Sɔɔmɔ Kpee He Gbɛjianɔtoo
Otsi ni Jeɔ Shishi May 8
10 min: Asafoŋ adafitswai kɛ Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Tsɔɔmɔ shiɛlɔi ayifalɛ ni fe bei fɛɛ nɔ̃ kɛha January, ní owo mɛi fɛɛ hewalɛ koni amɛya nɔ amɛkɛ amɛshiɛmɔyaa he akɔntaabuu aha mra daa nyɔŋ.
17 min: “Nyɔŋmɔ Gbalɛ Wiemɔ lɛ Fɛɛ Baaba Mli Anɔkwale!” Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo kɛha sanegbaa anyiɛ sɛɛ. Tsɔɔmɔ saji fioo ko ni jɛ wolo hee lɛ mli ni maa bɔ ni wɔbei nɛɛ sa kadimɔ ha lɛ nɔ mi.
18 min: “Jiemɔ ‘Duromɔ Nii Kpakpai Fɛɛ’ Nyɔŋmɔ lɛ Yi Be Fɛɛ Be.” Kukuji 1-12 lɛ he sanegbaa ni baaya nɔ yɛ woloŋmalɔ lɛ kɛ mɔ ni kwɛɔ Asafo Woloŋ Nikasemɔ nɔ lɛ teŋ. Maa nɔ mi akɛ, tsui ni anɔkwa nilee eyi lɛ obɔ lɛ baatsirɛ mɔ ni yɔɔ eko lɛ koni ewie.—Mat. 12:34.
Lala 116 kɛ naagbee sɔlemɔ.
Otsi ni Jeɔ Shishi May 15
10 min: Asafoŋ adafitswai. Shika he akɔntaabuu.
15 min: “Wekui ni Dara Efee Ekome yɛ Nyɔŋmɔ Sɔɔmɔ Mli.” Wiemɔ ni onukpa ni feɔ nɔkwɛmɔnɔ kpakpa kɛbaaha, ní damɔ February 15, 1999 Buu-Mɔɔ lɛ baafai 9-12 lɛ nɔ. Maa nɔ mi akɛ, esa akɛ abu weku nikasemɔ akɛ hiɛdɔɔ sane, ni esaaa akɛ aŋmɛɔ gbɛ kɔkɔɔkɔ ni etsɔɔ nɔ ko ni abaafee loo afeŋ, ní aaabu lɛ akɛ abaafee ekome kɛkase nii be mli ni nɔ ko kwraa ebatsiŋ naa.
20 min: “Jiemɔ ‘Duromɔ Nii Kpakpai Fɛɛ’ Nyɔŋmɔ lɛ Yi Be Fɛɛ Be.” Sanebimɔ kɛ hetoo ni akɛaasusu nikasemɔ lɛ mli kukuji 13-23 lɛ he. Okɛ wiemɔ kroko hu afata he ni tsɔɔ bɔ ni ehe hiaa ni wɔ fɛɛ wɔkɛfee oti ni ma wɔhiɛ akɛ wɔɔná be ni wɔkɛjie Yehowa yi daa otsi.—Kwɛmɔ “Nyɛtaoa Nyɔŋmɔ Maŋtsɛyeli lɛ Klɛŋklɛŋ—Kɛtsɔ Yijiemɔ Afɔle ni Nyɛkɛaaha Daa Nɔ,” yɛ October 1994 Wɔ Maŋtsɛyeli Sɔɔmɔ lɛ baafa 1 lɛ hu.
Lala 162 kɛ naagbee sɔlemɔ.
Otsi ni Jeɔ Shishi May 22
12 min: Asafoŋ adafitswai. Tĩi Sanebimɔ He lɛ mli.
20 min: “Nyɛshia Kpe.” Sanebimɔ kɛ hetoo ni akɛaagba sane. Tsɔɔmɔ nɔ hewɔ ni ehe hiaa akɛ wɔɔya nɔ wɔshi kpe eyɛ mli akɛ wɔleee gbi lɛ kɛ ŋmɛlɛtswaa lɛ.—Kwɛmɔ November 1, 1995 Buu-Mɔɔ lɛ baafa 20.
13 min: Mɛni Ji Gbɛjianɔ ni Otoɔ Kɛha Nyɔji ni Akɛbaajɔɔ He Lɛ? Weku ko agba nɔ ni amɛbaafee yɛ amɛ hejɔɔmɔ be mli lɛ he sane. Amɛwie kpokpaa nɔ kpee loo kpee krɛdɛɛ gbi ni amɛaaya gbii lɛ fɛɛ kɛ gbɛgbalɔi awalɔ nitsumɔ lɛ ni amɛkɛ amɛhe aaawo mli nyɔŋ kome loo nɔ ni fa fe nakai lɛ he. Amɛbaanyɛ amɛná hegbɛ hu akɛ amɛaaya shwɛmɔhe ko ni yɔɔ fɛo loo ni amɛkɛ amɛhe aaawo hiɛtserɛjiemɔ kpakpa ko mli. Amɛ fɛɛ amɛkpɛlɛ nɔ akɛ amɛkuŋ amɛhiɛ amɛshwieŋ gbɛjianɔ ni amɛtoɔ daa akɛ amɛkɛ amɛhe baawo teokrase nitsumɔ mli lɛ nɔ. Amɛbaakwɛ koni amɛkɛ amɛshiɛmɔyaa he akɔntaabuu aha asafo lɛ mra daa nyɔŋ nɔ.
