Sɔɔmɔ Kpeei Kɛha September
Otsi ni Jeɔ Shishi September 2
12 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. May Sɔɔmɔ Akɔntaabuu. Gbalamɔ jwɛŋmɔ kɛya yifalɛ heei lɛ kɛ bɔ ni ehe hiaa ni be fɛɛ be lɛ abu shiɛmɔ nitsumɔ he akɔntaa amrɔ nɔŋŋ lɛ nɔ. Wo mɔ fɛɛ mɔ hewalɛ, titri lɛ Asafo Woloŋ Nikasemɔ nɔkwɛlɔi lɛ, koni etĩ October 1992 Wɔ Maŋtsɛyeli Sɔɔmɔ lɛ mli sane ni yitso ji “Gbɔmɔ ni Fe Mɔ Fɛɛ Mɔ ni Ehi Shi Pɛŋ Wolo lɛ Kasemɔ” lɛ mli. Maa nikasemɔ lɛ mli saji otii lɛ anɔ mi.
15 min: “Nyiɛmɔ yɛ Hemɔkɛyeli Naa.” Sanebimɔi kɛ Hetooi.
18 min: “Ní Aaashiɛ Sanekpakpa lɛ kɛ Jwɛŋmɔ Kpakpa.” Okɛ saji ni damɔ kuku 1 lɛ nɔ lɛ aje shishi. Tsɔɔmɔ mli akɛ abaanyɛ akɛ Weku Shihilɛ wolo lɛ atsu nii yɛ Creation wolo lɛ kɛhamɔ lɛ najiaŋ. No sɛɛ lɛ, asusu sane lɛ mli kukuji 2-5 lɛ pɛ he. Ha afee shiɛmɔ wiemɔi ni asaa he jogbaŋŋ yɛ mli ni tsɔɔ bɔ ni aaafee akɛ Creation wolo lɛ aha, ni afee sɛɛsaramɔ, ni akɛ Nilee wolo lɛ aje nikasemɔ shishi lɛ he nɔkwɛmɔ nii.
Lala 48 kɛ naagbee sɔlemɔ.
Otsi ni Jeɔ Shishi September 9
12 min: Asafoŋ adafitswai. Shika he akɔntaabuu. Asusu “Shiɛmɔ Maŋtsɛyeli Sane Lɛ” he.
18 min: Atĩ Asafo lɛ 1996 Sɔɔmɔ Afi lɛ Akɔntaabuu lɛ mli. Wiemɔ ni tswaa mɔ emaa shi ni sɔɔmɔ nɔkwɛlɔ lɛ kɛ ekãa baaha. (Kwɛmɔ Our Ministry wolo lɛ baafa 100-2 lɛ mli.) Tsɔɔmɔ he ni asafo lɛ bɔ mɔdɛŋ yɛ, ni ojie amɛyi. Tsɔɔmɔ bɔ ni daa gbɛgbalɔi kɛ gbɛgbalɔi awalɔi anitsumɔ lɛ etsu babaoo kɛ́ye ebua ni akɛha nitsumɔ lɛ etee hiɛ yɛ he ni nyɛ asafo lɛ yɔɔ lɛ. Tsɔɔmɔ mɛi ni baa kpee lɛ ayibɔi, ni oma bɔ ni ehe hiaa ni aba daa lɛ nɔ mi. Tsɔɔmɔ otii ni abaanyɛ akɛtsu nii ni asafo lɛ baanyɛ abɔ mɔdɛŋ ni amɛkɛma amɛhiɛ yɛ afi ni baa lɛ mli.
15 min: “Ní Aaashiɛ Sanekpakpa lɛ kɛ Jwɛŋmɔ Kpakpa.” Atĩ kukuji 6-8 lɛ pɛ mli, ni afee klɛŋklɛŋ saramɔ kɛ sɛɛsaramɔ yɛ shwapoi anaa shiɛmɔ wiemɔi ahe nɔkwɛmɔ nii. Wo mɔ fɛɛ mɔ hewalɛ ni amɛfee amɛ sɛɛsaramɔi amrɔ nɔŋŋ.
Lala 123 kɛ naagbee sɔlemɔ.
