Kpeei Ni Baawa Wɔ Kɛha Kaselɔi Afeemɔ
OTSI Nl JEƆ SHISHI MAY 29
8 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Atsɔɔ shiɛmɔ nitsumɔ he gbɛjianɔtoo kɛha otsi lɛ naagbee, ni awo wekui ahewalɛ akɛ kuu ni amɛkɛ amɛhe awo shia-kɛ-shia sɔɔmɔ nitsumɔ lɛ mli yɛ klɛŋklɛŋ Hɔgbaa yɛ June. Akai ni mɔ fɛɛ mɔ akase January 15, 1989 Buu-Mɔɔ lɛ baafai 21-24 ni akɛba Sɔɔmɔ kpee otsi ni baa lɛ.
17 min: “Yaa nɔ Okɛɛ Mɛi ni Baabo Toi lɛ Akɛ, ‘Ba!’” Sanebimɔi kɛ hetoi. Agba asafoŋ niiashikpamɔi ni kɔɔ he kɛ be yɛ. Ama woji tɛtrɛbii lɛ ashɛɛ kɛhamɔ nɔ mi kɛha Buu-Mɔɔ lɛ kɛ Awake! lɛ fɛɛ be fɛɛ be ni sa. Awo shiɛlɔi hewalɛ ni amɛfee sɛɛsaramɔi ni amɛkashashao shi ni amɛbɔ mɔdɛŋ ni amɛkɛ mɛi ni yɔɔ wiemɔ lɛ he miishɛɛ aje Biblia mli nikasemɔ shishi.
20 min: Hospital Information Services. Onukpa ko ni sa baatsu enɛ he nii. Ati sane ni ji “Nibii ni he Hiaa lɛ ni Wɔɔfee ni Wɔkɛsa Nyɔŋmɔ Hiɛ” ni yɔɔ April 1988 Wɔ Maŋtsɛyeli Sɔɔmɔ lɛ mli lɛ mli. Amaniɛbɔi tsɔɔ akɛ mɛi komɛi kɛ amɛdatrɛfoi ewieko lolo taakɛ atsɔɔ yɛ mli lɛ. Bi akɛ: Ani nyɛŋmala nibii ni ataoɔ yɛ nyɛ Medical Document wolo lɛ nɔ lɛ fɛɛ ni nyɛha mɛi krokomɛi kɛ amɛwaonaa gbɛi hu ewo shishi amɛkɛye odase? Ama nɔ mi akɛ gbɛnaa nii ka asafoŋ onukpai lɛ anɔ akɛ amɛya ni amɛyasara shiɛlɔi ni he yeɔ ni kamɔ helatsamɔ hei lɛ. (1 Pet. 5:2; 1 Tes. 2:7, 8) Awo hewalɛ ni mɔ fɛɛ mɔ ale saji ni yɔɔ March 1, 1989 Buu-Mɔɔ lɛ baafai 30-1 lɛ kɛ Awake! ni ji February 22, 1989 nɔ lɛ baafai 26-7 lɛ mli lɛ jogbaŋŋ.
Lala 216 kɛ naagbee sɔlemɔ.
OTSI Nl JEƆ SHISHI JUNE 5
10 min: Asafoŋ adafitswai kɛ Teokrase lɛ He Saji. Awo hewalɛ ni mɔ fɛɛ mɔ kɛ ehe awo Hɔɔ woji tɛtrɛbii ajaa nitsumɔ mli. Afee nɔkwɛmɔ nii kukuji enyɔ loo etɛ ni kɔɔ woji tɛtrɛbii kɛhamɔ ni baasa shikpɔŋkuku lɛ he, ni eko fɛɛ eko miima sane kome nɔ mi.
35 min: “Gbala Nii—Te Esa Akɛ Kristofoi Abu lɛ Tɛŋŋ?” Sanebimɔi-kɛ-hetoi nɔ abaatsɔ akase sane nɛɛ ni jeɔ kpo yɛ January 15, 1989. Buu-Mɔɔ lɛ mli yɛ baafai 21-24 lɛ. Buu-Mɔɔ Nikasemɔ nɔkwɛlɔi baatsu enɛ he nii ni amɛ amɛbaasaa enɛ he sanebimɔi. Akane kukuji otii lɛ. Akɛ ŋmalɛi lɛ atsu nii.
Lala 160 kɛ naagbee sɔlemɔ.
OTSI Nl JEƆ SHISHIJUNE12
10 min: Asafoŋ adafitswai. Shika he amaniɛbɔɔ. Ajie asafo lɛ yi yɛ heloo gbɛfaŋ sɛɛfimɔ ni akɛhaa lɛ hewɔ, ni atsɔɔ hiɛsɔɔ aha yelikɛbuamɔ ni Asafo lɛ ekpɛlɛ nɔ lɛ. Atsɔɔ sɔɔmɔ nitsumɔ he gbɛjianɔtoo kɛha otsi lɛ naagbee, ni awo hewalɛ ni shiɛlɔi lɛ kɛ kuu lɛ atsu nii yɛ Hɔɔ kɛ Hɔgbaa.
20 min: “Nyɔŋmɔ Mla lɛ ‘Ni Wɔɔha Ahi Wɔmli.’” Sanebimɔ-kɛ-hetoo nɔ abaatsɔ atsu klɛŋklɛŋ kukuji ejwɛ lɛ he nii. Kɛkɛ lɛ nyɛmi ni tsuɔ he nii nɛɛ baafɔ nine etsɛ shiɛlɔi enyɔ ni bɔɔ mɔdɛŋ kɛba wielɔi akpoku lɛ nɔ ni mɛi etɛ lɛ asusu kukuji 5-7 he. Abi ni atsɔɔ hiɛsɔɔ ni ana aha Asafo lɛ woji heei lɛ. Kuu lɛ baanyɛ atsɔɔ bɔ ni amɛ loo mɛi krokomɛi ena enɛɛmɛi ahe sɛɛ kɛjɛ teemɔŋ nikasemɔ kɛ nibii amlipɛimɔ mli.
