Teokrase Sɔɔmɔ Skul Niŋmaa Kaa
Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ September 1 kɛyashi December 22, 1997. Okɛ wolo kroko atsu nii ni okɛŋmala hetooi abɔ ni ooonyɛ lɛ yɛ be ni ato lɛ mli.
[KADIMƆ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]
Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:
1. Eyɛ mli akɛ saji ni aŋmala ashwie shi lɛ tsɔɔ akɛ Maŋtsɛ Yoram ni yeee anɔkwa lɛ ye Israel kooyigbɛ maŋtsɛyeli lɛ nɔ moŋ, shi wɔleee mɛi ni ji efɔlɔi loo bɔ ni fee ni egbo. [it-1 bf. 1270 kk. 8, 12]
2. Yɛ Luka 22:30 lɛ, “Israel akutsei nyɔŋma kɛ enyɔ lɛ” hiɛ shishinumɔ kome too lɛ nɔŋŋ taakɛ eji yɛ Mateo 19:28 lɛ, he ni bɔ ni akɛtsu nii aha lɛ yaa shɔŋŋ fe Yesu osɔfoi ni akɛ mumɔ efɔ amɛ mu lɛ ahe ni awieɔ kɛfataa adesai krokomɛi fɛɛ ahe lɛ. [Daa otsi Biblia kanemɔ; kwɛmɔ w87 3/1 bf. 27 kk. 10; bf. 28 kk. 12.]
3. Yiŋtoo hewɔ ni Yesu kaselɔi lɛ anaa kpɛ amɛhe yɛ Samariayoo ni ekɛwieɔ lɛ he ji akɛ, ekɛ ehe woɔ jeŋba shara mli. (Yoh. 4:27) [Daa otsi Biblia kanemɔ; kwɛmɔ w-GA 95 7/15 bf. 15 kk. 1-2.]
4. Wiemɔ ni ji “kɛjɛ shishijee lɛ” ni yɔɔ Yohane 6:64 lɛ tsɔɔ akɛ Yesu le kɛjɛ be ni ahala Yuda akɛ bɔfo lɛ akɛ lɛ ebaatsɔɔ E-sɛɛgbɛ. [Daa otsi Biblia kanemɔ; kwɛmɔ it-2 bf. 129 kk. 4-6.]
5. Asafo lɛ mla he gbɛjianɔtoo ni efee yɛ afi 1884 lɛ kɔɔ woji akalamɔ he gbɛjianɔtoo pɛ he. [jv bf. 576 kk. 1]
6. Ayeɔ abuaa wɔ yɛ 2 Mose 21:22, 23 koni wɔnu shishi akɛ Nyɔŋmɔ buɔ adesa bi ni afɔko lɛ lɛ akɛ wala ni jara wa. [kl-GA bf. 128 kk. 21]
7. “Yudafoi lɛ miiye gbi jurɔ” ni atsĩ tã yɛ Yohane 5:1 lɛ kɔɔ afi 31 Ŋ.B. Hehoo lɛ he. [si bf. 194 kk. 8]
8. Maŋtsɛyeli lɛ shɛɛ sane lɛ ni aaagbɛ ashwa kɛtsɔ redio kɛ tɛlivishiŋ nɔ wiemɔi anɔ lɛ mɔɔ shi tamɔ gbɛ̀i krokomɛi fɛɛ ni wɔbaanyɛ wɔkɛtsu nii lɛ pɛpɛɛpɛ. [jv bf. 572 kk. 3]
9. Akɛni Yehoiakin yɛ bihii kpawo hewɔ lɛ, Ŋmalɛ mli akpɔ ni awo akɛ “Nyɛŋmaa yɛ nɛkɛ nuu nɛɛ gbɛi anaa akɛ ebɛ bi” lɛ, baafee tɔmɔ. (Yer. 22:30) [it-1 bf. 1267 kk. 10]
10. Ekɔɔɔ he eko kɛji abuɔ maŋ nɔyelɔi akɛ amɛja loo amɛjaaa, esa akɛ anɔkwa Kristofoi kɛ amɛ gbalashihilɛ awo mla shishi yɛ gbɛ ni ja nɔ. [kl-GA bf. 122 kk. 11]
Ha sanebimɔi ni nyiɛ sɛɛ nɛɛ ahetoo:
11. Yɛ klɛŋklɛŋ afii oha lɛ mli Efeso Kristofoi lɛ anɔkwɛmɔnɔ lɛ kɛ gbeekpamɔ naa lɛ, mɛni ji gbɛ kome ni he hiaa ni esa akɛ akɛtsu nii koni akɛte shi awo mumɔi fɔji? (Bɔf. 19:19) [kl-GA bf. 114 kk. 14]
12. Ŋwɛi bɔfoi komɛi fee esha yɛ Noa gbii lɛ amli yɛ mɛɛ gbɛ nɔ? [kl-GA bf. 109 kk. 4]
13. Mɛni hewɔ ni Yesu sumɔɔɔ ni ekɛ ehe woɔ gboshiniyeli he béi amli lɛ? (Luka 12:13, 14) [Daa otsi Biblia kanemɔ; kwɛmɔ w-GA 97 4/1 bf. 28.]
