Sɔɔmɔ Kpee He Gbɛjianɔtoo

Otsi ni Jeɔ Shishi January 14

Lala 41

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ January 1 Buu-Mɔɔ lɛ kɛ January Awake! lɛ aha.

Min. 15: “Okɛ Obe Atsu Nii Jogbaŋŋ yɛ Shiɛmɔ Nitsumɔ lɛ Mli.”a Bi nyɛminuu ko ni feɔ nɔkwɛmɔnɔ kpakpa yɛ bɔ ni ekwɛɔ kpee kɛha shiɛmɔyaa lɛ nɔ ehaa lɛ saji. Kɛ́ eyaakwɛ kpee kɛha shiɛmɔyaa lɛ nɔ lɛ, te esaa ehe ehaa tɛŋŋ, ni mɛni efeɔ koni eha akɛ be babaoo atsu nii yɛ shiɛmɔ nitsumɔ lɛ mli?

Min. 20: “Nyɛhaa Ŋoo Ahia Nyɛwiemɔ Mli Daa.”b Kɛ́ nyɛmiisusu kuku 2 lɛ he lɛ, kanemɔ Yohane 4:7-15, 39.

Lala 85

Otsi ni Jeɔ Shishi January 21

Lala 215

Min. 10: Asafoŋ adafitswai. Tsɔɔmɔ wolo ni akɛbaaha yɛ February, ni oha akɛ ehe shiɛmɔ wiemɔi lɛ eko afee nɔkwɛmɔnɔ. Wó mɔ fɛɛ mɔ hewalɛ ni ekwɛ vidio ni ji Transfusion-Alternative Health Care—Meeting Patient Needs and Rights lɛ, ni ekɛsaa ehe kɛha emli sanegbaa ni baaya nɔ yɛ Sɔɔmɔ Kpee ni abaafee yɛ February 4 otsi lɛ mli lɛ. Tii Sanebimɔ He lɛ mli.

Min. 10: Ani okɛ Ŋmalɛi lɛ Amli ni Wɔɔkwɛ Daa wolo lɛ miitsu nii? Wiemɔ kɛ toibolɔi ni akɛaagba sane ni damɔ hiɛkpamɔ wiemɔ ni yɔɔ Ŋmalɛi lɛ Amli ni Wɔɔkwɛ Daa—2008 wolo lɛ mli lɛ nɔ. Okɛ toibolɔi lɛ agba sɛɛnamɔi ni yɔɔ be ni akɛaasusu daa gbi Ŋmalɛ lɛ kɛ emlitsɔɔmɔ ni akɛha lɛ he lɛ he sane. Ha toibolɔi lɛ atsɔɔ gbɛjianɔ ni amɛto ní amɛkɛsusuɔ ŋmalɛi ni akɛha lɛ he kɛ bɔ ni amɛnáa he sɛɛ. Abaanyɛ aha amɛteŋ mɔ kome loo mɛi enyɔ ale enɛ kɛtsɔ hiɛ. Wiemɔ 2008 afi ŋmalɛ lɛ he kuku.

Min. 25: “Ye Sanekpakpa lɛ He Odase Kɛmɔ Shi.”c (Kk. 1-10) Sɔɔmɔ nitsumɔ nɔkwɛlɔ lɛ baatsu he nii. Bi mɔ kome loo mɛi enyɔ ní kɛ amɛhe wo gbɛgbalɔi awamɔ nitsumɔ lɛ mli nyɛsɛɛ afi lɛ yɛ dekã ni amɛbɛ loo gbɔmɔtsoŋ hewalɛ ni amɛbɛ lɛ fɛɛ sɛɛ lɛ saji. Te amɛfee tɛŋŋ amɛnyɛ amɛtsu? Mɛɛ miishɛɛ amɛná? Kɛ́ nyɛmiisusu kuku 7 lɛ he lɛ, tsɔɔmɔ bɔ ni ato kpee kɛha shiɛmɔyaa he gbɛjianɔ aha yɛ March, April, kɛ May.

