Sɔɔmɔ Kpeei Kɛha January
Otsi ni Jeɔ Shishi January 5
8 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
17 min: “Ná Odase ni Oooye Jogbaŋŋ Kɛmɔ Shi lɛ He Miishɛɛ.” Toibolɔi ni akɛaagba nikasemɔ lɛ he sane. Maa saji ni he hiaa waa yɛ shiɛmɔ wiemɔ ni mɔɔ shi jogbaŋŋ mli lɛ nɔ mi: (1) Okɛ naanyobɔɔ su aŋa mɔ lɛ, (2) wiemɔ nibii ni yaa nɔ bianɛ lɛ he saji loo teemɔ ehe sanebimɔ shi, (3) gbalamɔ jwɛŋmɔ kɛya Ŋmalɛ mli wiemɔ ni sa ko nɔ, ni (4) ogbala ejwɛŋmɔ kɛya wolo ni akɛhaa lɛ nɔ. Ha shiɛlɔ ni he esa afee shiɛmɔ wiemɔ shishijee kɛ ehe sɛɛsaramɔ lɛ he nɔkwɛmɔnɔ.
20 min: Saamɔ Ohe Bianɛ Koni Ofi Nyɔŋmɔ Mla ni Kɔɔ Lá He lɛ Sɛɛ. Onukpa ni he esa agba bɔ ni ehe hiaa ni aŋmala “Advance Medical Directive/Release” wolo lɛ nɔ nii lɛ he sane. Gbɛtsɔɔmɔ ni jɛ mumɔŋ ni yɔɔ Lala 19:8Ga Bible lɛ tsɔɔ akɛ Bɔfoi lɛ Asaji 15:28, 29 lɛ ji wiemɔ ni tsɔɔ Nyɔŋmɔ mla ni yeɔ emuu ni kɔɔ lá he. Anɔkwa jálɔi bɔɔ mɔdɛŋ ni amɛfi nakai mla lɛ sɛɛ. Nɛkɛ wolo nɛɛ haa aleɔ faishi ni otswa akɛ ooofee nakai ni ewieɔ ehaa bo beni onyɛɛɛ owie oha ohe. (Okɛto Abɛi 22:3 he.) Wolo hee lɛ kɛ lá ni oheee lɛ he sanejajemɔ ni yɔɔ ebe naa haa. Kɛ agbe kpee nɛɛ naa lɛ, abaaha Odasefoi ni abaptisi amɛ ni sumɔɔ ni amɛná wolo hee lɛ eko, ni mɛi ni yɔɔ gbekɛbii bibii ni abaptisiko amɛ lɛ anine baashɛ “Identity Card” nɔ amɛha gbekɛ fɛɛ gbekɛ. Esaaa akɛ aŋmalaa woji nɛɛ anɔ nii gbɛkɛ nɛɛ. Esa akɛ aŋmala amɛnɔ nii jogbaŋŋ yɛ shia, shi akɛ waonaa gbɛi AKAWO shishi. Kɛ agbe Asafo Woloŋ Nikasemɔ ni baanyiɛ sɛɛ lɛ naa lɛ, abaatsu woji fɛɛ ni akɛ waonaa gbɛi baawo shishi, ehe odase ni abaaye, kɛ gbi ni abaaŋma yɛ nɔ lɛ he nii yɛ woloŋ nikasemɔ nɔkwɛlɔ lɛ gbɛtsɔɔmɔ shishi. Enɛ baaha akɛ yelikɛbuamɔ ni he hiaa lɛ aha mɛi fɛɛ ni yɔɔ ekuu lɛ mli ni sumɔɔ ni amɛtsu tsofafeemɔ he gbɛtsɔɔmɔ wolo nɛɛ he nii lɛ. Esa akɛ mɛi ni kɛ amɛ waonaa gbɛi woɔ shishi akɛ mɛi ni yeɔ he odase lɛ akwɛ koni amɛna akɛ mɔ ni hiɛ wolo lɛ kɛ ewaonaa gbɛi miiwo wolo lɛ shishi lɛɛlɛŋ. Nikasemɔ nɔkwɛlɔi/onukpai ni baaba Sɔɔmɔ Kpee ni nyiɛ sɛɛ lɛ baaye abua mɔ fɛɛ mɔ ni bɛ jɛmɛ nakai be lɛ, ni sumɔɔ ni eŋma wolo lɛ nɔ nii ni ekɛ ewaonaa gbɛi awo shishi lɛ kɛyashi beni shiɛlɔi fɛɛ ni abaptisi amɛ lɛ baaŋmala amɛ woji lɛ anɔ nii fɛɛ jogbaŋŋ. (Tĩi November 2, 1991 wolo ni aŋma lɛ mli.) Shiɛlɔi ni abaptisiko amɛ lɛ baanyɛ akwɛ wolo nɛɛ nɔ wiemɔi lɛ ni amɛfee lɛ bɔ ni baasa amɛ diɛŋtsɛ amɛ shihilɛi kɛ amɛhemɔkɛyelii koni amɛkɛŋma amɛ diɛŋtsɛ amɛ gbɛtsɔɔmɔ he wolo ni amɛkɛbaatsu nii amɛha amɛ kɛ amɛbii. Bɔni afee ni aná mla naa hebuu ni hi fe fɛɛ lɛ, aajie yi koni aŋmala wolo lɛ nɔ nii.
