Sɔɔmɔ Kpee He Gbɛjianɔtoo
Otsi ni Jeɔ Shishi September 8
Lala 10
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wó mɛi fɛɛ hewalɛ koni amɛtĩ nibii ni amɛŋmala yɛ kpokpaa nɔ kpee he wiemɔ he gbɛjianɔtoo kɛha sɔɔmɔ afi ni ho lɛ mli lɛ mli kɛsaa amɛhe kɛha wɔsɛɛ otsi Sɔɔmɔ Kpee lɛ. Okɛ gbɛtsɔɔmɔi ni yɔɔ baafa 4 lɛ atsu nii ni oha afee nɔkwɛmɔnii srɔtoi enyɔ ni tsɔɔ bɔ ni abaafee ni akɛ September 1 Buu-Mɔɔ lɛ kɛ September 8 Awake! lɛ aha. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli moŋ akɛ ekome pɛ aaawie he. Feemɔ fɔlɔ ko ni kɛ ebinuu loo ebiyoo fioo miifee nɔkwɛmɔnɔ kɛmiisaa amɛhe kɛha woji tɛtrɛbii kɛhamɔ lɛ he nɔkwɛmɔnɔ yɛ eko fɛɛ eko mli. Amɛsusu gbɛtsɔɔmɔi lɛ eko fɛɛ eko he kuku dani amɛfee he nɔkwɛmɔnɔ.
10 min: Wolo ni Nitsumɔhe Nine lɛ Ŋmã. Sanegbaa ko ni baaya nɔ yɛ mɔ ko ni kɛ be kakadaŋŋ eshiɛ, kɛ eeehi lɛ asafoŋ onukpa ko, kɛ shiɛlɔ ni edako teŋ. Shiɛlɔ ni edako lɛ bi shiɛlɔ ni yɔɔ niiashikpamɔ lɛ kɛji akɛ ena wolo ni nitsumɔhe nine lɛ ŋmã ni yɔɔ Wɔ Maŋtsɛyeli Sɔɔmɔ lɛ mli lɛ. Shiɛlɔ ni yɔɔ niiashikpamɔ lɛ tsɔɔ mli akɛ wolo ni nitsumɔhe nine lɛ eŋma lɛ ji nɔ ko ni tee nɔ eje kpo yɛ Wɔ Maŋtsɛyeli Sɔɔmɔ lɛ mli yɛ afi 1960 afii lɛ kɛ afi 1970 afii lɛ amli. No sɛɛ lɛ amɛsusu wolo ni aŋma ni yɔɔ hiɛgbɛ baafa lɛ nɔ lɛ he, ni amɛma saji otii titrii lɛ anɔ mi.
25 min: “Oblahii kɛ Oblayei—Nyɛtswaa Shishitoo Nɔ̃ Kpakpa Kɛha Wɔsɛɛ.” Onukpa ko baatsu he nii, ni ekɛ sanebimɔi ni akɛha lɛ atsu nii. Kɛ́ aasusu kuku 5 lɛ he lɛ, maa be-fɛɛ sɔɔmɔ lɛ mli miishɛɛi kɛ jɔɔmɔi lɛ anɔ mi.
Lala 170 kɛ naagbee sɔlemɔ.
Otsi ni Jeɔ Shishi September 15
Lala 199
10 min: Asafoŋ adafitswai. Shika he akɔntaabuu.
10 min: “Já Nyɔŋmɔ Wolo lɛ Kasemɔ.” Wiemɔ ni woloŋ nikasemɔ nɔkwɛlɔ ko baaha. Gbalamɔ jwɛŋmɔ kɛba nikasemɔ he gbɛjianɔtoo lɛ nɔ. Kɛ́ aasusu kuku ejwɛ lɛ he lɛ, okɛ saji ni yɔɔ Sɔɔmɔ Skul wolo lɛ baafa 28 lɛ kuku 1, kɛ baafa 70 lɛ afata he.
