Sɔɔmɔ Kpeei Kɛha September
Otsi ni Jeɔ Shishi November 7
10 min: Asafoŋ adafitswai kɛ adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Tsii wiemɔ oti kome loo enyɔ ta otsɔɔ yɛ woji tɛtrɛbii heei lɛ eko fɛɛ eko mli ni abaanyɛ akɛtsu nii yɛ ekɛhamɔ mli.
18 min: “Nyɔŋmɔ Wiemɔ lɛ Yɛ Hewalɛ.” Sanebimɔi kɛ hetooi. Okɛ saji ni damɔ Ŋmalɛi lɛ Amli ni Wɔɔkwɛ Daa—1994 lɛ hiɛkpamɔ wiemɔ nɔ lɛ ni tsɔɔ bɔ ni ehe hiaa ni akane Biblia lɛ daa afata he.
17 min: “Biblia lɛ—Miishɛjemɔ kɛ Hiɛnɔkamɔ Jɛɛhe yɛ Jeŋ ni Ehao Mli.” Okɛ toibolɔi agba sane. Too gbɛjianɔ ni afee bɔ ni akɛ shiɛmɔ wiemɔi ni atsɔɔ lɛ baatsu nii aha lɛ he nɔkwɛmɔ nii enyɔ.
Lala 24 kɛ naagbee sɔlemɔ.
Otsi ni Jeɔ Shishi November 14
10 min: Asafoŋ adafitswai. Kanemɔ shika akɔntabuu he amaniɛbɔɔ kɛ shika fɛɛ ni akɛke ni akpɛlɛ nɔ lɛ otsɔɔ. Tii gbɛjianɔ ni ato kɛha shiɛmɔyaa yɛ otsi lɛ mli lɛ mli.
17 min: “Mɛɛ Mumɔ Ojieɔ lɛ Kpo Otsɔɔ?” Wiemɔ. Okɛ saji ni jɛ June 15, 1977, Buu-Mɔɔ ni je kpo lɛ baafa 359, kukuji 4 kɛ 5 lɛ afata he.
18 min: “Gbɛi ni Wɔɔtsɔ nɔ Wɔha Wɔ Maŋtsɛyeli Shiɛmɔ Aya Hiɛ.” Sanebimɔi kɛ hetooi. Fɔɔ nine otsɛ toibolɔi ni amɛgba niiashikpamɔi ni tsɔɔ bɔ ni akɛ ŋaawoi ni akɛha yɛ Wɔ Maŋtsɛyeli Sɔɔmɔ mli lɛ etsu nii ni ewo yibii kpakpai eha lɛ he sane.
Lala 37 kɛ naagbee sɔlemɔ.
Otsi ni Jeɔ Shishi November 21
10 min: Asafoŋ adafitswai. Sanebimɔ He. Wiemɔ. Aha ekɛ nitsumɔ akɔ asafo lɛ he.
20 min: “1994 ‘Nyɔŋmɔ Gbeyeishemɔ’ Kpokpaa Wulu nɔ Kpee.” Nɔ ni hɔ mli. Wiemɔ kɛ sanegbaa ni damɔ kukuji 1-11 ni onukpa ko baatsu he nii lɛ nɔ. Gbalamɔ jwɛŋmɔ krɛdɛɛ kɛya “Kpokpaa Wulu nɔ Kpee He Kaimɔi” lɛ nɔ.
15 min: “Ye Obua Amɛ ni Amɛbo Toi ‘Be Kroko Hu.’ ” Okɛ toibolɔi agba sane. Ha afee nɔkwɛmɔ nii ni asaa he jogbaŋŋ yɛ mli ni tsɔɔ bɔ ni abaanyɛ akɛ Biblia lɛ atsu nii be mli ni ajeɔ nikasemɔ shishi.
Lala 52 kɛ naagbee sɔlemɔ.
Otsi ni Jeɔ Shishi November 28
5 min: Asafoŋ adafitswai.
10 min: “Jɔɔmɔi ni Jɛɔ Mɛi Krokomɛi Kɛ Nitsumɔ Mli Baa.” Wiemɔ. Wo mɛi fɛɛ hewalɛ ni afi Kpeei kɛha shiɛmɔyaa ni asafo lɛ toɔ he gbɛjianɔ lɛ sɛɛ, fe ni mɛi lɛ aaato gbɛjianɔ be fɛɛ be ni amɛ diɛŋtsɛ amɛya. Kuu lɛ ni akɛbaatsu nii lɛ kɛ jɔɔmɔi babaoo, sɔɔmɔ ni mɔɔ shi jogbaŋŋ, kɛ mɔ fɛɛ mɔ hewalɛwoo baa.
20 min: “1994 ‘Nyɔŋmɔ Gbeyeishemɔ’ Kpokpaa Wulu nɔ Kpee.” Nɔ ni hɔ mli. Wiemɔ ni asafo lɛ woloŋmalɔ lɛ baatsu he nii ni damɔ kukuji 12-24 nɔ.
10 min: Gbɔmɔ ni Fe Fɛɛ Wolo lɛ ni Akɛbaaha yɛ December. Mɛi pii miitao wolo nɛɛ waa diɛŋtsɛ. Mɛi akpekpei ohai abɔ tsɛɔ amɛhe Yesu sɛɛnyiɛlɔi ni amɛkɛɔ akɛ amɛheɔ nɔ ni etsɔɔ lɛ amɛyeɔ. Ehe miihia ni mɛi ale nɔ ni haa esoroɔ [Meaning: what distinguished Jesus] lɛ yɛ gbɔmɛi krokomɛi fɛɛ he lɛ—amɛwala damɔ enɔ. Gbɔmɔ ni Fe Fɛɛ wolo lɛ yitso 133 lɛ kɛɛ: “Kɛ wɔsusu eheshibaa kɛ nuufeemɔ, enilee ni mɔ ko kɛ lɛ yeee egbɔ, enyɛmɔ ni yeɔ emuu akɛ tsɔɔlɔ, ehiɛnyiɛmɔ ni gbeyeishemɔ bɛ mli, kɛ emlihilɛ kɛ niiahenumɔ ni suɔmɔ yɔɔ mli lɛ he lɛ, etsirɛɔ wɔ ni ekanyaa wɔtsuii waa diɛŋtsɛ.” Biblia lɛ yɔseɔ lɛ yɛ faŋŋ mli akɛ (1) Odasefonyo (Yoh. 18:37), (2) Yiwalaherelɔ (Bɔf. 4:12), kɛ (3) Maŋtsɛ (Kpoj. 11:15). Ha shiɛlɔ ni he esa afee shiɛmɔ wiemɔ he nɔkwɛmɔ nɔ be mli ni ekɛ otii nɛɛ ekomɛi tsuɔ he nii. Wo mɛi fɛɛ hewalɛ koni amɛkɛ amɛhe awo wolo nɛɛ kɛhamɔ mli yɛ December.
Lala 61 kɛ naagbee sɔlemɔ.