Sɔɔmɔ Kpeei Kɛha July
Otsi Ni Jeɔ Shishi July 6
10 min: Asafoŋ adafitswai kɛ Adafitswai ni sa ni ahala kɛjɛ Wɔ Maŋtsɛyeli Sɔɔmɔ lɛ mli. Kɛji be baaŋmɛ gbɛ lɛ, aha daa gbɛgbalɔi loo gbɛgbalɔi awalɔi enyɔ awie hiɛkpamɔ wiemɔi ni amɛna akɛ emɔɔ shi jogbaŋŋ yɛ nyɛshikpɔŋkuku lɛ mli lɛ ahe.
15 min: “Bɔ ni Ehe Hiaa ni Adesai Atao Nyɔŋmɔ Sɛɛ Gbɛ.” Sanebimɔi kɛ hetoi. Awo nyɛmimɛi lɛ ekaa kɛha wɔshiɛmɔ nitsumɔ lɛ yɛ nyɔŋ nɛɛ nɔ. Atsɔɔ bɔ ni wolo lɛ baanyɛ aye abua mɛi ni yɔɔ jamɔi sɔrɔtoi amli yɛ nyɛshikpɔŋkuku lɛ mli lɛ fɛɛ.
20 min: “Mankind’s Search for God Wolo lɛ Kɛhamɔ.” Asusu ŋaawoi ni akɛha yɛ sane lɛ mli lɛ ahe, ni afee ekomɛi ahe nɔkwɛmɔ nii. Yɛ nɔkwɛmɔ nii lɛ ekome mli lɛ, atsɔɔ bɔ ni akɛ gbɛ tɛɛ tsuɔ nii ni akɛjeɔ Biblia mli nikasemɔ shishi. Agbɛnɛ hu, atsɔɔ bɔ ni abaanyɛ akɛ gbɛi nyɔŋma ni atsɔɔ nɔ ayooɔ anɔkwa jamɔ, ni yɔɔ wolo lɛ baafa 377 lɛ atsu nii jogbaŋŋ kɛmɔ shi.
Lala 225 kɛ naagbee sɔlemɔ.
Otsi ni Jeɔ Shishi July 13
10 min: Adafitswai. Ati June shiɛmɔ he akɔntaabuu lɛ mli otii amli. Atsɔɔ gbɛfaŋnɔ ni nyɛ asafo lɛ na yɛ June shiɛmɔ he akɔntaabuu lɛ mli. Akɛ shika he akɔntaabuu hu afata he. Ajie asafo lɛ yi yɛ nii ni amɛtsu yɛ shiɛmɔ mli kɛ bɔ ni amɛjɛɔ suɔmɔ mli amɛkɛ shika fiɔ asafo lɛ sɛɛ lɛ hu he.
20 min: “Ani Okɛ Ohe Baawo Trukaa Odaseyeli Mli yɛ Hegbɛ Fɛɛ Hegbɛ ni Sa Mli?” Asusu otii ni yɔɔ sane lɛ mli lɛ ahe ni afee he nɔkwɛmɔ nɔ. Ama anɔkwale ni eji akɛ wɔji Yehowa Odasefoi yɛ bei fɛɛ mli, no hewɔ lɛ wɔmiisumɔ ni wɔtao hegbɛi ni wɔkɛye odase lɛ nɔ mi. Atsɔ hiɛ asaa he kɛha niiashikpamɔi kukuji enyɔ ni tsɔɔ bɔ ni aŋkroaŋkroi kɛ amɛhe wo trukaa odaseyeli mli ni ewo yibii kpakpai, aloo bɔ ni mɔ ko ni eba asafo lɛ mli lɛ bana anɔkwale lɛ he miishɛɛ kɛtsɔ trukaa odaseyeli nɔ.