Otsi ni Jeɔ Shishi September 16
15 min: Asafoŋ adafitswai. Tsɔɔmɔ yibiiwoi kpakpai ni jɛɔ Jehovah’s Witnesses—The Organization Behind the Name video ni akɛtsuɔ nii lɛ mli kɛbaa lɛ ni akɛgbala mɛi ni yɔɔ wiemɔ lɛ he miishɛɛ lɛ ajwɛŋmɔ kɛba asafo lɛ nɔ. Gbaa niiashikpamɔ kome loo enyɔ ni jɛ October 1, 1992 Buu-Mɔɔ lɛ baafa 30-1 lɛ he sane kuku.
15 min: “Feemɔ Nɔkwɛmɔ Nɔ Kpakpa yɛ Wiemɔ kɛ Jeŋba Mli.” Sanebimɔi kɛ hetooi.
15 min: Kristofoi Ajeŋba yɛ Skul. Tsɛ lɛ kɛ ebinuu loo ebiyoo lɛ awie koni bi lɛ atsɔɔ osharai ni hiɛdɔɔ yɔɔ mli ni yaa nɔ yɛ skul lɛ mli lɛ; ema bɔ ni ehe hiaa ni ekwɛ ehe nɔ jogbaŋŋ yɛ naanyobɔɔ he ni ekwa nifeemɔi ni ehiii lɛ nɔ mi. Etĩ adeka ni afee yɛ Wolo-Kasemɔ wolo bibioo lɛ baafa 24 lɛ mli saji lɛ amli, ni etsɔɔ bɔ ni ehe hiaa ni efee nɔkwɛmɔ nɔ kpakpa akɛ Odasefonyo. Tsɛ lɛ atsɔɔ kaai komɛi ni jɛɔ tsofai fɔji kɛ nitsumɔ, nuu kɛ yoo teŋ naanyobɔɔ gbagbalii, henaabuamɔi ni ayaa, loo kpɔiaŋgbɔlemɔ ni akɛ he woɔ mli kɛbaa lɛ; amɛsusu bɔ ni abaafee akwa naagbai lɛ ahe. Tsɛ lɛ awo gbekɛ lɛ hewalɛ ni ekashashao shi ákɛ ekɛ lɛ aaagba teemɔŋ saji beni ekɛ naagbai miikpe—eesumɔ ni ele koni eye ebua.
Lala 32 kɛ naagbee sɔlemɔ.
Otsi ni Jeɔ Shishi September 23
12 min: Asafoŋ adafitswai. “Nyɛhiɛa Ekomefeemɔ Mli Akɛ Kristofoi ni kɛ Amɛhe Wooo Maŋ Saji Amli.” Wiemɔ ni damɔ October 1992 Wɔ Maŋtsɛyeli Sɔɔmɔ lɛ baafa 7 lɛ mli sane nɔ lɛ ni onukpa baatsu he nii. Wiemɔ otii ni nyiɛ sɛɛ nɛɛ ahe: Anɔkwa Kristofoi jɛɛɛ je lɛ mli. (Yak. 1:27; Yoh. 17:16) Nɔ ni maŋ saji ni akɛ he wooo mli lɛ tsɔɔ. (Reasoning, bf. 269) Yɛ be mli ni anɔkwa Kristofoi ewieee amɛshiii nɔ ni mɛi krokomɛi feɔ lɛ, amɛhaaa afɔ̃ oshiki aha amɛ loo ni amɛaafɔ̃ amɛha mɛi krokomɛi kɛha maŋkwramɔ mli nitsumɔ. Amɛkɛ amɛhe wooo maŋkwramɔŋ gbɛjianɔtoi amli. (Yoh. 6:15; 18:36) Nɔ hewɔ ni amɛkɔ shidaamɔ nɛɛ. (1 Yoh. 5:19; Yak. 4:4.) Shi kɛlɛ, amɛyeɔ amɛbuaa akutso lɛ yɛ gbɛ ni ja nɔ kɛtsɔ toowoo, amɛhe ni amɛkɛwoɔ maŋsaamɔ nitsumɔi amli, kɛ jeŋba kpakpa ni amɛhiɛɔ mli yɛ he fɛɛ he ni amɛyɔɔ lɛ nɔ. Anɔkwa Kristofoi kɛ amɛhiɛnɔkamɔ fɔ̃ɔ Nyɔŋmɔ Maŋtsɛyeli lɛ nɔ. (Dan. 2:44; Kpoj. 21:3-5) No hewɔ lɛ, amɛkɛ amɛbe kɛ hewalɛ tsuɔ nii kɛyeɔ kɛbuaa amɛnanemɛi ní amɛnyiɛ wala gbɛ lɛ nɔ. (1 Tim. 4:8; Yoh. 3:16) Nɛkɛ wala gbɛ nɛɛ haa Kristofoi feɔ ekome daa ni amɛkɛ amɛhe wooo maŋ saji amli yɛ jeŋ ni mli egbala nɛɛ mli.—1 Kor. 1:10; 1 Pet. 4:8.
