Kpɔɖeŋudzeɖonyawo

Gbetakpɔxɔ June 1

“Míele dze kpui aɖe ɖom kple nutoa me tɔwo ne woatsɔ ɖe le Biblia me nyawo me. Ame aɖewo susui be nu siwo ŋu dzɔdzɔmeŋutinunyalawo ke ɖo egbea ɖee fia be Biblia me nyawo menye nyateƒe o. Ke wò ya ɖe, aleke nèbua Biblia? Èsusu be míate ŋu aka ɖe emenyawo dzia? [Ðe mɔ wòaɖo eŋu.] Kpɔ ale si Biblia wɔ ɖeka kple dzɔdzɔmeŋutinunya la ƒe kpɔɖeŋu wɔdɔɖeamedzi aɖe ɖa. [Xlẽ Hiob 26:7.] Magazine sia dzro ale si dzɔdzɔmeŋutinunya kple Biblia wɔ ɖeka hede nu wo nɔewo me la me.”

Nyɔ! June

“Egbea dɔléle le fu ɖem na ame geɖe, eya ta míele akɔfanya aɖe si le Biblia me xlẽm na amewo. [Xlẽ Yesaya 33:24a.] Ne míedzea dɔ gbeɖegbeɖe o la, aleke nèsusu be agbea anɔ na mí? [Ðe mɔ wòaɖo eŋu.] Gake va se ɖe ɣeyiɣi si me nyagblɔɖi sia nava eme la, nu atɔ̃ aɖewo li míate ŋu awɔ be míaƒe lãmesẽ nanyo ɖe edzi. Magazine sia ƒo nu tso wo ŋu.”