Sɔɔmɔ Kpee He Gbɛjianɔtoo
Otsi ni Jeɔ Shishi December 12
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Agbɛnɛ hu tĩi sane ni ji “Nibii ni Ashɛɔ Daa Afi ní Abaashɛ Kɛha Afi 2007” lɛ mli. Ha nyɛmimɛi lɛ ale be ni esa akɛ amɛyabi ni ashɛ nibii ni amɛtaoɔ lɛ aha amɛ. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ December 1 Buu-Mɔɔ loo December 8 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Kɛ́ agbe nɔkwɛmɔnɔ lɛ naa lɛ, wiemɔ bɔ ni eyɔɔ mlɛo ákɛ akɛ ŋmalɛ ko aaawo shiɛmɔ wiemɔ mli lɛ he.
Min. 15: “Skul ní Yeɔ Buaa Wɔ ní Wɔkɛ Nɔ ni Wɔkaseɔ lɛ Atsu Nii.” Wiemɔ ni skul nɔkwɛlɔ lɛ baaha. Okɛ nɔ ni aŋma ahɔ October 2005 Wɔ Maŋtsɛyeli Sɔɔmɔ lɛ mli lɛ mli wiemɔi afata he.
Min. 20: “Nikasemɔ ni Haa Anáa Wala.” Tsɔ hiɛ oto gbɛjianɔ koni mɔ kome loo mɛi enyɔ awie bɔ ni amɛná nitsɔɔmɔ ni jɛ Nyɔŋmɔ ŋɔɔ lɛ he sɛɛ lɛ he.
Lala 101 kɛ naagbee sɔlemɔ.
Otsi ni Jeɔ Shishi December 19
Lala 160
Min. 5: Asafoŋ adafitswai. Tsɔɔmɔ shiɛmɔyaa he gbɛjianɔi krɛdɛɛi ni ato kɛha December 25 kɛ January 1. Kaimɔ mɛi fɛɛ koni amɛha sɔɔlɔ ni kwɛɔ woji anɔ lɛ ale nibii ni ashɛɔ daa afi ni amɛtaoɔ akɛ ashɛ eko aha amɛ kɛha afi 2007 lɛ.
Min. 15: “Fó Mɛi Krokomɛi Anɔ̃ Mli—Kɛtsɔ Oshiɛmɔ Wiemɔ lɛ Mli ní Oootsake lɛ Nɔ.” Ha afee nɔkwɛmɔnɔ kuku ko ni miitsɔɔ bɔ ni shiɛlɔ ko baanyɛ adamɔ shiastɛ lɛ wiemɔi anɔ etsake ewiemɔ lɛ mli.
Min. 25: “Ani Obi lɛ Baanyɛ Akpɛ Eyiŋ Tamɔ Mɔ ko ni Eda?” Onukpa ko baatsu he nii. Ha nyɛminuu ko ni ji nikanelɔ ni he esa lɛ akane kukuji lɛ eko fɛɛ eko mli. Nyɛsusua ŋmalɛi ni aŋmalako emli wiemɔi lɛ fɛɛ ahe. Kɛ́ nyɛsusu kuku 2 lɛ he nyɛgbe naa lɛ, tsɔɔmɔ srɔtofeemɔ ni yɔɔ oblanyo ni atsĩ etã yɛ June 15, 1991 Watchtower lɛ kuku 16-17 lɛ kɛ oblayoo ni atsĩ etã yɛ akrabatsa ni yɔɔ baafa 16-17 lɛ mli lɛ mli. Wó fɔlɔi hewalɛ koni amɛkɛ amɛbii lɛ atĩ nakai nikasemɔ ni yɔɔ nakai The Watchtower lɛ mli lɛ fɛɛ mli amrɔ nɔŋŋ, ni amɛha amɛbii lɛ afee bɔ ni amɛbaatsɔɔ Biblia mli fãmɔ akɛ ahi lá lɛ mli amɛtsɔɔ mɔ ko lɛ he nɔkwɛmɔnɔ amɛtsɔɔ amɛ, koni amɛkɛ no asaa amɛ ní amɛnyɛ amɛtsɔɔ amɛhemɔkɛyeli lɛ mli yɛ gbɛ ni tsɔɔ mɔ yiŋ nɔ. Esa akɛ weku yitsei lɛ akwɛ koni amɛbii ni abaptisi amɛ lɛ ateŋ mɔ fɛɛ mɔ ahiɛ DPA wolo lɛ eko, ní amɛbii ni ji shiɛlɔi ni abaptisiko amɛ lɛ hu ahiɛ Identity Card lɛ eko. Be fɛɛ be ni aaatsĩ mɔ ko naa yɛ helatsamɔhe, ní lá hamɔ he sane aaate shi lɛ, esa akɛ onukpai lɛ ana Hospital Liaison Committee ni yɔɔ he ni amɛyɔɔ lɛ kɛha yelikɛbuamɔ.