Lala 83 kɛ naagbee sɔlemɔ.
Otsi ni Jeɔ Shishi May 29
12 min: Asafoŋ adafitswai. Kaimɔ mɛi fɛɛ koni amɛkɛ May shiɛmɔyaa he akɔntaabui aha. Ha afee woji ni akɛbaatsu nii yɛ June lɛ he shiɛmɔ wiemɔ kuku he nɔkwɛmɔnɔ. Okɛ nikasemɔ 13 ni yɔɔ Taoɔ wolo bibioo lɛ mli lɛ atsu nii ní okɛtsɔɔ bɔ ni akɛ hegbɛ aaaha mɔ ko akɛ akɛ lɛ baafee Biblia mli nikasemɔ.
15 min: “Miishɛɛ ni Oooná yɛ Osɔɔmɔ Krɔŋkrɔŋ lɛ Mli.” Wiemɔ ni akɛbaaha. Agba yiŋtoi ahewɔ ni esa akɛ wɔná miishɛɛ yɛ wɔsɔɔmɔ nitsumɔ lɛ mli lɛ he sane.—Kwɛmɔ Insight, Kpo 2, baafa 120.
18 min: Biblia Kanemɔ ni Sɛɛnamɔ Yɔɔ Mli. Wiemɔ ni akɛbaaha kɛ nɔkwɛmɔnɔ ni damɔ School Guidebook lɛ baafa 34-35, kuku 6-7 lɛ nɔ. Biblia kanemɔ he gbɛjianɔtoo kpakpa, ní Biblia mli otii lɛ damɔ nɔ lɛ ji nibii ni akaseɔ yɛ Teokrase Sɔɔmɔ Skul lɛ mli lɛ fã. (December 1999 Wɔ Maŋtsɛyeli Sɔɔmɔ lɛ baafa 7) Ha weku ko afee nɔkwɛmɔnɔ ni tsɔɔ bɔ ni weku baanyɛ asusu otsi nɛɛ nikanemɔ kɛha skul lɛ he. Amɛhala sane oti kome loo enyɔ ni yɔɔ miishɛɛ ni amɛtao saji amli ekoŋŋ kɛfata he yɛ Watch Tower Publications Index loo Insight on the Scriptures lɛ mli. Tsɔɔmɔ bɔ ni Biblia lɛ kanemɔ baanyɛ afee nɔ ni shishinumɔ yɔɔ he babaoo, ni wajeɔ wɔ jogbaŋŋ koni ‘wɔja anɔkwale wiemɔ lɛ mli pɛpɛɛpɛ.’—2 Tim. 2:15.
Lala 95 kɛ naagbee sɔlemɔ.
Otsi ni Jeɔ Shishi June 5
5 min: Asafoŋ adafitswai.
10 min: Asafoŋ hiamɔ nii.
15 min: “Hegbɛ ni Gbekɛbii Anine Baanyɛ Ashɛ Nɔ.” Wiemɔ kɛ toibolɔi kɛ sanegbaa. Nyɛgbaa niiashikpamɔi ni yɔɔ December 1, 1996 Buu-Mɔɔ lɛ baafa 13 lɛ kuku 15. Ha gbekɛbii atsɔɔ bɔ ni amɛná woji tɛtrɛbii ajaa lɛ he miishɛɛ. Ha mɔ kome ni ji oblayoo fioo loo oblanyo fioo loo amɛteŋ mɛi enyɔ afee nɔkwɛmɔnɔ ni tsɔɔ woji tɛtrɛbii kɛhamɔ he shiɛmɔ wiemɔ kuku yɛ shinaai anaa. Wo fɔlɔi ahewalɛ ni amɛkɛ amɛbii afata he kɛya woji tɛtrɛbii ajaa daa otsi.
15 min: “‘Áka Amɛ Akwɛ’—Yɛ Mɛɛ Gbɛ Nɔ?” Wiemɔ ni onukpa kɛbaaha. Tĩi Ŋmalɛ naa gbɛjianɔtoo hewɔ ni asafoŋ sɔɔlɔi ahe hiaa yɛ asafo lɛ mli lɛ mli. (Kwɛmɔ Insight, Kpo 2, baafa 409.) Tsɔɔmɔ hesaai ni esa akɛ amɛshɛ he koni ahala amɛ. (Kwɛmɔ Our Ministry wolo lɛ, baafai 55-57.) Tsɔɔmɔ gbɛ̀i ni asafoŋ sɔɔlɔi baanyɛ atsɔ nɔ asɔmɔ, ní owo nyɛmimɛi hii babaoo hewalɛ koni amɛhe asa kɛha hegbɛ nɛɛ.
Lala 82 kɛ naagbee sɔlemɔ.