxlẽ mawunyakpukpuiawo dometɔ ɖeka ya teti. Tsɔ magazineawo nɛ eye nàwɔ ɖoɖo be yeatrɔ ava dzro nyabiase si kplɔe ɖo la me kplii.

Gbetakpɔxɔ July 1

“Ne Mawu nye ŋusẽkatãtɔ la, ke ɖe míagblɔ be eya gbɔe vɔ̃ siwo dzɔna le xexea me tsoa? [Ðe mɔ wòaɖo eŋu. Eyome xlẽ Yakobo 1:13.] Magazine sia ɖe nu si tae nya vɔ̃wo dzɔna ɖo kple nu si Mawu awɔ atsɔ atsi nu vɔ̃ɖi wɔwɔ kple fukpekpe nu me.”

Nyɔ! July

“Nya vɔ̃ aɖe kokoko dzɔna ɖe mía dometɔ ɖe sia ɖe kloe dzi le agbe me. Ɣeaɖewoɣia, etea ŋu nyea dzɔdzɔmefɔkuwo, dɔléle vɔ̃ɖi aɖe, alo míaƒe ame vevi aɖe ƒe ku. Ne nu siawo dzɔ la, aleke míawɔ anɔ te ɖe enu? [Ðe mɔ wòaɖo eŋu.] Biblia kpe ɖe ame geɖe ŋu wodo dzi esi afɔkuwo dzɔ ɖe wo dzi. [Xlẽ Romatɔwo 15:4.] Magazine sia ɖe ale si Biblia ate ŋu akpe ɖe mía ŋu míanɔ te ɖe nya vɔ̃wo nu me.”