Sɔɔmɔ Kpeei Kɛha August
Otsi ni Jeɔ Shishi August 2
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ April shiɛmɔyaa he akɔntaabuu kɛha maŋ lɛ kɛ nyɛ asafo lɛ he. Wo shiɛlɔi fɛɛ hewalɛ koni amɛkɛ amɛhe awo sɔɔmɔ nitsumɔ lɛ mli yɛ August mli.
17 min: “Wó Yehowa Gbɛi ni Yɔɔ Nyam lɛ Nɔ Gojoo.” Okɛ nɔ ni shɛɛɛ miniti kome akpa wiemɔ lɛ hiɛ, koni yɛ no sɛɛ lɛ, okɛ sanebimɔ kɛ hetoo atsu he nii. Maa ŋmalɛi ni atsɛ lɛ anɔ mi.—Kwɛmɔ Hii Shi Daa wolo lɛ baafai 184-185 lɛ mli.
18 min: “Wolo Kasemɔ yɛ Skul kɛ Omumɔŋ Otii.” Tsɛ ko kɛ ebinuu loo ebiyoo miigba enɛ he sane. Amɛtĩ saji ni yɔɔ December 22, 1995 Awake!, baafai 7-11 ni kɔɔ he lɛ mli.
Lala 148 kɛ naagbee sɔlemɔ.
Otsi ni Jeɔ Shishi August 9
8 min: Asafoŋ adafitswai. Shika he akɔntaabuu.
12 min: Gbɛgbalɔi Yeɔ Buaa Mɛi Krokomɛi—Mɛɛ Nɔyaa Ekɛba? Wiemɔ kɛ mɛi kɛ sanegbaa ni sɔɔmɔ nitsumɔ nɔkwɛlɔ lɛ kɛbaaha. Tĩi gbɛtsɔɔmɔi ni akɛha yɛ September 1998 Wɔ Maŋtsɛyeli Sɔɔmɔ lɛ baafa 8 lɛ mli. Tsɔɔmɔ bɔ ni ato enɛ he gbɛjianɔ aha yɛ nyɛ asafo lɛ mli, ni otsɔɔ bɔ ni mɛi ni ayeɔ abuaa amɛ lɛ yaa nɔ amɛhaa amrɔ nɛɛ. Okɛ gbɛgbalɔ kome aloo enyɔ agba sane, ni okɛ shiɛlɔi ni ená yelikɛbuamɔ lɛ he sɛɛ lɛ hu agba sane. Wo mɛi krokomɛi ni abaaye abua amɛ lɛ hewalɛ koni amɛŋɔ hegbɛ lɛ ni amɛná he sɛɛ kɛmɔ shi.
25 min: “Ani Gbɛgbamɔ Shinaa lɛ Egbele Eha Bo Agbɛnɛ?” Sanebimɔ kɛ hetoo ni onukpa ko baatsu he nii. Okɛ jwɛŋmɔ ni ja atsɔɔ bɔ ni abaanyɛ aná shiɛlɔi babaoo koni amɛbatsɔmɔ gbɛgbalɔi lɛ aha. Okɛ gbɛgbalɔi ni baanyɛ ajɛ amɛ diɛŋtsɛ amɛniiashikpamɔ mli amɛtsɔɔ bɔ ni amɛfee ni amɛye naatsii anɔ kunim ni amɛye omanye lɛ agba sane. Susumɔ “Daa Gbɛgbalɔ Be He Gbɛjianɔtoo He Nɔkwɛmɔnɔ” ni maa bɔ ni gbɛjianɔtoo kpakpa baanyɛ aha nine ashɛ ŋmɛlɛtswaa ni ataoɔ lɛ nɔ mi lɛ he jogbaŋŋ. Tswaa adafi akɛ, mɔ fɛɛ mɔ ni taoɔ akɛ enine ashɛ daa gbɛgbamɔ gbɛbimɔ wolo lɛ eko nɔ lɛ baanyɛ aná eko kɛ́ akpa kpee lɛ.
Lala 202 kɛ naagbee sɔlemɔ.
Otsi ni Jeɔ Shishi August 16
5 min: Asafoŋ adafitswai.
10 min: Asafoŋ hiamɔ nii.
12 min: “Fɔlɔi Agbɛnaa Nii Kɛha Amɛbii Amumɔŋ Hiamɔ Nii yɛ Skul.” Sanebimɔi kɛ hetooi. Weku yitso ko ni feɔ nɔkwɛmɔnɔ kpakpa baatsu he nii.