Lala 142 kɛ naagbee sɔlemɔ.
Otsi ni Jeɔ Shishi January 12
10 min: Asafoŋ adafitswai. Shika he akɔntaabuu. Tsɔɔmɔ shiɛmɔyaa he gbɛjianɔ ni ato kɛha otsi lɛ naagbee.
12 min: Tĩi “Kpokpaa nɔ Kpee He Gbɛjianɔtoo Hee” lɛ mli.
23 min: “Yehowa Kɛ Hewalɛ ni Fa Kɛteke Nɔ Haa.” Sanebimɔi kɛ hetooi. (Kwɛmɔ w-GA 90 7/15 [Vol. 111, No. 14 GA] 19, kukuji 15-16.) Too gbɛjianɔ koni mɛi komɛi agba niiashikpamɔi ni woɔ mɔ hewalɛ ni tsɔɔ bɔ ni Yehowa ewaje amɛ.
Lala 81 kɛ naagbee sɔlemɔ.
Otsi ni Jeɔ Shishi January 19
10 min: Asafoŋ adafitswai.
15 min: Asafoŋ hiamɔ nii.
20 min: Weku Nikasemɔ ni Kɛ Miishɛɛ Baa. Mɔ kɛ eŋa agba amɛ weku lɛ mumɔŋ hiamɔ nii ahe sane. Akɛni amɛsusuɔ je lɛŋ nibii ni náa amɛbii anɔ hewalɛ yɛ gbɛ fɔŋ nɔ lɛ he hewɔ lɛ, amɛnuɔ he akɛ ehe miihia ni amɛha amɛbii amumɔŋ shihilɛ mli awa, shi amɛkpɛlɛɔ nɔ akɛ bei pii lɛ amɛfeee amɛ weku nikasemɔ, ni bei pii lɛ efeee nɔ ni mɔɔ shi. Amɛ fɛɛ amɛfee ekome ni amɛtĩ gbɛtsɔɔmɔi ni tsɔɔ bɔ ni esa akɛ afee weku nikasemɔ ni shishinumɔ yɔɔ he lɛ mli taakɛ akɛha yɛ August 1, 1997 Buu-Mɔɔ lɛ baafai 26-9 lɛ. Amɛ fɛɛ amɛtswa amɛfai shi akɛ amɛkɛbaatsu nii koni amɛkɛbu amɛbii lɛ amumɔŋ hilɛ-kɛhamɔ he.
Lala 146 kɛ naagbee sɔlemɔ.
Otsi ni Jeɔ Shishi January 26
Lala 187
12 min: Asafoŋ adafitswai. Tĩi wolo ni akɛbaatsu nii yɛ February lɛ mli. Tsɔɔmɔ sane oti kome loo enyɔ ni jɛ Kpojiemɔ Naagbee wolo lɛ mli ni he baaba sɛɛnamɔ yɛ ekɛhamɔ lɛ mli.
15 min: “Jiemɔ Bulɛ Kpo yɛ He ni Ajaa Yehowa yɛ Lɛ.” Sanebimɔi kɛ hetooi. Onukpa ko baatsu he nii ni ebaaha ekɔ amɛ asafo lɛ he yɛ mlihilɛ mli.
18 min: Gbɛfaŋnɔ ni Wɔnáa yɛ Jeŋ Fɛɛ Odaseyeli Nitsumɔ lɛ Mli lɛ He Akɔntaabuu. (Edamɔ Our Ministry wolo lɛ baafai 100-2, 106-10 nɔ) Wiemɔ kɛ sanegbaa ni woloŋmalɔ lɛ baatsu he nii. Kɛ etsɔɔ Ŋmalɛ naa nɔkwɛmɔnɔ ni tsɔɔ bɔ ni esa akɛ wɔbu wɔ nitsumɔ lɛ he akɔntaa daa egbe naa lɛ, éfɔ nine etsɛ asafoŋ sɔɔlɔi enyɔ koni amɛtĩ saneyitso bibioo ni ji “Why We Report Our Field Service” (Nɔ Hewɔ ni Wɔbuɔ Wɔ Shiɛmɔ Nitsumɔ He Akɔntaa) lɛ mli. No sɛɛ lɛ woloŋmalɔ lɛ ama bɔ ni ehe hiaa ni akɛ akɔntaabui ni ja jogbaŋŋ aba mra lɛ nɔ mi. Esa akɛ etsɔɔ yiŋtoi ahewɔ ni otii ni mɔ ko kɛmamɔɔ ehiɛ lɛ he yɔɔ sɛɛnamɔ, ni ekɛ saji ni woɔ mɔ hewalɛ ni tsɔɔ jɔɔmɔi ni mɛi ni náa odaseyeli nitsumɔ lɛ mli gbɛfaŋnɔ jogbaŋŋ kɛmɔɔ shi lɛ náa, koni ekɛba naagbee.
Lala 189 kɛ naagbee sɔlemɔ.