Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le October Me

“Egbea míeva be míaɖo dze kpui aɖe kpli mi. Ame siwo míeƒo nu na dometɔ geɖe gblɔ be kuxi sesẽtɔ siwo ɖe fu na yewo vevie la dometɔ ɖekae nye yewoƒe ame vevi aɖe ƒe ku. Nenemae wòle le wò hã gowòmea? [Ðe mɔ wòaɖo eŋu.] Mexlẽ nya dedziƒoname aɖe le agbalẽ sia me.” Tsɔ nyati si le October 1 ƒe Gbetakpɔxɔ ƒe megbekpaa dzi fiae; midzro numeɖeɖe si le nyabiase gbãtɔa te la me, eye miaxlẽ mawunyakpukpuiawo dometɔ ɖeka ya teti. Tsɔ magazineawo nɛ eye nàwɔ ɖoɖo be yeatrɔ ava dzro nyabiase si kplɔe ɖo la me kplii.

Gbetakpɔxɔ October 1

“Egbea míele dze kpui aɖe ɖom kple amewo hele dzi dem ƒo na wo be woanɔ Biblia xlẽm. Míenya be ame aɖewo tsɔa ɖe le Biblia me nyawo me; ame aɖewo hã metsɔa ɖeke le eme o. Ke wò ya ɖe? [Ðe mɔ wòaɖo eŋu.] Biblia gblɔ nya aɖe si madi be maxlẽ na wò. [Xlẽ 1 Tesalonikatɔwo 2:13.] Meka ɖe edzi be àlɔ̃ ɖe edzi be, ne Biblia nye agbalẽ si tso Mawu gbɔ vavã la, ke anyo be míanɔ exlẽm. Magazine sia ɖe nya vevi siwo ŋu Biblia ƒo nu tsoe la me kpuie eye wògblɔ nu si tae wòle be míatsɔ ɖe le emenyawo me ɖo.”

Awake! October

“Meɖe kuku, medi be manya wò susu le nya sia ŋu: Ðe nu si le mía si ate ŋu adze mía ŋu ne ŋutilãmenuwo mesɔ gbɔ ɖe mía si oa? [Ðe mɔ wòaɖo eŋu.] Se nya si Biblia gblɔ ɖa. [Xlẽ 1 Timoteo 6:8.] Magazine sia fia nunɔamesiwo ŋuti nukpɔsusu si da sɔ si wòle be wòanɔ mía si, eye wòdzro nu vevi etɔ̃ siwo ga mate ŋu aƒle o me.”