18 min: Ani Okɛ Ohe Miiwo Kaselɔfeemɔ Nitsumɔ lɛ Mli? Toibolɔi kɛ sanegbaa. Akɛni wɔkɛ woji babaoo eha hewɔ lɛ, esa akɛ oti ni ma wɔhiɛ lɛ afee akɛ wɔbaaje Biblia nikasemɔi ashishi, bɔni afee ni wɔnyɛ wɔye wɔbua mɛi ni amɛná woji ni amɛnine shɛɔ nɔ lɛ ahe sɛɛ. Ha shiɛlɔi atsɔɔ naagbai ni tsiɔ amɛnaa hewɔ ni amɛnyɛɛɛ amɛfee nikasemɔi lɛ: (1) Ewa akɛ aaaná mɛi ni miisumɔ ni amɛkase nii. (2) Mɛi ni yɔɔ wiemɔ lɛ he miishɛɛ lɛ kɛɔ akɛ amɛbɛ dekã. (3) Beni aje nikasemɔ lɛ shishi sɛɛ lɛ ewaa akɛ aaana gbɔmɛi lɛ yɛ shia koni atsa nikasemɔ lɛ nɔ. Agbɛnɛ hu awie bɔ ni ekolɛ shiɛlɔi komɛi nuɔ he amɛhaa yɛ Biblia mli nikasemɔ feemɔ he: (1) ‘Minuɔ he akɛ mishɛko mɔ ni tsɔɔ nii.’ (2) ‘Mibɛ dekã ni mikɛaafee nikasemɔ daa otsi.’ (3) ‘Mishashaoɔ shi akɛ mikɛ mihe baaha mɔ kroko.’ (4) ‘Mitsui nyɔɔ mimli akɛni mikɛ mihe woɔ sɔɔmɔ nitsumɔ lɛ fãi krokomɛi lɛ amli lɛ hewɔ.’ Okɛ ŋaawoo kpakpai ni tsɔɔ bɔ ni ooonyɛ odamɔ nɛkɛ naatsii nɛɛ anaa lɛ aha, bɔni afee ni anyɛ akɛ he awo kaselɔfeemɔ nitsumɔ lɛ mli. Ha shiɛlɔi ni eye mli omanye lɛ atsɔɔ miishɛɛ ni amɛná yɛ Biblia mli nikasemɔ feemɔ lɛ mli.—Kwɛmɔ nɔ ni aŋma ahɔ April 1998 Wɔ Maŋtsɛyeli Sɔɔmɔ lɛ mli lɛ kukuji 3-8, kɛ 15 lɛ.
Lala 100 kɛ naagbee sɔlemɔ.
Otsi ni Jeɔ Shishi August 23
10 min: Asafoŋ adafitswai.
15 min: Ye Obua Mɛi Hee lɛ Koni Amɛná Hiɛsɔɔ Amɛha Bɔ ni Gbalashihilɛ Yɔɔ Krɔŋŋ Hã. Onukpa ko kɛ toibolɔi baagba sane kɛbaajɛ Reasoning wolo lɛ, baafai 248-250 lɛ mli. Wɔkɛ gbalashihilɛ mli hefatalɔi kpeɔ ni boɔ Maŋtsɛyeli shɛɛ sane lɛ toi shi amɛfeɔ shɔ̃ɔ yɛ hiɛyaa mli ejaakɛ amɛyɛ gbalashihilɛ ko ni amɛnaŋ he sɛɛ yɛ mla naa mli. Tsɔɔmɔ gbɛ ni aaatsɔ nɔ aye abua amɛ koni amɛle nɔ hewɔ ni esa akɛ Kristofoi agbalashihilɛ afee nɔ ni yɔɔ nyam. (Kwɛmɔ January 8, 1992, Awake!, baafai 26-27, December 8, 1996, baafai 20-23.) Okɛ ŋaalee gbɛ ni aaatsɔ nɔ awie koni akɛye abua gbalashihilɛ mli hefatalɔi ni tamɔ nɛkɛ he ŋaawoo aha, koni amɛna nɔ hewɔ ni amɛbaanyɛ amɛfata asafo lɛ he aahu kɛyashi amɛaabote gbalashihilɛ mli yɛ gbɛ kpakpa nɔ lɛ.
