Kpeei Ni Baawa Wɔ Kɛha Kaselɔi Afeemɔ
KADIMƆ: Wɔbaato Sɔɔmɔ kpee he gbɛjianɔ kɛha otsii ni akɛfeɔ kpokpaa wulu nɔ kpeei lɛ fɛɛ. Asafoi lɛ baanyɛ amɛfee tsakemɔi ni he hiaa lɛ bɔni afee ni amɛna hegbɛ amɛya kpeei lɛ kɛ agbɛnɛ minitii 30 koni akɛti kpee lɛ shishi wiemɔi otii lɛ amli yɛ Sɔɔmɔ kpee lɛ mli yɛ otsi ni nyiɛ sɛɛ lɛ mli. Abaanyɛ atsɔ hiɛ ni akɛ gbii lɛ amli wiemɔi ni abaati mli lɛ aha nyɛmimɛi enyɔ loo etɛ ni he esa ni baanyɛ awie otii ni he hiaa lɛ ahe jogbaŋŋ. Nɛkɛ nii amlitii ni asaa he jogbaŋŋ yɛ mli nɛɛ baaye ebua nyɛmimɛi lɛ ni amɛkai otii lɛ kɛha amɛ diɛŋtsɛ amɛsɛɛnamɔ koni amɛkɛtsu nii yɛ shiɛmɔ mli hu. Esa akɛ niiashikpamɔ ni akɛbaatsu nii kɛ wiemɔi ni toibolɔi baawie yɛ he lɛ afee kukuji kɛ wiemɔi ni yɔɔ tɛɛ hu. Nyɛkaia akɛ, gbɛfaa lɛ jɛkɛmɔ kɛ ehe nyɔmɔ lɛ hewɔ lɛ, shiɛlɔi lɛ ateŋ mɛi pii nyɛŋ amɛya kpokpai wuji anɔ kpeei lɛ. No hewɔ lɛ, akwɛ koni nii amlitii lɛ amɔ shi jogbaŋŋ ni eŋɔɔ hu.
KLƐŊKLƐŊ OTSI
5 min: Asafoŋ adafitswai kɛ Adafitswai ni ahala kɛjɛ wolo nɛɛ mli.
17 min: “Nyɛyaa nɔ Nyɛtsɔa Nii ni Nyɛkakpaa.” Sanegbaa kɛ nɔkwɛmɔ nii. Kɛ asusu kuku 2 he agbe naa lɛ, aha gbɛgbalɔi loo shiɛlɔi ni yɔɔ niiashikpamɔ afee bɔ ni afeɔ akɛ woji tɛtrɛbii ashɛɛ haa mɔ ko ni yɔɔ Maŋtsɛyeli sane lɛ he miishɛɛ lɛlɛŋ lɛ he nɔkwɛmɔ nɔ. Kɛji mɔ lɛ baasumɔ ni enine ashɛ woji tɛtrɛbii lɛ anɔ yɛ daa nyɔŋ nɔ lɛ, no lɛ wɔbaana he miishɛɛ waa akɛ wɔɔŋmala woji ni akɛshɛɔ lɛ eko wɔha lɛ koni enine ashɛ woji tɛtrɛbii lɛ anɔ kɛtsɔ woji amajemɔ nɔ. Kɛ enyɛɛɛ eshɛ lɛ, no lɛ wɔbaanyɛ wɔwo lɛ hewalɛ ni ehe eheei ni eba lɛ eko. Kɛ enyɛɛɛ no hu eko ehe lɛ, wɔbaanyɛ wɔkɛɛ lɛ akɛ wɔbaaku wɔsɛɛ ni wɔkɛ lɛ abasusu Ŋmalɛ mli saji krokomɛi ni woɔ mɔ hewalɛ lɛ ahe. Sɛinɔtalɔ lɛ baama bɔ ni ehe hiaa ni wɔkpa nii ashi yɛ be mli ni wɔkɛ woji tɛtrɛbii lɛ ashɛɛ haa lɛ nɔ mi. Ehe ehiaaa ni okɛɛ lɛ akɛ abaanyɛ ashɛ woji tɛtrɛbii kɛha be falɛ pɔtɛɛ ko tamɔ afi. Esa akɛ nyɔji ekpaa shɛɛ aha hiɛsɔɔ ni mɔ lɛ yɔɔ kɛha Maŋtsɛyeli shɛɛ sane ni akala yɛ woji tɛtrɛbii lɛ amli lɛ aya hiɛ koni no hu aha wɔle kɛji eyɛ wiemɔ lɛ he miishɛɛ lɛlɛŋ. Kɛ asusu kukuji 3 kɛ 4 he agbe naa lɛ, aha shiɛlɔi enyɔ ni yɔɔ ekaa asusu bɔ ni amɛaafee ni amɛkɛ ŋaawoi nɛɛ atsu nii yɛ November kɛ nyɔji ni baa lɛ amli lɛ he.
23 min: “Ba 1990 ‘Wiemɔ Krɔŋŋ’ Kpokpaa Wulu nɔ kpee Lɛ.”—Klɛŋklɛŋ Fã. Akɛ toibolɔi lɛ baasusu kukuji 1-15 he ni ati “Kpokpaa Wulu nɔ kpee he Kaimɔi” amli kuku.
KADIMƆ: Asafoi ni baaya kpee ni abaafee yɛ November 15-18 lɛ ashi wiemɔ ni hiɛ minitii 17 lɛ ni amɛsusu nɔ ni aŋma ahɔ wolo nɛɛ mli ni kɔɔ kpokpaa wulu nɔ kpee lɛ he lɛ fɛɛ he yɛ otsi nɛɛ mli.
Lala 195 kɛ naagbee sɔlemɔ.