15 min: Obalaŋtai ni Hiɛɔ Amɛ Emuuyeli Mli. Wiemɔ ni woɔ mɔ hewalɛ ni maa 1989 Yearbook lɛ mli niiashikpamɔi ni kɔɔ obalaŋtai ni yɔɔ Austria lɛ ahemɔkɛyeli he lɛ nɔ mi. Akɛ baafai 111-12, 118-19, kɛ 123-5 afata he.
Lala 92 kɛ naagbee sɔlemɔ.
OTSI Nl JEƆ SHISHIJUNE19
10 min: Asafoŋ adafitswai. Awo shiɛlɔi ahewalɛ ni amɛya shiɛmɔ otsi nɛɛ naagbee. Akɛ hiŋmɛitswaa 30 kɛyashi 60 afee woji tɛtrɛbii kɛhamɔ he nɔkwɛmɔ nɔ ni sa kɛha shikpɔŋkuku lɛ.
20 min: “Feemɔ Mɔ ni Bɔɔ Sɔɔmɔ Nitsumɔ he Mɔdɛŋ.” Sɔɔmɔ nɔkwɛlɔ baatsu enɛ he nii kɛtsɔ sanebimɔi kɛ hetoi anɔ. Akane ni akɛ ŋmalɛi lɛ atsu nii kɛ be yɛ. Akɛ Asafo Shiɛlɔi Akadimɔ Woji aha yɛ wiemɔ lɛ shishijee. Asusu asafo lɛ March sɔɔmɔ akɔntaabuu he kɛ Ghana March sɔɔmɔ akɔntaabuu lɛ hu he. Ajie asafo lɛ yi. Atsɔɔ gbɛi anɔ ni asafoŋ shiɛlɔi baanyɛ aha amɛshiɛmɔ nitsumɔ lɛ aya hiɛ—otsi lɛ mli odaseyeli kɛ gbɛgbalɔi, otsi lɛ naagbee woji tɛtrɛbii anitsumɔ, gbɛkɛnaashi odaseyeli kɛ gbɛgbalɔi, kɛ ekrokomɛi. Dani aaabua woji lɛ anaa ekoŋŋ lɛ, abi koni mɔ fɛɛ mɔ akwɛ ewolo lɛ nɔ akɛ (afii ni eye, ebaptisimɔ be kɛ nibii krokomɛi yɛ nɔ lo) koni enɔ nibii fɛɛ ashɛ pɛpɛɛpɛ.
15 min: Daa Gbi Kaimɔi Koni Akɛtswa Mɔ Ama Shi yɛ Mumɔŋ. Nyɛminuu ni he esa kɛ shiɛlɔi enyɔ loo etɛ ni bɔɔ mɔdɛŋ miisusu bɔ ni aŋkroaŋkroi kɛ wekui baanyɛ ana daa gbi kaimɔi lɛ ahe sɛɛ tamɔ daa gbi ŋmalɛ, afi ŋmalɛ, kɛ adafitswaa ni yɔɔ kalanda lɛ nɔ lɛ he. Kaimɔi ni jɛ Yehowa ŋɔɔ he miihia wɔ. (Lala 119:2; Bɔfoi17:11) Tsɔɔmɔ bɔ ni kaimɔi ni akɛhaa nɔtonɔto lɛ baanyɛ awo wɔ hewalɛ ni ehe aba sɛɛnamɔ kɛha wɔ yɛ sɔɔmɔ nitsumɔ lɛ mli lɛ mli.
Lala 91 kɛ naagbee sɔlemɔ.
OTSI Nl JEƆ SHISHI JUNE 26
8 min: Asafoŋ adafitswai kɛ Sanebimɔ He. Awo hewalɛ ni shiɛlɔi fɛɛ aya shiɛmɔ Hɔɔ kɛ Hɔgbaa nɛɛ. Enɛ baafee klɛŋklɛŋ Hɔgbaa yɛ July mli.
17 min: “Sanekpakpa lɛ Kɛhamɔ—Kɛ True Peace Wolo Lɛ.” Sanebimɔ-kɛ-hetoo ni akɛbaatsu enɛ he nii. Aha gbɛgbalɔ loo shiɛlɔ ni esaa ehe jogbaŋŋ afee wolo lɛ kɛhamɔ he nɔkwɛmɔ nɔ ni yɔɔ kukuji 3 kɛ 4 lɛ.
20 min: Asafo Maŋtsɛyeli Asa Shika. Akɛ asafo lɛ ati September 1988 Wɔ Maŋtsɛyeli Sɔɔmɔ lɛ mli nɔ ni aŋma ahɔ mli lɛ mli. Akɛ saji otii ni he hiaa ni jɛ Asafo lɛ wolo ni ji AB:DB April 25, 1989 mli lɛ ni aŋma aha onukpai akuu lɛ afata he. Kɛ aaahi lɛ, akɛ yiŋkpɛɛ ni awo he ŋaa lɛ afɔ asafo lɛ hiɛ. Ajie asafo lɛ yi yɛ nɔ ni amɛtsu lɛ hewɔ ni awo hewalɛ ni aya nɔ daa.
Lala 152 kɛ naagbee sɔlemɔ.