Sɔɔmɔ Kpeei Kɛha September
Otsi ni Jeɔ Shishi September 5
10 min: Asafoŋ adafitswai kɛ Adafitswai ni sa ni jɛ Wɔ Maŋtsɛyeli Sɔɔmɔ lɛ mli.
20 min: “Lɛɛmɔ Ojwetri ni Ji Maŋtsɛyeli Sɔɔmɔ lɛ Mli.” Sɔɔmɔ nɔkwɛlɔ lɛ kɛ onukpa kroko baasusu sane lɛ mli otii lɛ ahe. Atĩ asafo lɛ nitsumɔ kɛha afi ni ho lɛ mli, ni akɛ yijiemɔ kɛ ŋaawoo fɛɛ aha kɛha hiɛyaa. Ama oti ni ji wɔgbɛfaŋnɔ yɛ sɔɔmɔ nitsumɔ lɛ mli ni wɔɔha eya hiɛ lɛ nɔ mi.
15 min: “Teemɔ Miishɛɛ Shi yɛ Obaanyɛ Ohi Shi Wolo lɛ He.” Shiɛlɔi etɛ loo ejwɛ, amɛteŋ mɔ kome lɛ, obalaŋta, asusu sane lɛ he, koni no sɛɛ lɛ amɛka efeemɔ amɛkwɛ. Amɛfee nɔkwɛmɔ nii enyɔ loo etɛ koni no sɛɛ lɛ amɛsusu he, ni amɛkɛ ŋaawoi ni abaanyɛ akɛtsu nii kɛ yijiemɔ aha amɛhe.
Lala 32 kɛ naagbee sɔlemɔ.
Otsi ni Jeɔ Shishi September 12
5 min: Asafoŋ adafitswai.
15 min: Kristofoi Ajeŋba yɛ Skul. Sanegbaa ni baaya nɔ yɛ onukpa kɛ obalaŋtai etɛ loo ejwɛ ni nako afii nyɔŋmai enyɔ lɛ ateŋ. Wɔ obalaŋtai lɛ kɛ nɔnyɛɛi sɔrɔtoi abɔ kpeɔ yɛ skul, koni amɛŋmɛɛ bulɛ ni amɛyɔɔ kɛha Biblia shishitoo mlai lɛ ahe ni akɛsaa. Enɛɛmɛi ateŋ babaoo jɛɔ nifeemɔi ni kɔɔɔ skul tsũ mli nitsumɔi ahe lɛ mli. Kpɔiaŋgbɔlemɔ, hii kɛ yei anyiɛmɔ, kɛ hiɛtserɛjiemɔ henaabuamɔi yɛ oshara waa. Onukpai lɛ kɛ obalaŋtai lɛ baasusu ‘Skul Sɛɛ Nitsumɔi Krokomɛi’ ahe, kɛtsɔ Skul wolo bibioo lɛ baafa 22-5 kɛ nitsumɔ nɔ. Obalaŋtai lɛ wie wiemɔi ni tsɔɔ akɛ amɛkɛ shihilɛ ni nyɛɔ amɛnɔ ni amɛkɛ amɛhe awo nibii nɛɛ amli kpeɔ, no hewɔ lɛ amɛhiɛ esɔ ŋaawoo ni akɛha amɛ lɛ waa.
15 min: Sanebimɔ He. Sanebimɔ-kɛ-hetoo ni akɛaasusu he. Yɛ sanegbaa lɛ sɛɛ lɛ, asaa atĩ otii lɛ amli ekoŋŋ koni akwɛ akɛ mɔ fɛɛ mɔ enu sane lɛ shishi jogbaŋŋ.
15 min: “Amɛkpaaa Odaseyeli.” Sanebimɔi kɛ hetooi. Ama oti nɛɛ nɔ mi akɛ, eyɛ mli akɛ wɔ fɛɛ wɔnyɛŋ wɔye be kometoo lɛ nɔŋŋ yɛ sɔɔmɔ nitsumɔ lɛ mli moŋ, shi esa akɛ wɔna miishɛɛ ni wɔbɔ mɔdɛŋ ni wɔkɛ wɔsusuma fɛɛ atsu.
