Sɔɔmɔ Kpee He Gbɛjianɔtoo
Otsi ni Jeɔ Shishi April 14
Lala 20
15 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Okɛ gbɛtsɔɔmɔi ni akɛha yɛ baafa 8 lɛ atsu nii ni oha akɛfee nɔkwɛmɔnii srɔtoi enyɔ ni tsɔɔ bɔ ni abaafee ni akɛ April 15 Buu-Mɔɔ lɛ kɛ April 22 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ akɛaatsɔɔ.
10 min: Sanebimɔ He. Wiemɔ ni onukpa ko baaha.
20 min: “Nyɛkpɛa Tamɔ Kanei.” Muu naa kɛ minitii enumɔ wiemɔ ni damɔ June 1, 1997 Buu-Mɔɔ lɛ baafa 14-15 lɛ kuku 8-13 lɛ nɔ. Maa nɔ hewɔ ni wɔkɛ Maŋtsɛyeli shɛɛ sane lɛ eteee mɛi krokomɛi lɛ nɔ mi.
Lala 134 kɛ naagbee sɔlemɔ.
Otsi ni Jeɔ Shishi April 21
Lala 25
8 min: Asafoŋ adafitswai. Shika he akɔntaabuu.
17 min: “Ani Esa akɛ Obi Aya Skul ni Awɔɔ Jɛmɛ Lɛ?” Akɛ sanebimɔ kɛ hetoo asusu nikasemɔ lɛ kuku 1-8 lɛ he. Esa akɛ onukpa ko ni ji fɔlɔ ni feɔ nɔkwɛmɔnɔ kpakpa atsu he nii.
20 min: “Ha Emɔ Mli” Okɛ shiɛlɔ kome loo mɛi enyɔ ni kɛ amɛ oshijayeli shihilɛ lɛ miitsu nii yɛ gbɛ kpakpa nɔ kɛha Maŋtsɛyeli lɛ he nibii anɔyaa kɛ sanegbaa afata he. Ha amɛtsɔɔ nɔ ni yeɔ ebuaa amɛ ni amɛnáa miishɛɛ yɛ amɛshiɛmɔ nitsumɔ lɛ mli.
Lala 35 kɛ naagbee sɔlemɔ.
Otsi ni Jeɔ Shishi April 28
Lala 51
10 min: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha April aha. Okɛ gbɛtsɔɔmɔi ni akɛha yɛ baafa 8 lɛ atsu nii koni akɛfee nɔkwɛmɔnii srɔtoi enyɔ yɛ bɔ ni abaafee ni akɛ May 1 Buu-Mɔɔ kɛ May 8 Awake! lɛ aha lɛ he nɔkwɛmɔnɔ.
15 min: Asafoŋ hiamɔ nii.
20 min: “Ani Esa akɛ Obi Aya Skul ni Awɔɔ Jɛmɛ Lɛ?” Esa akɛ akɛ sanebimɔ kɛ hetoo asusu nikasemɔ lɛ kuku 9-18 lɛ he. Esa akɛ onukpa ni tsu saneyitso nɛɛ he nii yɛ nyɛsɛɛ otsi lɛ mli lɛ nɔŋŋ atsu he nii.
Lala 164 kɛ naagbee sɔlemɔ.
Otsi ni Jeɔ Shishi May 5
Lala 120
10 min: Asafoŋ adafitswai. Tĩi ŋaawoi ni akɛha yɛ Wɔ Maŋtsɛyeli Sɔɔmɔ ni je kpo yɛ April 2002 lɛ baafa 2 lɛ mli fã ni hiɛ saneyitso akɛ “Gbɛjianɔ ni Wɔɔtsɔ Hiɛ Wɔto Kɛha Gbɛhamɔ Nyɔji Lɛ” mli kuku.
20 min: “Sɛɛkuu-kɛ-Saramɔi Haa Anáa Biblia Mli Nikasemɔi.” Esa akɛ onukpa ko kɛ sanebimɔi ni akɛha lɛ atsu he nii. Ha toibolɔi kɛ niiashikpamɔi kukuji ni amɛná yɛ shiɛmɔ nitsumɔ lɛ mli ní fĩɔ saji otii ni ajieɔ lɛ kpo lɛ asɛɛ lɛ afata he. Beni asusuɔ kuku 6 lɛ he lɛ, ha afee niiashikpamɔ ko ní aná yɛ shikpɔŋkuku lɛ mli ní aje Biblia mli nikasemɔ shishi lɛ he nɔkwɛmɔnɔ.
15 min: Amaniɛbɔɔ Kpakpa—Yiŋtoo Kɛha Miishɛɛnamɔ. (Abɛi 15:30) Toibolɔi kɛ sanegbaa ní miitsɔɔ nɔ ni asafo lɛ nyɛ etsu yɛ mɔdɛŋ ni amɛbɔ jogbaŋŋ kɛtsu nii yɛ March kɛ April mli lɛ hewɔ. Ha asafo lɛ agba niiashikpamɔi ni woɔ mɔ hewalɛ ni amɛná yɛ shihilɛi ni tamɔ nɛkɛ ni nyiɛ sɛɛ nɛɛ amli lɛ amɛtsɔɔ: (1) mɔ ko ni yɔɔ wiemɔ lɛ he miishɛɛ ní aaaye abua lɛ koni eba Kaimɔ lɛ, (2) ní aaasɔmɔ akɛ gbɛgbalɔi awalɔ, (3) mɔ ko ni ekpa shiɛmɔyaa ní aaawo lɛ hewalɛ koni ekɛ asafo lɛ abɔi bɔɔ ekoŋŋ, (4) mɔ hee ní aaaye abua lɛ koni eje shiɛmɔyaa shishi, kɛ (5) mɛi ni ba Kaimɔ lɛ amiishɛɛ shi ní aaatee. Tsɔ hiɛ ni oto saji nɛɛ ekomɛi ahe gbɛjianɔ. Jiemɔ amɛyi, ni owo mɛi fɛɛ hewalɛ koni amɛmia amɛhiɛ yɛ mɔdɛŋ ni amɛbɔɔ nɛɛ mli yɛ wɔsɛɛ be mli.
Lala 126 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.