14. Mɛni kaselɔi lɛ leee beni amɛbi Yesu kɛji akɛ ebaato Maŋtsɛyeli lɛ ema shi ekoŋŋ eha Israel lɛ taakɛ aŋma yɛ Bɔfoi lɛ Asaji 1:6 lɛ? [Daa otsi Biblia kanemɔ; kwɛmɔ w90 6/1 bf. 11 kk. 4.]
15. Mɛni hewɔ Adolf Hitler nyɛɛɛ atsu hegbeyeiwoo ni ji akɛ ebaabule Yehowa webii ashishi lɛ he nii lɛ? [jv bf. 553 kk. 2-4]
16. Yairo tsɔɔ akɛ eyɛ nyɛmɔ ni Yesu kɛtsaa mɛi lɛ mli hemɔkɛyeli yɛ mɛɛ gbɛ nɔ? (Mar. 5:22-24) [it-1 bf. 1250 kk. 14]
17. Mɛni hewɔ ni New World Translation lɛ kɛɔ akɛ “Wiemɔ lɛ ji nyɔŋmɔ ko,” ni jeee “Wiemɔ lɛ ji Nyɔŋmɔ” taakɛ shishitsɔɔmɔi krokomɛi tsɔɔ yɛ Yohane 1:1 lɛ? [Daa otsi Biblia kanemɔ; kwɛmɔ rs 212 kk. 5.]
18. Taakɛ Kpojiemɔ wolo lɛ tsɔɔ lɛ, nɛgbɛ abaakpata “sũlɔi” ahiɛ yɛ, kɛ́ amɛshwaaa amɛhe ni amɛaatsake amɛgbɛ̀i lɛ? [kl-GA bf. 111 kk. 8]
19. Akɛni Yesu ji nuu ni eye emuu ni ekpɛlɛɔ egbɛhe ni etsuɔ he nii akɛ Tsɔɔlɔ lɛ nɔ hewɔ lɛ, mɛni hewɔ ekpɛlɛɛɛ ni atsɛɔ lɛ “Tsɔɔlɔ Kpakpa” lɛ? (Luka 18:18, 19) [Daa otsi Biblia kanemɔ; kwɛmɔ w-GA 95 3/1 bf. 15 kk. 7.]
20. Mɛɛ nɔ̃ hee yɔɔ kita ni ajaje yɛ Yohane 13:34 lɛ mli? [Daa otsi Biblia kanemɔ; kwɛmɔ w90 2/1 bf. 21 kk. 5-6]
Okɛ wiemɔ(i) loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:
21. Esa akɛ ․․․․․․․․ ni ji Gitinyo lɛ, mɔ ni jie anɔkwayeli kpo etsɔɔ ․․․․․․․․ lɛ nɔkwɛmɔnɔ lɛ atsirɛ wɔ koni wɔjie su ni tamɔ nakai nɔŋŋ kpo wɔtsɔɔ mɛi ni nyiɛɔ hiɛ yɛ Yehowa gbɛjianɔtoo lɛ mli ŋmɛnɛ lɛ. (2 Sam. 15:21) [it-1 bf. 1237 kk. 17]
22. “Benai nyɔŋma” lɛ damɔ shi kɛha ․․․․․․․․ ni kaselɔi ni afɔ amɛ mu lɛ baanyɛ amɛkɛtsu nii ni amɛkɛná ŋwɛi Maŋtsɛyeli lɛ ․․․․․․․․ babaoo. (Luka 19:13) [Daa otsi Biblia kanemɔ; kwɛmɔ w89 10/1 bf. 8.]
23. Nɔ ni fata amale naafolɔmɔi etɛ ni Yudafoi lɛ kɛshi Yesu ni amɛkɛha Pilato, Roma amralo ni yɔɔ Yudea lɛ he ji ․․․․․․․․ lɛ fitemɔ, ni ákɛ esumɔɔɔ ni awoɔ ․․․․․․․․ , kɛ kɛɛmɔ ni ekɛɔ akɛ Lɛ Diɛŋtsɛ ji ․․․․․․․․ lɛ. (Luka 23:2) [Daa otsi Biblia kanemɔ; kwɛmɔ w90 12/1 bf. 9 kk. 1.]