Lala 60 kɛ naagbee sɔlemɔ.
Otsi ni Jeɔ Shishi September 19
10 min: Asafoŋ adafitswai. Akane shika he akɔntaabuu kɛ nɔ ni akɛmaje kɛke lɛ ahe saji atsɔɔ.
15 min: “Sɛɛkuu kɛ Skulyaa Ekoŋŋ.” Sanebimɔi kɛ hetooi. Amamɔ naagbai ni obalaŋtai kɛkpeɔ kɛ bɔ ni fɔlɔi baanyɛ aye abua amɛbii amɛha lɛ anɔ mi.
20 min: “Obaanyɛ Ohi Shi Wolo lɛ ni Akɛaaje Biblia Mli Nikasemɔ Shishi.” Akɛ toibolɔi agba sane. Ato gbɛjianɔ ni akɛ shiɛmɔ wiemɔi ni atsɔɔ lɛ afee nɔkwɛmɔ nii enyɔ.
Lala 67 kɛ naagbee sɔlemɔ.
Otsi ni Jeɔ Shishi September 26
10 min: Asafoŋ adafitswai. Afɔ̃ toibolɔi anine ni amɛgba niiashikpamɔi ni amɛna yɛ Obaanyɛ Ohi Shi wolo lɛ kɛhamɔ, loo ekɛ nikasemɔ shishijee mli lɛ amɛtsɔɔ.
15 min: Akɛ saneyitso ni ji “Ani Eji Juu Lɛlɛŋ?” ni jɛ April 15, 1994 Buu-Mɔɔ baafa 19-21 lɛ aha wiemɔ.
20 min: Buu-Mɔɔ kɛ Awake! lɛ ni Wɔɔha Mɛi Ashɛ yɛ October Mli. Wɔ woji tɛtrɛbii lɛ tsuɔ gbɛfaŋnɔ titri yɛ wɔ jeŋ muu fɛɛ shiɛmɔ nitsumɔ lɛ mli; enɛ ji gbɛ ni mɛi akpekpei abɔ tsɔ nɔ amɛnu anɔkwale lɛ klɛŋklɛŋ kwraa. Ama bɔ ni ehe hiaa ni akɛtsu nii daa ni wɔha mɛi hegbɛ ni amɛshɛ, beni wɔtsuɔ nii yɛ shia-kɛ-shia lɛ nɔ mi. Atsĩ sɛɛnamɔi ni jɛɔ daa otsi Woji Tɛtrɛbii Agbi lɛ mli baa lɛ tã. Asusu bɔ ni gbɛjegbɛ he nitsumɔ kɛ shwapoi anaa odaseyeli gbeleɔ hegbɛi pii anaa kɛhaa woji lɛ kɛhamɔ, kɛ eshɛɛ hu lɛ he. Akai nyɛmimɛi lɛ ni amɛŋmala mɛi ni heɔ woji tɛtrɛbii lɛ eko lɛ ahe saji, kɛ oti akɛ amɛaafee mɛi ni heɔ woji tɛtrɛbii lɛ daa. Atsɔɔ mli jogbaŋŋ akɛ abaanyɛ akɛ hegbɛ aha kɛha eshɛɛ yɛ sɛɛsaramɔ feemɔ mli, kɛ agbɛnɛ yɛ shia Biblia mli nikasemɔi hu mli. Ama bɔ ni ehe hiaa ni asaa he jogbaŋŋ dani aje kpo kɛya lɛ nɔ mi. Aha shiɛlɔi etɛ, ní amɛteŋ mɔ ko ji obalaŋta, afee woji tɛtrɛbii ni akɛaaha ni ashɛ lɛ he nɔkwɛmɔ nɔ.
Lala 76 kɛ naagbee sɔlemɔ.