13 min: Asafoŋ hiamɔ nii. Aloo wiemɔ ni damɔ “Kwɛmɔ Nii Kɛteke Nibii ni Onaa Lɛ!” nɔ lɛ ni yɔɔ February 15, 1996 Buu-Mɔɔ lɛ baafa 27-9.
20 min: “Shiɛmɔ Sanekpakpa lɛ yɛ He Fɛɛ He.” Sanebimɔi kɛ hetooi. Asusu kukuji 1-15 lɛ pɛ he. Kanemɔ kukuji 3 kɛ 5. Akɛ niiashikpamɔi ni asafo lɛ mli bii ena ni tsɔɔ omanye ni amɛye beni amɛyeɔ odase yɛ gbɛjegbɛ lɛ nɔ loo yɛ tsɔne mli ni maŋbii tara mli lɛ afata he.
Lala 215 kɛ naagbee sɔlemɔ.
Otsi ni Jeɔ Shishi September 30
Lala 171
12 min: Asafoŋ adafitswai. Asusu Sanebimɔ He lɛ he.
20 min: “Shiɛmɔ Sanekpakpa lɛ yɛ He Fɛɛ He.” Sanebimɔi kɛ hetooi. Asusu kukuji 16-35 lɛ he. Tsɔɔmɔ bɔ ni nyɛ asafo lɛ baanyɛ ekɛ gbɛtsɔɔmɔi lɛ atsu nii. Afee kukuji 23-5 he nɔkwɛmɔ nii. Kanemɔ kukuji 34-5.
13 min: Atĩ Wolo ni Akɛbaatsu Nii yɛ October Mli lɛ Mli. Wɔbaaha ashɛ Buu-Mɔɔ kɛ Awake! woji tɛtrɛbii lɛ. Abaanyɛ akɛ Nilee wolo lɛ aha yɛ sɛɛsaramɔi amli. Asusu saji otii sɔrɔtoi ahe, tamɔ: (1) Yiŋtoi ahewɔ ni akalaa woji tɛtrɛbii lɛ, taakɛ atsɔɔ mli yɛ baafai ni jeɔ shishi lɛ amli lɛ. (2) Akalaa yɛ wiemɔ babaoo amli, ni amɛhaa anaa Biblia mli nilee yɛ jeŋ fɛɛ. (3) Afee Buu-Mɔɔ lɛ koni aŋkroaŋkro, weku, kɛ kuu akase. (4) Mɛi ni yɔɔ jamɔi sɔrɔtoi babaoo amli lɛ kaneɔ. (5) Wɔ diɛŋtsɛ wɔkɛ eheei lɛ baaha mɔ fɛɛ mɔ ni sumɔɔ ni ekane lɛ. (6) Aje gbɛ afee kɛha mɛi ni bɛ dekã lɛ titri. (7) Átee nɔ akala Buu-Mɔɔ lɛ kɛjɛ 1879; Awake! lɛ kɛjɛ 1919. Tsɔɔmɔ saji ni mɔ ko ni kaneɔ ni tsɔɔ hiɛsɔɔ yɛ he lɛ wie lɛ ni okɛmu naa.—Kwɛmɔ April 15, 1986 Blɔfo Buu-Mɔɔ lɛ baafa 32.
Lala 3 kɛ naagbee sɔlemɔ.