Sanebimɔ He

◼ Mɛni tsɔɔ akɛ mɔ ko sɔɔmɔ nitsumɔ he akɔntaabuu yeɔ emuu?

Yehowa Odasefoi fɛɛ yɛ miishɛɛ waa akɛ amɛaale nɔ ni atsuɔ yɛ sɔɔmɔ nitsumɔ lɛ mli daa nyɔŋ nɔ kɛ daa afi. Akɔntaabuu ni kɔɔ enɛ he lɛ feɔ hewalɛwoo nɔ kɛhaa wɔ fɛɛ. (Bɔf. 2:​41; 4:⁠4) No hewɔ lɛ aabi ni mɔ fɛɛ mɔ kɛ akɔntaabuu ni yeɔ emuu aha yɛ nyɔŋ fɛɛ nyɔŋ naagbee mli.

Bɔni afee ni wɔnyɛ wɔnu nɔ ni esa akɛ wɔkɛfata wɔ sɔɔmɔ nitsumɔ akɔntaabuu lɛ he lɛ shishi lɛ, ebaahi jogbaŋŋ akɛ wɔɔkane Organized to Accomplish Our Ministry wolo lɛ baafai 102 kɛyashi 104. Sanebimɔi tamɔ, Mɛɛ be esa akɛ wɔje ŋmɛlɛtswaa ni wɔkɛwoɔ sɔɔmɔ nitsumɔ lɛ mli lɛ kanemɔ shishi? Mɛni feɔ sɛɛsaramɔ? Mɛni wɔbaanyɛ wɔbu he akɔntaa akɛ Biblia kasemɔ? ji saji ni aha hetoo afata ekrokomɛi ahe. Agbɛnɛ hu akɛ emlitsɔɔmɔ kroko eha yɛ wiemɔ ni hiɛ fai enyɔ, “Ye Obua ni Ana Akɔntaabuu ni Ja” ni jeɔ kpo yɛ December 1981 kɛ January 1982 Wɔ Maŋtsɛyeli Sɔɔmɔ lɛ mli lɛ mli.

Esa akɛ onukpai ni ahala amɛ akɛ amɛkɛ shiɛlɔ hee ko awie lɛ hu abɔ mɔdɛŋ ni amɛtsɔɔ saji otii ni yɔɔ yiteŋgbɛ nɛɛ mli fitsofitso amɛtsɔɔ lɛ, ni amɛkɛ Field Service Report (S-4) lɛ kɛ Study Report (S-3) woji bibii ni akɛ sɔɔmɔ nitsumɔ he akɔntaabuu woɔ nɔ lɛ atsu nii, koni ana nɔmimaa akɛ mɔ hee lɛ nuɔ bɔ ni abuɔ sɔɔmɔ nitsumɔ he akɔntaa ahaa lɛ shishi jogbaŋŋ.