Kpɔɖeŋudzeɖonyawo

Fiaɖuƒe Ŋuti Nya 38 Lia

“Míele agbalẽvi sia mam le xexea me katã. Nya vevi aɖe le eme si míedi be ame sia ame naxlẽ. Tɔwòe nye esia.”

De dzesii: Na wò dzeɖonyaa nanɔ kpuie ale be nàte ŋu akpe anyigbamamaa ɖo. Gake ate ŋu adzɔ be aƒemenɔlaa naɖe ɖetsɔleme vavã afia eye wòadi be yeanya nu geɖe. Ekema àte ŋu abiae wòagblɔ nu si wòsusu tso nyabiase si le akpaa dzi ŋu. Eyome ʋu trakt la nàxlẽ Biblia ƒe ŋuɖoɖo si le eme la nɛ, eye miaxlẽ emenya bubu aɖewo le ale si ɣeyiɣia aɖe mɔe nu. Hafi nàdzo le egbɔ la, he eƒe susu yi nyabiase si le megbekpaa dzi le “Bu Nya Sia Ŋu Kpɔ” te la dzi, eye nàgblɔ nɛ be yeagatrɔ ava ne yewoadzro biabia ma me.

Gbetakpɔxɔ December 1

“Egbea vovo mele ame geɖe ŋu o, eye esia wɔe be esesẽna be woabu Mawu ŋu. Èsusu be míehiã Mawu vavã? [Ðe mɔ wòaɖo eŋu.] Le Yesu ƒe Todzimawunya xɔŋkɔa me la, egblɔ be ehiã be míanɔ kadodo me kple Mawu be míakpɔ dzidzɔ vavãtɔ. [Xlẽ Mateo 5:3.] Magazine sia ƒo nu tso susu etɔ̃ siwo tae míehiã Mawu ɖo ŋu.”

Nyɔ! December

“Susu vovovo sua mía si le nu siwo míexlẽna le nyadzɔdzɔgbalẽwo me kple nya siwo nyakakadɔwɔlawo gblɔna ta. Èxɔe se be nyatakaka mawo le eteƒe hede pɛpɛpɛa? [Ðe mɔ wòaɖo eŋu.] Biblia de dzi ƒo be míakpɔ nyuie le kaka ɖe nu siwo míesena alo xlẽna dzi ŋu. [Xlẽ Hiob 12:11.] Magazine sia ƒo nu tso ale si míawɔ ado nya siwo míesena kple esiwo míexlẽna kpɔ ŋu.”