25 min: “Ŋɔɔ Ohiɛ Ofɔ̃ Yehowa Nɔ, ni Ofee Ekpakpa.” (Lala 37:3) Toibolɔi kɛ sanegbaa ni damɔ sanebimɔi ni nyiɛ sɛɛ nɛɛ nɔ, ní maa kpokpaa nɔ kpee he wiemɔ he gbɛjianɔtoo kɛha sɔɔmɔ afi ni ho lɛ mli saji otii titrii lɛ anɔ mi. Bi toibolɔi lɛ ni amɛkɛ saji ni tsɔɔ bɔ ni amɛ diɛŋtsɛ loo ákɛ weku lɛ, amɛnyɛ amɛkɛ saji otii titrii lɛ etsu nii lɛ afata he. Wiemɔ nɛkɛ wiemɔ he gbɛjianɔtoo lɛ fãi nɛɛ ahe: (1) “Hekɛnɔfɔɔ Kpo ni Aaajie yɛ Yehowa Mli.” Mɛni hewɔ ehe hiaa ákɛ akɛ hiɛ afɔ Yehowa nɔ yɛ shihilɛi srɔtoi fɛɛ amli lɛ? (it-2 bf. 521) Mɛɛ gbɛ nɔ Watch Tower Publications Index lɛ baanyɛ aye abua wɔ yɛ? (2) “Kwɛmɔ Jogbaŋŋ yɛ Shihilɛ Mli Yakayaka Nibii lɛ Ahe.” (Jaj. 2:4-8, 11) Mɛɛ yakayaka nitsumɔi esa akɛ wɔkwɛ wɔhe nɔ jogbaŋŋ yɛ he, ni mɛɛ gbɛ nɔ wɔɔtsɔ wɔfee nakai? (3) “Nyɛkpoa Efɔŋ—Nyɛfea Mɛi ni Feɔ Ekpakpa.” Mɛni hewɔ ehe hiaa ákɛ akɛ Yehowa shishitoo mlai lɛ aaatsu nii lɛ? (Yes. 5:20) Esa akɛ wɔkɛ hiɛdɔɔ atsu mɛɛ nitsumɔi kpakpai? (4) “Ní Wɔɔhiɛ Wɔhe ni Wɔkɛfɔɔ Yehowa Nɔ lɛ Mli.” Mɛni baaye abua wɔ ni wɔdamɔ shi shiŋŋ yɛ kaai ni wɔkɛkpeɔ lɛ fɛɛ sɛɛ? Mɛni hewɔ ekolɛ ehe baahia ni wɔshi saji komɛi wɔha Yehowa lɛ? (5) “Ani Abaabu Bo ákɛ Mɔ ni Sa Nyɔŋmɔ Maŋtsɛyeli Lɛ?” (Kol. 1:10) Mɛɛ Biblia mli nɔkwɛmɔnii woɔ wɔ hewalɛ koni wɔya nɔ wɔnyiɛ bɔ ni sa Yehowa hiɛ lɛ? (6) “Okɛ Ohiɛ Afɔ̃ Yehowa Shiwoi lɛ Anɔ.” Te enɛ feemɔ baasa wɔshihilɛi ahe eha tɛŋŋ?
Lala 58 kɛ naagbee sɔlemɔ.
Otsi ni Jeɔ Shishi September 22
Lala 7
10 min: Asafoŋ adafitswai. Okɛ ŋaawoi ni akɛha yɛ baafa 4 lɛ atsu nii ni oha afee nɔkwɛmɔnii srɔtoi enyɔ ni yɔɔ diɛŋtsɛ ni tsɔɔ bɔ ni abaafee ni akɛ September 15 Buu-Mɔɔ lɛ kɛ September 22 Awake! lɛ aha. Ha ni afee nikaselɔ loo fɔlɔ ko ni miiye skul tsɔɔlɔ ko odase he nɔkwɛmɔnɔ yɛ nɔkwɛmɔnii lɛ ekome mli.
15 min: Mɛni Wɔnyɛ Wɔtsu Nyɛsɛɛ Afi Lɛ? Sɔɔmɔ nitsumɔ nɔkwɛlɔ lɛ atĩ asafo lɛ akɔntaabuu kɛha afi 2003 sɔɔmɔ afi lɛ mli nii ni atsu lɛ mli saji otii lɛ amli. Jiemɔ asafo lɛ yi yɛ nibii kpakpai ni amɛnyɛ amɛtsu lɛ hewɔ. Okɛ saji otii ni sa ni yɔɔ saji ni kpokpaa nɔkwɛlɔ lɛ eŋmala efɔ shi yɛ nyɛsɛɛ nɛɛ saramɔ lɛ mli lɛ afata he. Tsii oti kome loo enyɔ ni abaanyɛ ashɛ he yɛ afi ni baa lɛ mli lɛ tã.
