Kpɔɖeŋudzeɖonyawo

Gbetakpɔxɔ December 1

“Míele amewo srãm kpɔ kpuie be míakpe ɖe wo ŋu woase nya vevi aɖewo gɔme tso Biblia ŋu. Ame geɖe dea bubu Biblia ŋu, gake wosusu be egɔmesese sesẽ akpa. Nu kae nye wò susu le Biblia ŋu? [Ðe mɔ wòaɖo eŋu.] Na míakpɔ susu vevi ɖeka aɖe si ta wòle be nàtsɔ ɖe le nu si Biblia fia la gɔme sese me la ɖa. [Xlẽ Romatɔwo 15:4.] Magazine sia ɖe susu si tae míeka ɖe edzi be ɖe woŋlɔ Biblia na mí be míase egɔme la me. Egblɔ nu siwo akpe ɖe mía ŋu míase egɔme hã na mí.”

Nyɔ! December

“Míele ƒomewo srãm kpɔ hele nya aɖe si akpe ɖe wo ŋu la me dzrom kpli wo. Ame sia ame dina be ŋutifafa kple ɖekawɔwɔ nanɔ yeƒe aƒe me. Nu kae nèsusu be anɔ bɔbɔe na ƒomewo wu—be woaƒo asa na nyahehewo keŋkeŋ loo alo woasrɔ̃ ale si woawɔ akpɔ nyahehewo gbɔ? [Ðe mɔ wòaɖo eŋu.] Na míakpɔ nya si Biblia me lododo aɖe gblɔ ɖa. [Xlẽ Lododowo 26:20.] Magazine sia ƒo nu tso Biblia ƒe aɖaŋuɖoɖo aɖewo siwo akpe ɖe ƒomewo ŋu woanɔ ŋutifafa me la ŋu.”