Kɛji Oku Osɛɛ Otee Jɛmɛ Iɛ Mɛni Obaakɛɛ?
1 Kɛji wɔsɔɔmɔ nitsumɔ lɛ baamɔ shi lɛ, no lɛ ebiɔ hesaamɔ koni kɛ wɔku wɔsɛɛ wɔtee mɛi ni na he miishɛɛ tsutsu lɛ aŋɔɔ lɛ, ni wɔnyɛ wɔtee amɛmiishɛɛ lɛ shi ni wɔtsa wɔsanegbaa lɛ nɔ. Mɛɛ gbɛ nɔ wɔɔtsɔ wɔfee enɛ?
2 Akɛni anɔkwa Kristofoi yɛ mɛi krokomɛi ahe miishɛɛ lɛlɛŋ hewɔ lɛ, ekolɛ obaasumɔ ni okai nɔ ko ni okase yɛ shiatsɛ lɛ he yɛ osaramɔ be ni tsɔ hiɛ lɛ mli.
Kɛji mɔ lɛ etsɔɔ bɔ ni esusuɔ awuiyeli he lɛ, obaanyɛ okɛɛ akɛ:
◼ “Nyɛsɛɛ ni wɔgba sane lɛ, owie akɛ bɔ ni wɔnaa ni mlakwamɔ efa babaoo lɛ haoɔ bo waa diɛŋtsɛ. Ani osusuɔ akɛ kɛji ahe polisifoi pii lɛ, ebaaha ana naagba lɛ naa?”
Kɛji mɔ lɛ tsɔɔ yeyeeye-feemɔ yɛ tsakemɔi ni eba je lɛŋ nyɛsɛɛ nɛɛ ahe lɛ, obaanyɛ okɛɛ akɛ:
◼ “Nyɛsɛɛ ni wɔgba sane lɛ, owie oti ko he ni sa hesusumɔ waa, ni kɔɔ bɔ ni toiŋjɔlɛ bɛ je lɛŋ lɛ he. Ani osusuɔ akɛ je lɛ hiɛnyiɛlɔi lɛ kɛ jeŋ gbɛjianɔtoo hee ko baaba?”
Kɛji mɔ lɛ ehao yɛ mɛi krokomɛi ahiɛjoomɔ hewɔ lɛ, obaanyɛ okɛɛ akɛ:
◼ “Nyɛsɛɛ ni wɔgba sane lɛ, owie oti ko ni sa jogbaŋŋ he, ni kɔɔ hiɛjoomɔ ni wɔnaa yɛ gbɔmɛi babaoo amli lɛ he. Mɛni ji ojwɛŋmɔ yɛ bɔ ni Nyɔŋmɔ buɔ hiɛjoolɔi ehaa lɛ he? [Ŋmɛɛ gbɛ ni eha hetoo.] Naa nɔ ni Biblia lɛ kɛɔ yɛ Efesobii 5:5.”
3 Wiemɔi krokomɛi ni akɛtsu nii jogbaŋŋ kɛmɔ lɛ ekomɛi nɛ: ◼ “Minya sane ni wɔgba nyɛsɛɛ lɛ he waa, no hewɔ lɛ mitao nɛkɛ sane kuku nɛɛ mli koni mikɛbatsɔɔ bo bɔ ni Yehowa susuɔ mɛi ni bɛ shihilɛ hei lɛ amanehulu lɛ he ehaa. Kadimɔ Yesaia 65:21-23.”
◼ “Mina wiemɔ ni owie akɛ nɔyeli kpakpa he ehia adesai lɛ he miishɛɛ waa” “Obi sane ko ni yɔɔ miishɛɛ waa, kɛji jamɔi fɛɛ ni yɔɔ lɛ naa Nyɔŋmɔ nɔkpɛlɛmɔ.” “Nɔni owie yɛ shihilɛ ni atsɔ hiɛ ato he gbɛjianɔ momo he lɛ eha misusu saji ahe waa diɛŋtsɛ.”
◼ “Misusu sane ni wɔgba lɛ he babaoo, ni oti ko yɛ wolo nɛɛ mli (tsɔɔmɔ wolo ni ji) ni misusuɔ akɛ obaana he miishɛɛ waa. [Obaanyɛ okɛ wolo lɛ mli otii komɛi ni ohala atsɔɔ shiatsɛ lɛ.]”
◼ Hiɛkpamɔ wiemɔi ni tamɔ nɛkɛ lɛ tsɔɔ akɛ wɔhiɛ sɔɔ sane ni wɔgba momo kɛtsɔ hiɛ lɛ, ni akɛ wɔyɛ he miishɛɛ akɛ wɔkɛ shiatsɛ lɛ aaawie ekoŋŋ.
4 Dani oooya sɛɛsaramɔ lɛ, susumɔ nɔ ni obaakɛɛ lɛ he. Saamɔ owiemɔ lɛ koni esa mɔ fɛɛ mɔ ni okɛ lɛ baawie lɛ.
5 Kɛji mɔ ni wɔyasara lɛ bɛ deka lɛ, wɔbaanyɛ wɔkɛɛ nɛkɛ ni wɔsaramɔ lɛ amɔ shi:
◼ “Mile akɛ minitii fioo ko pɛ oyɔɔ, shi sane ko yɛ biɛ ni obaanyɛ osusu he beni ogbeɔ nɔ ni otsuɔ lɛ naa lɛ. [Kanemɔ Mateo 5:3.]”
Aloo obaanyɛ okɛɛ akɛ:
◼ “Miŋmala nɛkɛ ŋmalɛi etɛ nɛɛ mibaha bo. Akɛni deka bɛ ni wɔbaanyɛ wɔkɛgba sane ŋmɛnɛ hewɔ lɛ, ha mashi maha bo, koni kɛji miku misɛɛ miba lɛ, ni maŋɔ minitii enumɔ ko ni mikɛ bo agba he sane.”
6 Gbɛi ni Esaaa Akɛ Wɔkɛtsuɔ Nii:
Bei pii lɛ sanebimɔi ni ahaŋ hetoo bɔ ni sa aloo nɔ ni baawo shiatsɛ lɛ hiɛgbele lɛ wooo yibii kpakpai ko. Ekomɛi nɛ: “Ani okane wolo ni mishi miha bo nyɛsɛɛ lɛ?” “Ani oyɛ sane ko bimɔ?” “Ani okaiɔ mi?” “Miba oŋɔɔ ni mibabi kɛji oyɛ he miishɛɛ lolo akɛ wɔɔgba yiŋtoi ni Nyɔŋmɔ yɔɔ yɛ shikpɔŋ nɛɛ he lɛ he sane.”
7 Kɛji wɔtsɔ hiɛ wɔsaa wɔhe lɛ, no lɛ wɔbaana ekaa akɛ wɔɔya mɛi ni ena wiemɔ lɛ he miishɛɛ lɛ aŋɔɔ bɔni afee ni wɔkɛ yelikɛbuamɔ ni he baaba sɛɛnamɔ