Lala 177

Otsi ni Jeɔ Shishi January 28

Lala 52

Min. 10: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha January lɛ aha. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Toibolɔi ni akɛaagba sane ni damɔ February 1 Buu-Mɔɔ kɛ February Awake! lɛ nɔ. Beni okpa eko fɛɛ eko hiɛ kuku sɛɛ lɛ, bi toibolɔi lɛ ni amɛtsɔɔ saji ni yɔɔ woji tɛtrɛbii lɛ amli lɛ ateŋ nɔ ni mɛi ni yɔɔ shikpɔŋkuku lɛ mli lɛ baanya he, kɛ nɔ hewɔ ni amɛkɛɔ nakai. Ha toibolɔi lɛ atsɔɔ otii pɔtɛɛ komɛi ni yɔɔ saji ni amɛhala akɛ amɛkɛbaatsu nii lɛ mli. Mɛɛ saji abaanyɛ abi kɛje sanegbaa lɛ shishi? Mɛɛ ŋmalɛ ni yɔɔ sane lɛ mli lɛ abaanyɛ akane yɛ no sɛɛ? Mɛɛ gbɛ nɔ abaanyɛ atsɔ aha ŋmalɛ lɛ akɔ sane lɛ he? Okɛ shiɛmɔ wiemɔi ni yɔɔ baafa 8 lɛ atsu nii ni okɛfee bɔ ni abaanyɛ akɛ woji tɛtrɛbii lɛ eko fɛɛ eko aha lɛ he nɔkwɛmɔnɔ.

Min. 20: “Ye Sanekpakpa lɛ He Odase Kɛmɔ Shi.”d (Kk. 11-17) Kɛ́ Kaimɔ lɛ he ninefɔ̃ɔ wolo krɛdɛɛ lɛ eko yɛ lɛ, ha mɔ fɛɛ mɔ ni eba kpee lɛ ekome kɛ́ nyɛmiisusu kuku 14 lɛ he. Tsɔɔmɔ gbɛjianɔ ni nyɛsafo lɛ eto ni akɛbaaja yɛ nyɛshikpɔŋkuku lɛ mli fɛɛ.

Min. 15: “Ye Obua Biblia Kaselɔi ní Amɛbatsɔmɔ Maŋtsɛyeli Sanekpakpa Jajelɔi.”e Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.

Lala 22

Otsi ni Jeɔ Shishi February 4

Lala 161

Min. 5: Asafoŋ adafitswai.

Min. 15: Asafoŋ hiamɔ nii. Asafoi ni etĩko kpokpaa wulu nɔ kpee ni amɛtee lɛ mli lolo lɛ baanyɛ amɛkɛ fã nɛɛ atĩ kpee lɛ mli taakɛ atsɔɔ mli yɛ November 2007 Wɔ Maŋtsɛyeli Sɔɔmɔ lɛ baafa 2 lɛ.

Min. 25: “Ani Ootsi Ooto?” Onukpa ko baatsu he nii. Okɛ sanebimɔi ni akala yɛ sane ni nyɛsusuɔ he lɛ mli lɛ atsu nii ní okɛ toibolɔi lɛ aje Patient Needs and Rights vidio lɛ he sanegbaa shishi amrɔ nɔŋŋ. Kanemɔ naagbee kuku lɛ kɛmu naa, ni owo mɛi fɛɛ hewalɛ ni amɛkwɛ saji ni yɔɔ Buu-Mɔɔ kɛ Wɔ Maŋtsɛyeli Sɔɔmɔ lɛ ni atsɛ yisɛɛ lɛ mli lɛ amli jogbaŋŋ ekoŋŋ. Tsɔɔmɔ bɔ ni mɔ fɛɛ mɔ ni eŋmako DPA wolo lɛ nɔ nii lɛ baanyɛ akwɛ saji ni yɔɔ nɔ ni aŋma ahɔ December 2006 Wɔ Maŋtsɛyeli Sɔɔmɔ lɛ mli ni ekɛkpɛ lɛ diɛŋtsɛ eyiŋ yɛ nibii titrii ejwɛ ni feɔ lá kɛ helatsamɔ nifeemɔi ahe, ni no sɛɛ lɛ eŋmala eyiŋkpɛɛ lɛ yɛ DPA wolo lɛ nɔ lɛ mli. Ekolɛ mɛi ni eŋmala DPA wolo lɛ nɔ nii momo lɛ baasumɔ ni amɛkwɛ yiŋkpɛi ni amɛfee lɛ mli ekoŋŋ, koni kɛ́ ebaahi lɛ amɛŋmala ehee nɔ nii.

Lala 4

[Shishigbɛ niŋmai]

Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.