OTSI Nl Jl ENYƆ
Lala 215
5 min: Asafoŋ adafitswai kɛ Teokrase lɛ He Saji.
15 min: “Shɛ Tsuii Ahe Kɛtsɔ Biblia Mli Nikasemɔi ni Mɔɔ Shi Nɔ.” Sanebimɔi-kɛ-ohetoi ni akɛbaasusu emli sane lɛ he. Kɛ aasusu kukuji 3 kɛ 5 he lɛ, afee bɔ ni atsakeɔ wiemɔ lɛ koni esa shihilɛ ni yɔɔ lɛ he lɛ he nɔkwɛmɔ nɔ. Amamɔ otii ni he hiaa ni yɔɔ February 1, 1985 Buu-Mɔɔ lɛ mli lɛ anɔ mi.
25 min: “Ba 1990 ‘Wiemɔ Krɔŋŋ’ Kpokpaa Wulu nɔ kpee Lɛ.”—Fa ni ji Enyɔ. Akɛ toibolɔi lɛ asusu nɔ ni aŋma ahɔ mli lɛ he kɛjɛ kukuji 16 kɛyashi enaagbee. Amamɔ Ŋmalɛ naa shishitoo taomɔ nii ni sa akɛ ekudɔ wɔjeŋba yɛ kpeei ashishi lɛ anɔ mi.
Lala 43 kɛ naagbee sɔlemɔ.
OTSI NI JI ETƐ
10 min: Asafoŋ adafitswai kɛ shika he akɔntaabuu. Akɛ shika ni akɛke Asafo lɛ ni nine shɛ nɔ lɛ afata he, ni atsɔɔ hiɛsɔɔ yɛ bɔ ni atsuɔ asafo lɛ shika gbɛfaŋ hiamɔ nii ahe nii lɛ he. Abi weku ni miito gbɛjianɔ ni amɛkɛ amɛhe awo shiɛmɔ mli kwraa kɛmɔ shi yɛ otsi lɛ naagbee lɛ saji, ni amamɔ gbɛjianɔtoi ni he baanyɛ aba sɛɛnamɔ aha mɛi krokomɛi lɛ anɔ mi.
20 min: “Ye Obua Mɛi Krokomɛi ni Amɛhe Asa yɛ Nyɔŋmɔ Wiemɔ lɛ kɛ Nitsumɔ Mli.” Abaasusu he kɛtsɔ sanebimɔi kɛ hetoi anɔ. Ama bɔ ni ehe hiaa akɛ aaaye abua mɛi krokomɛi ni amɛhe asa yɛ sɔɔmɔ nitsumɔ lɛ fai sɔrɔtoi lɛ amli lɛ nɔ mi. Afee bɔ ni shiɛlɔi baanyɛ amɛyɛ amɛbua Biblia mli nikaselɔi ni shɛɔ taomɔ nii lɛ ahe aloo bɔ ni fɔlɔ ko yeɔ ebuaa ebi bibioo koni esaa ehe kɛha shiɛmɔyaa lɛ he nɔkwɛmɔ nɔ.
15 min: Wɔhe ni Wɔɔsaa Kɛha Shiɛmɔyaa. Afee bɔ ni weku ko saa ehe yɛ gbɛ ni aaatsɔ nɔ akɛ wiemɔ lɛ aha yɛ shiɛmɔ mli, ni mɔ kome miima woji tɛtrɛbii anɔ mi, mɔ kroko hu kɛ dɛhiɛmɔ woji miiha, ni mɔ niji etɛ lɛ kɛ shia Biblia mli nikasemɔ ni aheee nɔ ko lɛ he hegbɛ miiha lɛ he nɔkwɛmɔ nɔ. Afee nɔkwɛmɔ nɔ lɛ ni weku lɛ mlibii lɛ miitsɔɔtsɔɔ amɛhe bɔ ni afeɔ lɛ ahaa.
Lala 42 kɛ naagbee sɔlemɔ.
OTSI Nl Jl EJWƐ
10 min: Asafoŋ adafitswai kɛ Sanebimɔ He. Abɔ nɔ ni anyɛ atsu yɛ Awake! lɛ shɛɛ he tafaa lɛ mli lɛ he amaniɛ.
15 min: Wɔhiɛ ni Aaasɔ Kpokpaa Nɔkwɛlɔ lɛ Nitsumɔ Lɛ. Akɛ toibolɔi asusu sane ni yɔɔ “Circuit Overseer” (‘Kpokpaa Nɔkwɛlɔ’) shishi yɛ Organized to Accomplish Our Ministry lɛ baafai 47-50 lɛ he. Sɛinɔtalɔ lɛ ama bɔ ni wɔɔna esaramɔ lɛ ni wɔɔfi sɛɛ kwraa kɛmɔ shi lɛ he sɛɛ lɛ nɔ mi. Esa akɛ wɔhiɛ asɔ Nyɔŋmɔ jamɔ hetuukɛhamɔ he nɔkwɛmɔ nɔ ni kpokpaa nɔkwɛlɔ lɛ kɛ eŋa feɔ yɛ be mli ni amɛtsuɔ amɛsɔɔmɔ lɛ he nii lɛ waa.
20 min: “Sanekpakpa lɛ Kɛhamɔ—Kɛtsɔ Mɛi kɛ Sanegbaa Nɔ.” Sanebimɔ-kɛ-hetoo ni akɛaatsu he nii. Afee nɔkwɛmɔ nii enyɔ ni asaa he jogbaŋŋ yɛ mli ni akɛtsɔɔ bɔ ni aaafee aje sanegbaa shishi yɛ shinaa naa kɛ agbɛnɛ yɛ be mli ni akɛ gbɔmɛi ekpe yɛ agbo naa.
Lala 20 kɛ naagbee sɔlemɔ.