20 min: Ani Nyɔŋmɔ Kpɛlɛɔ Jamɔi Fɛɛ Nɔ? Toibolɔi kɛ sanegbaa ni damɔ Reasoning wolo lɛ nɔ. Tsɔɔmɔ bɔ ni aaafee akɛ mɔ ko asusu sane oti nɛɛ he lɛ mli. (rs bf. 322-323) Maa gbɛ̀i srɔtoi ni abaanyɛ atsɔ nɔ ayɔse anɔkwa jamɔ lɛ enyɔoo ko nɔ mi. (rs bf. 328-330) Wɔsɔɔmɔ nitsumɔ lɛ yeɔ ebuaa mɛi krokomɛi koni amɛhala jamɔ ni Nyɔŋmɔ kpɛlɛɔ nɔ lɛ.—Kol. 1:9, 10.
Lala 39 kɛ naagbee sɔlemɔ.
Otsi ni Jeɔ Shishi September 29
Lala 194
10 min: Asafoŋ adafitswai. Kaimɔ shiɛlɔi ni amɛkɛ amɛshiɛmɔyaa he akɔntaabuu kɛha September lɛ aha. Tsɔɔmɔ wolo ni akɛbaaha yɛ October. Ha afee bɔ ni akɛ Taoɔ wolo bibioo lɛ jeɔ Biblia mli nikasemɔ shishi lɛ he nɔkwɛmɔnɔ kuku.
15 min: Asafoŋ hiamɔ nii.
20 min: “Nyɛkɛ Heshibaa Ahàa Nyɛhe.” Ha toibolɔi lɛ atsɔɔ bɔ ni abaanyɛ akɛ ŋmalɛi lɛ atsu nii aha.
Lala 224 kɛ naagbee sɔlemɔ.
Otsi ni Jeɔ Shishi October 6
Lala 170
10 min: Asafoŋ adafitswai. Wɔbaabɔ mɔdɛŋ jogbaŋŋ koni wɔje Biblia mli nikasemɔi ashishi yɛ nyɔŋ nɛɛ nɔ. Tĩi Wɔ Maŋtsɛyeli Sɔɔmɔ ni je kpo yɛ May 2002 lɛ baafa 1, kuku 1 lɛ mli kuku.
15 min: “Kwɛmɔ Jogbaŋŋ ni Okɛ Nibii ni He Hiaa Aye Klɛŋklɛŋ Gbɛhe!” Wiemɔ kɛ toibolɔi kɛ sanegbaa ni damɔ sane ni yɔɔ September 1, 1998 Buu-Mɔɔ lɛ baafa 19-21 lɛ nɔ. Tsɔɔmɔ gbii ni ato he gbɛjianɔ kɛha teokrase nifeemɔi kɛha nyɔji ni nyiɛ sɛɛ lɛ, ni owo mɛi fɛɛ hewalɛ ni amɛkadi gbii nɛɛ yɛ amɛkalanda lɛ nɔ. Ha toibolɔi lɛ atsɔɔ nɔ ni amɛfeɔ koni mumɔŋ niyenii akaŋmɛɛ amɛ lɛ mli.
20 min: Ní Akɛ Ekãa Aaate Shi Awo Tipɛŋfoi Anɔnyɛɛ. Bi onukpa ko loo asafoŋ sɔɔlɔ ko ni atsɔse lɛ yɛ Kristofoi ashia mli lɛ sane. Tsĩi saji otii ni ahala kɛjɛ February 15, 2003 Buu-Mɔɔ lɛ mli lɛ tã. Mɛɛ nɔnyɛɛ nyɛmi nuu lɛ kɛkpe yɛ skul? (bf. 24 kk. 3; bf. 25 kk. 4-5) Ani ekɛ mɛi krokomɛi anifeemɔ ni náa mɔ nɔ hewalɛ gbonyo ko kpe? (bf. 26 kk. 4-6) Ákɛ mɔ ko ni eda lɛ, ani ekɛ tipɛŋfoi anɔnyɛɛ miikpe lolo? Mɛni yeɔ ebuaa lɛ koni ete shi ewo nɔnyɛɛ koni ekpɛlɛ nɔ ko nɔ lɛ? Okɛ wiemɔ kuku ni damɔ Buu-Mɔɔ ni je kpo yɛ August 1, 1999 lɛ, baafa 24-25 lɛ nɔ lɛ amu naa kuku, ni oma sɛɛnamɔi ni jɛɔ naanyo kpakpa ni aaabɔ lɛ mli aba lɛ nɔ mi.
Lala 26 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.