Lala 56 kɛ naagbee sɔlemɔ.
Otsi ni Jeɔ Shishi December 26
Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Kaimɔ shiɛlɔi koni amɛkɛ shiɛmɔyaa he akɔntaabui kɛha December lɛ aha. Ha nyɛmimɛi lɛ fɛɛ ayekoo yɛ Ghana akɔntaabuu kɛha August lɛ hewɔ, ni owo mɔ fɛɛ mɔ hewalɛ ni ekɛ shiɛmɔ he akɔntaabuu lɛ aha mra. Kɛji akɛ nyɛsafo lɛ baatsake kpee bei kɛha afi hee lɛ, no lɛ tsɔɔmɔ bei hee ni nyɛkɛbaaba kpeei lɛ. Tsɔɔmɔ wolo ni akɛbaatsu nii yɛ January lɛ, ni otsɔɔ he ni abaana enɛ he shiɛmɔ wiemɔi ni akɛha lɛ yɛ. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ December 15 Buu-Mɔɔ loo December 22 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii.
Min. 20: Mɛni Hewɔ Esa akɛ Abu Gbalashihilɛ akɛ Eyɛ Krɔŋkrɔŋ? Wiemɔ ni onukpa ko baadamɔ May 8, afi 2004 Awake! lɛ baafa 20, 21 lɛ nɔ eha. Maa bɔ ni Ŋmalɛ lɛ buɔ gbalashihilɛ ehaa, taakɛ atsɔɔ mli yɛ saneyitsei bibii lɛ eko fɛɛ eko mli lɛ nɔ mi, ni owo mɛi fɛɛ hewalɛ ní amɛkɛ bulɛ aha gbalashihilɛ gbɛjianɔtoo lɛ.
Min. 15: Ní Okɛ Yehowa Aaafee o-Nyɔŋmɔ. Wiemɔ ni onukpa ko baadamɔ April 1, afi 2005 Buu-Mɔɔ lɛ baafa 25-28 lɛ nɔ eha. Tsɔɔmɔ gbɛ nɔ ni abaatsɔ akɛ nikasemɔi ni yɔɔ nɔkwɛmɔnii ni Abraham, David, kɛ Elia fee lɛ mli lɛ atsu nii.
Lala 222 kɛ naagbee sɔlemɔ.
Otsi ni Jeɔ Shishi January 2
Min. 15: Asafoŋ adafitswai. Mɛni Ji Harmagedon? Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ okɛ sanebimɔ kɛ hetoo atsu saji ni yɔɔ Reasoning wolo lɛ baafa 44-49 lɛ he nii. Ha toibolɔi lɛ kɛ ŋmalɛi ni aŋmala emli wiemɔi kɛ nɔ ni aŋmalako emli wiemɔi lɛ atsu nii kɛha sanebimɔi ni akɛ niŋmaa okadii ni mli ti eŋmala lɛ ahetoo. Nyɛsusua bɔ ni abaanyɛ akɛ sane nɛɛ atsu nii yɛ shiɛmɔ nitsumɔ lɛ mli lɛ he.
Min. 15: “Okɛ Wɔ-Biblia Kasemɔ Woji lɛ Atsu Nii yɛ Nilee Mli.” Okɛ September 2002 Wɔ Maŋtsɛyeli Sɔɔmɔ lɛ baafa 1 lɛ mli wiemɔi afata he.
Min. 15: Asafoŋ hiamɔ nii. Asafoi ni etee amɛkpokpaa wulu nɔ kpeei lɛ momo lɛ baanyɛ amɛkɛ fã nɛɛ atĩ kpee lɛ mli taakɛ atsɔɔ mli yɛ November 2005 Wɔ Maŋtsɛyeli Sɔɔmɔ lɛ baafa 2 lɛ.
Lala 48 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.