Kpeei Ni Baawa Wɔ Kɛha Kaselɔi Afeemɔ
KLƐŊKLƐŊ OTSI
Lala 180
10 min: Asafoŋ adafitswai kɛ Adafitswai ni ahala kɛjɛ enɛ mli. Amamɔ otii pɔtɛɛ ni jɛ woji tɛtrɛbii heei lɛ amli ni abaanyɛ akɛtsu nii yɛ otsi nɛɛ mli lɛ anɔ mi. Akai nyɛmimɛi lɛ ni amɛkɛ Yehowa Odasefoi miifee Nyɔŋmɔ Suɔmɔnaa Nii wolo bibioo lɛ aba Sɔɔmɔ kpee Iɛ wɔsɛɛ otsi.
10 min: “Nyɔŋmɔ Wiemɔ lɛ ni Wɔɔjie yi Wɔtsɔɔ.” Sanebimɔ-kɛ-hetoo ni akɛbaasusu he. Kɛ aasusu kukuji 3 kɛ 4 he lɛ, aha shiɛlɔ ni he esa afee Saneyitso Kɛha Sanegbaa hee lɛ he nɔkwɛmɔ nɔ.
15 min: Sɛɛnamɔ ni Yɔɔ New World Translation Reference Bible lɛ He. Sanegbaa. Onukpa ko kɛ shiɛlɔi enyɔ loo etɛ ni kɛ Biblia nɛɛ etsu nii jogbaŋŋ lɛ baasusu sɛɛnamɔ ni yɔɔ Reference Bible lɛ he lɛ he. Asusu New World Bible Translation Committee lɛ wiemɔ ni yɔɔ baafa 5 lɛ he. Amamɔ sɛɛnamɔi ni yɔɔ shishigbɛ niŋmaai, ŋmalɛi krokomɛi ni atsɛ yisɛɛ, kɛ emli concordance enyɔ kɛ saji ni fata he yɛ sɛɛ lɛ ahe lɛ nɔ mi. Ama sɛɛnamɔ ni yɔɔ wolo nɛɛ kɛ nitsumɔ yɛ teemɔŋ nikasemɔ mli kɛ agbɛnɛ yɛ hesaamɔ mli kɛha asafoŋ kpeei lɛ nɔ mi.
Lala 46 kɛ naagbee sɔlemɔ.
OTSI NI JI ENYƆ
8 min: Asafoŋ adafitswai kɛ shika he amaniɛbɔɔ. Akane woji ni Asafo lɛ eŋmala yɛ shika ni akɛyake kɛha Asafo lɛ jeŋ muu fɛɛ nitsumɔ lɛ sɛɛfimɔ kɛ nɔ ni akɛha yɛ Maŋtsɛyeli Asa Tsumaa Shika lɛ hu he lɛ fɛɛ atsɔɔ. Agbɛnɛ hu, atsɔɔ hiɛsɔɔ yɛ yelikɛbuamɔ ni asafo lɛ kɛhaa yɛ shika gbɛfaŋ lɛ he. Awo mɛi fɛɛ hewalɛ ni amɛya nɔ amɛjɛ amɛsuɔmɔ mli amɛye too ni amɛkɛfi Asafo Maŋtsɛyeli Asa Tsumaa Shika lɛ sɛɛ.
20 min: “Ogbɛfaŋnɔ yɛ Tsumaa Kɛha Wɔsɛɛ lɛ Mli.” Sanebimɔi kɛ hetoi ni akɛbaatsu nɔ ni aŋma ahɔ mli lɛ mli sane lɛ he nii. Ajie nyɛmimɛi lɛ ayi yɛ amɛsuɔmɔ mli ni amɛjɛɔ amɛyeɔ too kɛhaa Asafo Maŋtsɛyeli Asa Tsumaa Shika lɛ kɛ sɛɛfimɔ ni amɛteŋ mɛi komɛi kɛhaa nyɛ asafo lɛ kɛtsɔ amɛshiai ni amɛkɛha koni kuui akpe yɛ jɛmɛ yɛ nɛkɛ jaramɔ bei nɛɛ amli lɛ he.
17 min: “Biblia Kaselɔi ni Wɔɔtsɔɔ Amɛ Gbɛ Kɛba Yehowa Gbɛjianɔtoo lɛ Mli.” Sanebimɔ-kɛ-hetoo ni akɛbaasusu he. Kɛ aasusu kuku 3 he lɛ, aha shiɛlɔ ni he esa afee bɔ ni abaanyɛ awo nikaselɔ lɛ hewalɛ ni eba asafoŋ kpeei lɛ he nɔkwɛmɔ nɔ, ni ekɛ sane pɔtɛɛ ni yɔɔ Nyɔŋmɔ Suɔmɔnaa Nii wolo bibioo lɛ baafai 14 kɛ 15 lɛ atsu nii.
Lala 36 kɛ naagbee sɔlemɔ.
OTSI NI JI ETƐ
8 min: Asafoŋ adafitswai kɛ Teokrase lɛ He Saji.
5 min: “Sanekpakpa lɛ Kɛhamɔ—Kɛtsɔ Sɔlemɔ Nɔ.” Wiemɔ ni kanyaa mɔ ni henumɔ yɔɔ mli. Ama bɔ ni ehe hiaa ni asɔle kɛha Nyɔŋmɔ gbɛtsɔɔmɔ kɛ ejɔɔmɔ yɛ wɔsɔɔmɔ nitsumɔ lɛ mli lɛ nɔ mi.