24. Anɔkwa Kristofoi yeee Blonya loo gbi jurɔ kroko ni damɔ apasa jamɔŋ hemɔkɛyelii anɔ, ejaakɛ amɛkɛ ․․․․․․․․ haa Yehowa ․․․․․․․․; agbɛnɛ hu amɛyeee gbii juji ni kɛ ․․․․․․․․ haa adesai eshafeelɔi loo maji. [kl-GA bf. 126 kk. 16]
25. ․․․․․․․․ ŋmala Bɔfoi lɛ Asaji awolo lɛ beni eyɔɔ ․․․․․․․․ lɛ. [si bf. 199 kk. 3]
Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:
26. Beni 1992 shɛɔ lɛ, no mli lɛ atsɔse nikaselɔi fe (2,500; 4,500; 6,500) ni jɛ maji (40; 80; 110) mli lɛ yɛ Gilead, ni yɛ no sɛɛ lɛ amɛsɔmɔ yɛ shikpɔji kɛ ŋshɔkpɔi fe (100; 150; 200) anɔ. [jv bf. 524 kk. 2]
28. Yɛ afi (1877; 1879; 1881) mli lɛ, Charles T. Russell fee wolo bibioo ni ji The Object and Manner of Our Lord’s Return lɛ, ni yɛ afi (1877; 1897; 1881) lɛ mli lɛ ebɔi Zion’s Watch Tower and Herald of Christ’s Presence lɛ feemɔ. [jv bf. 557 kk. 1]
29. Ni wɔɔhi shi akɛ mɛi ni sheɔ Nyɔŋmɔ gbeyei lɛ maa nɔ mi akɛ (mɛi krokomɛi kɛ wɔ baaye jogbaŋŋ be fɛɛ be; wɔbaana heloonaa nibii babaoo mli ŋɔɔmɔ bianɛ; wɔbaana Nyɔŋmɔ hiɛ ŋmɔlɔ kɛ nɔkpɛlɛmɔ ejaakɛ wɔmiifee nɔ ni ja). [kl-GA bf. 118 kk. 2]
29. Beni Yesu bi bɔfo Petro akɛ, “Oosumɔ mi fe mɛnɛɛmɛi lo?” lɛ, no mli lɛ Eebi kɛji Petro sumɔɔ Lɛ fe (bɔ ni esumɔɔ kaselɔi krokomɛi nɛɛ lɛ; bɔ ni kaselɔi krokomɛi lɛ sumɔɔ Yesu; bɔ ni esumɔɔ nibii nɛɛ tamɔ loo lɛ). (Yoh. 21:15) [Daa otsi Biblia kanemɔ; kwɛmɔ w88 11/1 bf. 31 kk. 9.]
30. Yɛ hei pii lɛ, mɛi ni enyiɛ hiɛ yɛ sanekpakpa lɛ gbɛɛ-kɛ-shwamɔ mli lɛ ji (gbɔmɛi ni yɔɔ nii waa; gbɔmɛi ni je lɛ buɔ amɛ waa; gbɔmɛi foji. [jv bf. 548 kk. 3]
Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee:
2 Maŋ. 10:15, 16; Abɛi 3:9, 10; Luka 9:60-62; 13:4, 5; Rom. 9:10-12
31. Yesu wie eshi shɛɛ mli saji ahesusumɔ, ni ewie oshara ko ni etoibolɔi lɛ le jogbaŋŋ lɛ he, ni etsɔɔ mli faŋŋ akɛ nɔ ni kɛ enɛ baa ji be kɛ shihilɛ mli nibii ni baa trukaa ni aleee. [Daa otsi Biblia kanemɔ; kwɛmɔ w-GA 96 9/1 bf. 5 kk. 5.]
32. Yehowa jie nyɛmɔ ni eyɔɔ ni ekɛyɔseɔ fɔmɔ mli kanyamɔ ni yɔɔ abifao ni afɔko lɛ lɛ mli lɛ kpo etsɔɔ, koni etsɔɔ bɔ ni eleɔ nibii kɛtsɔɔ hiɛ, kɛ hegbɛ ni eyɔɔ akɛ eeetsɔɔ mɔ ni ehalaa lɛ kɛtsu eyiŋtoo ahe nii lɛ kɛtsɔ hiɛ lɛ. [it-1 bf. 1242 kk. 6]
33. Susuma muu fɛɛ ni akɛaatu he aha lɛ he miihia bɔni afee ni anyɛ abote Maŋtsɛyeli lɛ mli. [si bf. 192 kk. 32]
34. Yehowa baajɔɔ wɔ yɛ be mli ni wɔkɛ wɔ be, hewalɛ, kɛ nibii krokomɛi ni wɔyɔɔ, ni wɔ shika fata he lɛ tsuɔ nii kɛha anɔkwale jamɔ lɛ nɔyaa. [kl-GA bf. 120 kk. 8]
35. Esa akɛ mɔ afĩ mɛi ni nyiɛɔ hiɛ yɛ Yehowa jamɔ mli lɛ sɛɛ kɛ anɔkwayeli. [it-1 bf. 1269 kk. 8]