15 min: Biblia mli saji ahe sanegbaa kɛ nɔkwɛmɔ nii, kɛ Mankind’s Search for God wolo lɛ kɛhamɔ, kɛtsɔ Yesaia 55:6, 7 kɛ Bɔfoi 17:26, 27 kɛ nitsumɔ nɔ. Atsɔɔ bɔ ni mɛi heei kɛ gbekɛbii baanyɛ amɛkɛ wiemɔ kuku atsu nii, kɛtsɔ Yesaia 55:6, 7 pɛ kɛ nitsumɔ nɔ.
Lala 154 kɛ naagbee sɔlemɔ.
Otsi ni Jeɔ Shishi July 20
Lala 173
5 min: Adafitswai. Teokrase lɛ He Saji. Kɛ ji aawie he lɛ, akɛ Korea kɛ Nigeria amrɔ nɛɛ akɔntaabuu lɛ ato nakai maji enyɔ lɛ ahe saji kɛha 1986 sɔɔmɔ afi lɛ, taakɛ wɔnaa yɛ sɔɔmɔ afi akɔntaabuu ni je kpo yɛ 1987 Yearbook lɛ mli lɛ he.
20 min: “Gbɛgbamɔ—Eji Suɔmɔ Kpojiemɔ.” Sanebimɔi kɛ hetoi. Kɛji asusu kukuji 3 kɛ 4 he agbe naa lɛ, abibii daa gbɛgbalɔi etɛ saji, (aloo shiɛlɔi ni feɔ gbɛgbalɔi awalɔi daa loo yɛ be kɛ bei amli) , ni akɛ obalaŋta daa gbɛgbalɔ kome ni je gbɛgbamɔ shishi beni egbe skul naa nɔŋŋ lɛ afata he, kɛji abaana mɔ ko nakai. Abi bɔ ni amɛfee amɛto amɛnibii ahe gbɛjianɔ ni amɛfee gbɛgbalɔi, nɔ ni kanya amɛ ni amɛfee nakai, heloonaa nibii ni he bahia akɛ amɛkɛsha afɔle, kɛ jɔɔmɔi ni amɛna beni amɛsɔmɔɔ akɛ daa gbɛgbalɔi lɛ.
20 min: “Sɛɛkuu kɛ Yiŋtoo Akɛ Aaaje Biblia Kasemɔ Shishi.” Sanegbaa kɛ nɔkwɛmɔ nii. Afee Biblia mli sanegbaa ni atsɔɔ yɛ kuku 3 lɛ he nɔkwɛmɔ nɔ. Akɛ kukuji 17-20, yɛ Mankind’s Search for God wolo lɛ baafai 372-5 lɛ atsu nii akɛ nɔdaamɔ nɔ kɛha Biblia mli nikasemɔ shishijee.
Lala 135 kɛ naagbee sɔlemɔ.
Otsi ni Jeɔ Shishi July 27
20 min: Adafitswai. Afee nɔkwɛmɔ nii kukuji enyɔ ni miitsɔɔ bɔ ni aaafee ana Ŋmalɛ mli sanegbaa beni akɛ woji tɛtrɛbii haa yɛ shiɛmɔ mli yɛ otsi nɛɛ naagbee.
20 min: ‘Bɔfoi lɛ Asɛɛyeli.’ Sɔɔmɔ nɔkwɛlɔ lɛ baafata gbɛgbalɔ ko he kɛya sɛɛsaramɔ yɛ mɔ ko ni bi sane ni nyiɛ sɛɛ lɛ ŋɔɔ: ‘Ani paapa lɛ jeee bɔfo Petro sɛɛyelɔ?’ Aha sanegbaa lɛ adamɔ Reasoning wolo lɛ baafa 37 kɛyashi klɛŋklɛŋ yitso ni yɔɔ baafa 39 lɛ nɔ.
15 min: “Mɛni Hewɔ Esa akɛ Oha Aŋma Ogbalashihilɛ Awo Woji Amli? Onukpai asɛinɔtalɔ lɛ aloo onukpa kroko ni yɔɔ niiashikpamɔ kɛ toibolɔi baasusu sane lɛ he. Ama bɔ ni ehe hiaa ni abo “Kaisare” toi yɛ enɛ mli lɛ nɔ mi.
Lala 167 kɛ naagbee sɔlemɔ.