22 min: Fɔlɔi, Nyɛkawoa Nyɛbii lɛ Amlifu. Wiemɔ kɛ nɔkwɛmɔ nɔ ni damɔ Awake! ni je kpo January 22, 1990 lɛ baafai 16 kɛ 17, kɛ yitsei bibii ni ji ‘Ni Ooowo Obi lɛ Hewalɛ ni Etsɔɔ Ejwɛŋmɔ’ kɛ ‘Obalaŋtai Ahiamɔ Nii ni Aaanu Shishi’ ni yɔɔ Family Life wolo lɛ yitso 11 mli lɛ nɔ. Ama bɔ ni ehe hiaa ni fɔlɔi lɛ anu amɛbii lɛ ateŋ mɔ fɛɛ mɔ shishi ni amɛye amɛbua amɛ ni amɛdara yɛ mumɔŋ kɛ gbɛi krokomɛi anɔ lɛ nɔ mi. Kɛ agbe Biblia nikasemɔ naa lɛ, afee bɔ ni fɔlɔ ko jieɔ ebii ayi yɛ amɛmɔdɛŋbɔɔ he lɛ he nɔkwɛmɔ nɔ. Atsɔɔ miishɛɛ ni ayɔɔ yɛ amɛskul nitsumɔi ahe lɛ kɛtsɔ ekaa ni awoɔ amɛ kɛ yelikɛbuamɔ ni akɛaaha amɛ yɛ hei ni amɛnaa naagbai yɛ lɛ nɔ. Sɛinɔtalɔ lɛ ama bɔ ni ehe hiaa ni aha gbekɛbii lɛ ahe jwɛŋmɔ aka tsui nɔ be fɛɛ be lɛ nɔ mi ni ekɛmu wiemɔ lɛ naa.
Lala 183 kɛ naagbee sɔlemɔ.
OTSI NI JI EJWƐ
Lala 161
5 min: Asafoŋ adafitswai.
25 min: “‘Sanekpakpa lɛ He ni Wɔɔfa yɛ Mla Naa.’” Akɛ sanebimɔi kɛ hetoi asusu he. Akane ŋmalɛi ni atsɛ lɛ fɛɛ ni atsɔɔ bɔ ni ekɔɔ he. Akane kukuji otii lɛ amli kɛ be baaŋmɛ gbɛ.
15 min: “Ni Wɔɔŋmɛ Wɔtsui Shi yɛ Wala Hewɔ.” Wiemɔ ni damɔ Our Ministry wolo lɛ yitso 14 nɔ. Amamɔ yitsei bibii enyɔ ni yɔɔ naagbee lɛ anɔ mi waa.
Lala 113 kɛ naagbee sɔlemɔ.
OTSI NI JI ENUMƆ.
Lala 197
10 min: Asafoŋ adafitswai. Ama wolo ni akɛhaa yɛ January mli lɛ nɔ mi. Mɛɛ otii kɛha sanegbaa ni jɛ Obaanyɛ Ohi Shi Kɛya Naanɔ loo Bible Stories woji lɛ amli wɔbaanyɛ wɔkɛtsu nii jogbaŋŋ yɛ wɔshikpɔŋkuku lɛ mli? Awo mɛi fɛɛ hewalɛ ni amɛsaa amɛhe ni amɛkɛ amɛhe awo woji nɛɛ kɛhamɔ mli.
18 min: Hejɔɔmɔ Gbi nɔ Odaseyeli. Afee nɔkwɛmɔ nii etɛ ni asaa he jogbaŋŋ yɛ mli ni miitsɔɔ sɛɛnamɔ diɛŋtsɛ ni yɔɔ Reasoning wolo lɛ he kɛ bɔ ni akɛtsuɔ nii ahaa. Awie bɔ ni ehe hiaa ni asaa he koni anyɛ akpee shitee-kɛ-woi anaa ni anyɛ aha saji ni akɛ anɔkwayeli biɔ yɛ hejɔɔmɔ gbii pɔtɛɛ komɛi ahe lɛ hetoo lɛ he kuku. (bf. 176-82) Afee bɔ ni akɛ sane ni yɔɔ (1) “Date of the celebration” shishi yɛ baafai 176-7; (2) “Is there any objection to sharing in celebrations that may have unchristian roots as long as it is not done for religious reasons?” ni yɔɔ baafai 178-9; kɛ (3) “Are New Year’s celebrations objectionable for Christians” ni yɔɔ baafa 180 lɛ tsuɔ nii ahaa lɛ he nɔkwɛmɔ nɔ. Akɛ shihilɛi sɔrɔtoi atsu nii yɛ nɔkwɛmɔ nii lɛ eko fɛɛ eko mli.
17 min: Wɔhiɛ ni Aaasɔ Wɔ Asafoŋ Sɔɔlɔi Lɛ. Abibii nyɛmimɛi hii ni kwɛɔ wiemɔ kpoku lɛ kɛ tsɔne ni awieɔ awoɔ mli, shika he akɔntaabuu nɔ, woji wuji, woji tɛtrɛbii, kɛ shitaramɔ nɔ lɛ saji. Atsɔɔ amɛnitsumɔi pɔtɛɛ lɛ amli kɛ bɔ ni shiɛlɔi baafee ni amɛkɛ amɛ afee ekome koni no aha amɛnitsumɔ lɛ afee nɔ ni yɔɔ miishɛɛ lɛ mli. Aha ekɔ nyɛ asafo lɛ hiamɔ nii ahe.
Lala 8 kɛ naagbee sɔlemɔ.