20 min: “Mɛni Obaakɛɛ Buddhanyo?” Sanebimɔi kɛ hetooi. Bei pii lɛ wɔleee nɔ ni wɔɔkɛɛ kɛji akɛ wɔkɛ gbɔmɛi kpe yɛ shikpɔŋkuku lɛ mli ni amɛtsɔɔ akɛ amɛjeee Kristofoi, ni amɛhiɛ susumɔi, nifeemɔi kɛ kusum nifeemɔi ni wɔleee lɛ. Saneyitso nɛɛ jeɔ shishi kɛ fãi srɔtoi enumɔ ni tsara nɔ. Ha ni aje gbɛ asaa he jogbaŋŋ ni afee he nɔkwɛmɔnɔ atsɔɔ. Kɛha Buddhabii ahe sane fitsofitso lɛ, kwɛmɔ nɔ ni aŋma ahɔ February 1998, Wɔ Maŋtsɛyeli Sɔɔmɔ lɛ mli; Reasoning wolo lɛ, baafa 21; kɛ Nyɔŋmɔ Sɛɛgbɛ ni Adesai Taoɔ wolo lɛ yitso 6.
Lala 133 kɛ naagbee sɔlemɔ.
Otsi ni Jeɔ Shishi August 30
10 min: Asafoŋ adafitswai. Akai mɛi fɛɛ ni amɛkɛ amɛ shiɛmɔyaa he akɔntaabuu kɛha August aha. Esa akɛ Asafo Woloŋ Nikasemɔ nɔkwɛlɔi lɛ akwɛ koni mɛi fɛɛ ni yɔɔ amɛkuu lɛ mli lɛ kɛ amɛ shiɛmɔyaa he akɔntaabuu aha koni anyɛ atsu fɛɛ he nii dani September 6 ashɛ.
17 min: Wɔsumɔɔ Wɔnyɛmimɛi Lɛ. Wiemɔ ni damɔ December 1, 1995, Buu-Mɔɔ baafai 15-17, kukuji 7-11 lɛ nɔ, ni onukpa ko kɛbaaha, ni ekɛ toibolɔi hu baagba he sane. Maa sɛɛnamɔi amli ŋɔɔmɔ ni wɔɔná kɛ́ wɔle wɔnyɛmimɛi lɛ jogbaŋŋ, ni wɔwo amɛ hewalɛ, ni wɔye wɔbua amɛ koni amɛnyɛ amɛdamɔ kaai anaa lɛ. Okɛ gbɛ ni aaatsɔ nɔ koni anyɛ atsu enɛ he nii lɛ he ŋaawoo aha. Ha toibolɔi agba niiashikpamɔi ni tsɔɔ bɔ ni amɛjɛ amɛsuɔmɔ mli amɛwo mɛi krokomɛi hewalɛ ni eha amɛtsui enyɔ amɛmli, ni ewo amɛ hewalɛ lɛ amɛtsɔɔ.
18 min: Okɛ Yiŋtoo ni Yɔɔ Ohiɛnɔkamɔ lɛ Sɛɛ lɛ Aha. Onukpa ko kɛ gbekɛ ko aloo gbekɛbii enyɔ ni eye kɛjɛ afii nyɔŋma kɛ etɛ kɛyaa ni feɔ nɔkwɛmɔnɔ kpakpa ni yaa skul lɛ agba sane. Amɛkɛ shitee-kɛ-woo ni jɛɔ je lɛŋ nanemɛi aŋɔɔ lɛ kpeɔ be fɛɛ be, ni amɛmiisumɔ ni amɛle nɔ hewɔ ni wɔbii lɛ halaaa akɛ amɛaafata amɛhe yɛ amɛnifeemɔi amli lɛ. Yɛ be mli ni amɛŋɔɔ hegbɛi ni tamɔ nɛkɛ ni amɛnáa lɛ koni amɛkɛ gbala Biblia lɛ mli amɛtsɔɔ lɛ, ehe miihia ni wɔbii lɛ afĩ shi shiŋŋ yɛ amɛhe ni amɛtsiɔ kɛjɛɔ nibii ahe lɛ mli. Kuu lɛ agba nɔ ni amɛaakɛɛ kɛji akɛ mɔ ko kɛ zigaret aloo tsofa fɔŋ ko ha amɛ lɛ. Nyɛtĩa sane ni akɛha yɛ Young People Ask wolo lɛ baafai 277-281 lɛ mli. Tsɔɔmɔ bɔ ni amɛfaishitswaa ákɛ amɛaafee ekpakpa lɛ buɔ amɛhe ni eyeɔ mɛi krokomɛi odase yɛ gbɛ ni ja nɔ lɛ mli.
Lala 129 kɛ naagbee sɔlemɔ.